宜蘭縣教育支援平台 會員登入 會員註冊 我的i教書

« 上一篇 | 下一篇 »

     黎明國小 台語 每週一歌莊文龍  編
週別 單元 學習目標  -  品德教育  中心德目
第一週 學台語

學生朋友學台語,

大聲開喙上歡喜,

會曉讀冊唸歌詩,

這款快樂無地比。

第二週 勤讀冊

拍算計畫勤讀冊,

拚命認真莫留白,

讀久體會寶貝提,

冊中好空在你踅。

第三週 有禮貌

做人謙虛有禮貌,

看人就笑愛頕頭,

朋友弟兄好慷交,

金銀財寶到咱兜。

第四週 守規矩

上課做人守規矩,

跤手緊快聽教示,

訓練家己好腦智,

創新應變得先機。

第五週 愛清氣

穿插好看愛清氣,

指甲捷修照順序,

身軀定洗真四序,

環境清幽樂安居。

第六週 公德

行善積德無所求,

公共道德好理由,

知足常樂免憂愁,

貢獻社會有成就。

第七週 友愛

你我攏是好朋友,

鬥陣讀冊手牽手,

做伙運動佮拍球,

好聽的歌同齊唱。

第八週 尊重

互相尊重佮支持,

遵守規矩聽教示,

注意公平愛講理,

乖巧聰明捌代誌。

第九週 守法

駛車守法愛小心,

互相相讓著愛忍,

燒酒千萬毋通

若無一定會相唚。

第十週 負責

我是負責好學生,

上課袂吵蓋安靜,

專心用功上正經,

考試攏考第一等。

第十一週 孝順

身體健康食百二,

萬事如意真歡喜,

逐工快樂笑嘻嘻,

我會永遠有孝你。

第十二週 好學生

黎明學生真正好,

讀冊認真人呵咾,

上課規矩通人褒,

健康可愛閣活寶。

第十三週 老實

台灣的人上蓋好,

認真骨力拍拚做,

古意老實真可靠,

樸實勤儉袂駱駝。

第十四週 向上心

逐家趕緊做伙來,

爭取冠軍提金牌,

提著頭名人人愛,

眾人歡喜笑咍咍。

第十五週 勇敢

拄著問題愛開喙,

請人幫贊想較開,

勇敢拍拚靠智慧,

咱一世人袂枉費。

第十六週 立志

若欲成功愛立志,

跤踏實地有志氣,

計畫周全用計智,

堅心完成心若鐵。

第十七週 惜福

感恩愛物閣惜福,

互相疼惜袂孤獨,

好的相傳莫作惡,

將心比心真快樂。

第十八週 專心

專心聽課真輕鬆,

一心兩用雙頭空,

拍拚讀冊有希望,

實現理想來圓夢。

第十九週 原諒

仙人拍鼓有時錯,

跤步踏差啥人無,

人非聖賢誰無過,

當作修行莫煩惱。

第二十週 讀冊

講著讀冊真趣味,

一二三四A B C,

ㄅㄆㄇㄈDoReMi,

鹹汫苦澀酸甘甜。

第二十一週 歇熱

美麗人生愛有夢,

孤會曉講攏毋動,

繁華美夢總是空,

免想艱難像山崩。

dra@ilc.edu.tw

歡迎引用請聯絡莊文龍

 




 
 
用LINE傳送