宜蘭縣教育支援平台 會員登入 會員註冊 我的i教書

« 上一篇 | 下一篇 »

阮兜

撰稿: 陳怡禎  公正四年級

指導: 陳玉華

阮兜有阿母、阿姊佮我。阿爸置兩年前著過身啊。阿爸的個性真固執,伊決定的代誌啥攏無法度改變,過去伊置台北鐵路局上班,透早就出門,半暝才轉來,逐工攏趡店火車跤,修理東修理西,舞甲歸身烏烏烏,阿爸甲意這種空課,伊講火車安全最重要。雖然阿爸過身啊,我相信伊置天頂嘛會繼續看顧阮、保護阮。

阿母本底置成衣廠車衫仔,毋閣,車衫景氣無好,阿母才改途賣燒仙草、紅豆湯、挫冰,辛苦做買賣,我問阿母講:『汝甘會忝』,阿母講:『為著腹肚,甘願食苦』,咱今仔日『賺錢為生活,無錢著食砂』。阿母是一位肯扑拚、顧家的好老母,阿爸過身了後,阿母真堅強。

阮阿姊聰明、功課好,現在讀高二,我袂曉的功課攏問伊,伊著像老師仝款,教得真詳細。

我真愛食四秀仔嘛真愛哭,拄著傷心的著哭,一哭就像水船仔,嘩啦!嘩啦!關袂稠。我做代誌真有心,是老師的小助手,有當時仔嘛會出ㄘㄟ′。我真食褒,若予呵咾著,代誌著做卡好,阿母笑我是一個食褒豬仔,伊講:『尾錐攏翹起來!尾錐攏翹起來!』。

雖然阮的家庭減一個阿爸,毋過,阿母仝款晟養阮大漢,置社會做一個有路用的。阮欲好好仔做人,好好仔用功讀冊,袂予阿母失望,阮嘛會有孝阿母,按呢,阿母的苦心才袂白費。

 

如果你的網誌不支援引用網址自動搜尋功能,那麼你可以使用下列的直接引用網址來引用本文章:

http://blog.ilc.edu.tw/blog/trackback.php?id=57817