宜蘭縣教育支援平台 會員登入 會員註冊 我的i教書

« 上一篇 | 下一篇 »

表單的頂端

壓力來的時陣────撰稿:林為國   南安國中教務主任

                                     翻譯:陳玉華      閩南語支援人員

 

各位評判、來賓逐家好,我今仔日欲演講的題目是:『壓力來的時陣壓力來的時陣』。

置一個安靜無聲的教室內,我向四箍輪轉sun5- sun5看看咧,班呢每一個同學,攏頭le5-le5咧激頭腦,除了監考的老師,有當陣傳來kham5-kha-sau3的聲以外,傳入來我耳空內的,就只有沙沙的書寫聲。我頭le5-le5看家己的作文簿,閣看黑板頂,老師出的作文題目,竟然只有我一個人,完全毋知影欲如何落筆!隨著時間滴ta7ta7,一分一秒的過去,我額頭也tshin3汗水流甲滿面。「啊!」我忍不住大聲喝出來!呼!原來這是一場夢!是一場的惡夢!

壓力是每一個人,一定攏會拄到的,身為一個平凡的國中生的我,當然也無例外。老師每禮拜五,一定會出作文,抑是心得的功課,我攏無佮意寫,因為每擺欲寫作文的時,攏予我想甲一粒頭兩粒大,毋管我按怎想都想無。當作文題目傷深奧,我又閣無靈感的時,我著會想欲發脾氣;有時心狂火熱,像起痟仝款無理取鬧。彼時的我得不到任何的幫助,真想痛痛快快的大哭一場,也會想欲到一個曠的所在,大聲叫大聲喝,好好抒發不愉快的心情,將不如意的代誌拋出腦海外。雖然講情緒發了了,我仝款是愛面對現實。所以,我會閣繼續振作起來,拍拚共作文寫完。

人生是一擺登山,沿路坎坎坷坷,有林投竹刺佮咱相閃身,有粗大的山岩石共咱絆跤;人,定定怨嘆登山道路的坎坷、登山路途的遙遠,驚山中的林投竹刺和山岩石。弱者置山前面俯首臣服,毋敢向前行;強者不畏艱難險惡,涉水盤山過嶺。 置盤過大山大嵿了後, 伊發現:原來成功在山後。山險固然可怕,山路固然歹行。但是咱同時也應該想到:登山道路四周圍的景色是何等之優美,有青松翠竹的美景,山明水秀,夯頭遠望,無限的風光,有鳥隻婉轉的歌唱聲,有泉水叮咚的悅耳聲——居里夫人置實驗室中,置提煉鐳的艱苦過程中,伊並毋感到痛苦,抑是樂在其中,置不斷的攀登之後,歸尾,也是第一個提煉出鐳元素,為科學的發展,為人類的進步,作出了傑出的貢獻,因此伊得著諾貝爾獎。居里夫人的精神,值得咱來學習。其實,咱會凍換一個角度去看待山。為什麼無愛共山,看作是磨練自己的工具呢?一路登山,一路欣賞美景,一路磨練家己。等待盤山過嵿,成功也著置汝的眼前囉。

生活學習中的困難是千座山,想欲取得成功,汝必須毋驚坎坷曲折,不懼山高路遠,努力拍拚,戰勝困難。煩勢汝會有「山重水複疑無路」的感覺;無的確汝會感到精疲力盡;煩勢汝會後悔,但是,孟子說:「天將降大任於斯人也,必先苦其心志,勞其筋骨,餓其體膚,空乏其身,行拂亂其所為,所以動心忍性,曾益其所不能。」食得苦中苦,方為人上人,咱應該認識到成功就在困難的後面,只要汝我鼓起風帆,堅持到底,一帆風順,歸尾也會到對岸。

最近觀看電視,閱讀報章雜誌,負面的新聞一層比一層比卡慘,時常有人,因為拄到挫折煞做出害人害己的代誌。譬如講:有一寡人因為卡債還袂清,就用死來解決一切,予厝內底的人傷心;也有人因為無受厝內的人關心,或者是遭受到虐待,負氣,開始噗薰、食毒、相拍、鬧事,來表現心中的怨恨。壓力使怹產生挫折,挫折使怹失去了自我,也失去了全世界。按呢的代價實在太沉重囉。

壓力是人生必經的考驗,一個人若是置面對壓力的時只會曉怨嘆,會吸引閣較濟無好的負面能量,會予家己閣較怨天怨地。咱面對壓力的時,應當學習海倫凱勒努力拍拚的精神,愛迪生樂觀的態度,以及安徒生虛心求教、自我改進的毅力。人生就像大海,挫折猶如礁石,偉大的成就好比美麗的浪花。無礁石,怎能激起美麗的浪花?遇到挫折的時,咱更加愛勇於面對,袂凍逃避。假使甘那會曉恬恬的來退讓,可能又會造成更大的壓力。所以呀,面對它、接受它,並且共它一網打盡,人生就曠闊!

講到遮,我必須恭喜我家己,因為,站置遮,是我這世人面對過最大的壓力,毋論我演講,講得好抑歹,評審給我的分數是高抑是低,最後的結果是我戰勝了這個壓力,這個結果予我相信一件事:未來毋管拄到啥乜款的壓力,發生了啥乜挫折,我都會凍樂觀面對,以最開朗的心情去攀登這座屬於我的人生大山。我今仔日的演講著到遮多謝逐家。           (共1606字)

 

 

 

輪轉 lin2-tńg

32

 

 

 

書寫 su-siá

33

 

 

 

落筆 lo̍h--pit

34

 

 

 

額頭 hia̍h-thâu

35

 

 

 

佮意 kah-ì

36

 

 

 

深奧 tshimò

37

 

 

 

心狂火著sim-kông-hué-to̍h

38

 

 

 

起痟 khí-siáu

39

 

 

 

仝款 kāng-khuán

40

 

 

 

10

闊 khòng-khuah

41

 

 

 

11

抒發 soo-huat

42

 

 

 

12

坎坎坷坷khám-khám-khia̍t-khia̍t

43

 

 
 
用LINE傳送