宜蘭縣教育支援平台 會員登入 會員註冊 我的i教書

        校內

 

走來一隻流浪狗

一四界烏白亂走

逐阮追到車糞斗

跤骨擦傷嗎嗎哮 

下一張(熱鍵:c)                     

 

   回上一層(熱鍵:b) 

牽手情          陳玉華

 

母親放血過多

緊急住院觀察

躺在病床多日

無法進食

每日施打血袋

血清  葡萄糖 食鹽水---等等

 

三月二十一日

阿爸到院探病

步履蹣跚坐在病床邊

兩眼依依不捨深深望著母親

老淚蹤橫像泉水般的湧出

雙手緊緊扣住母親的手不放

深怕這一放

母親將會棄他而去

而母親讓父親這一握

兩眼驚呀深深感動著

父親永遠深愛著她疼惜她

這一幕讓我感觸很深

夫妻

淡淡的情 淡淡的意

相知相惜

白頭諧老

牽手到永遠

 

            學校     陳玉華


校內有樹也有人

逐個理想攏相仝

認真扑拚即應東

拚出理想食袂空

                 言語      陳玉華 


台灣語言是溝通

母語逐個愛認同

無分種族公家用

話語會通做伙講

是福是禍,是禍閃袂過   陳玉華 97/12/22

 

車禍(三)  

有一著有兩

有兩著有三

無三不成禮

三擺車禍死無去

周公鬥法無了時

平時家己無張持

即會一期閣一期

 

今年拄好四十九

做完生日著下斗

額頭也拄khok一包

鼻仔無傷真正爻

 

透早載女上車頭

青燈直行到路口

阿哥紅燈做對頭

袂赴握擋摔落猴

 

哀哉車速無三十

兩頂帽仔做伙落

車倒壓人人坦覆

破皮擦傷肉袂合

 

後坐查囝無出聲

掠準摔死已無命

斡頭看伊爬起行

只是心頭著一驚

阿哥透早撞紅燈

喊我著愛好心幸

講伊無錢無背景

唔通叫警來出庭

阿哥歲數一大把

講伊散赤無傢伙

母女平安著好勢

莫叫警察來夯伽

講起實在誠無體

無留姓名無留話

尻川pueh pueh一直花

車歹唔通叫伊賠

時間看看強袂赴

車牽發動上市區

花花煞煞家己付

人生在世無外久

一二三五無寫四

何必強權又奪利

莫管他人的過失

自由自在尚稀奇

若是欲愛心頭定

著愛揣儂來收驚

別儂好意著愛聽

紅包準備著愛行

 

女中鐵牛九十一

收驚提錢隨汝意

畫符收驚無代誌

包汝返去食百二

                  

 

 

是福是禍,是禍閃袂過    陳玉華 97/12/22<br />
<br />
   車禍(二

生命教育的研習

光宇先生有舉例

車禍死亡的推測

愛看面貌的氣色

面貌左右無對秤

比較較會有事情

彼工對對坐頭前

耳仔覆覆心袂定

聽了心肝誠著急

趕緊傳藝買太極

黑白太極掛胸襟

不出三天血淋溼

 

當天事情心鬱卒

機車駛對巷路出

叉路對方有疏忽

機車對撞皮肉lut4

 

兩台機車倒路邊

一爿斜閣一爿踦

歪歪斜斜輪無平

車台應該是無醫

我人受傷險險死

倒置路中頭悽悽

無人敢倚心稀微

儂見我頭自三移

我女經過喚娘親

因何血流喢喢津

嗆事朋友溪源子

與我對撞伊無事

 


對面販賣車輪餅

見我出事心驚惶

手機呼喚救護車

趕緊救儂較有影

警察趕到做筆錄

茲層事件話拘束

有緣千里來相蹤

不必言談車超速

事情發生有奇妙

唔免拜託儂來調

凡事可大也可小

家己開錢家己了

阿媽庝孫問廟寺

員山慈惠三鬮二

娶孫祈求抽簽詩

三拜聖杯詩一支

 


『命中正逢羅孛關

 用盡心机總未安

 作福問神難得過

   恰是行船上高灘』

 

人生四四是死死

會生會活是一時

並非凡人會作為

應是天地來排危

周公桃花女鬥法

代誌要素也似缺

無拜天地事未決

恐怕此事再一發

若無其事事難怪

寸心寸德心愛快

跤步踏實愛乖乖

時到時當再開懷

是福是禍,是禍閃袂過

車禍(一)陳玉華 97/12/22

十三黑色禮拜五

天昏地暗落大雨

身穿藍色的衫褲

欲往暗學的道路

手夯雨傘行暗烏

        背後野狼撞著我(gooN2

 飛鼠摔傷跪落塗

 死死昏昏喝艱苦

                    好心阿伯共我擼

擼我清醒袂行路

         只好步步慢慢仔扶(phoo5

扶(phoo5)到店跤坐落土

暗罵少年太可惡

目睭chu 2c hu3予屎糊

伊血流滿面花漉漉

害我看著變無步

唔免閣再厚禮數

阮厝踮置成功路

阮兄阮姊會照顧

趕快就醫予藥糊

彼年拄好十九歲

倚年比較較歹過

人生難免袂好勢

處處提防避災禍

無緣人          陳玉華  97/12/23

                                        當年會議汝發誓

                                        有汝阿龍無我的

                                     天會懸呀地會低 

                                        時間運轉會相khe5   

汝是天龍我是蝦

 飛龍在天蝦在地

 身份地位差太濟

 龍蝦永遠袂做伙

汝講儂做天塊看

跤步綴汝會生湠

我是溪水汝是泉

溫度無仝行袂倚

 

汝是漳音我是泉

  腔口無仝會相phua7

   理念無對唔免chuaN3

較袂歹面來相喝

雖然腹腸誠廣闊

永過言語記心肝

汝的生活即快活

我有禍端抑塊拖

假使有緣再相會

甘袂歹勢頭犁犁

如今年紀也有歲

逐家煞煞莫閣揣

 

化育分校  台語七字詩  97/12/18陳玉華

化育分校粗坑內

古早三星置管界

落尾畫入員山來

賊仔帝君眾人知

化育分校粗坑底

一面山壁一面溪

校園光景真美麗

特質學生出歸批

 

校園遊樂好場地

囡仔下課走仝齊

蹤出蹤入鍊身體

猴跤猴手展武藝

化育算是散地界

認真扑拚出人才

同學活潑真可愛

讀冊老師巧安排

招聘名師學才藝

圍棋思考予人迷

毛筆術畫變化濟

人生道理愛深犁

一筆一畫寫予好

毛筆術畫練手刀

外行看來誠輕可

深入研究真專科

位三主任組球隊

乒乓比賽緊作為

對手球路摸有對

技術超群好發揮

跤球愛練歸國隊

整體合齊來攻圍

前攻抑愛好後衛

團隊精神袂食虧

小學台語扑地基

親像老師教圍棋

一句話中深道理

意思排韻變成詩

台語欲愛講了好

腹肚內底愛有膏

平時著愛做功課

發音背詩無通無

 問 卜                 龍在天 題97/01/26

陳 年 往  事  深  藏  心

玉 不 如  瓦  心  生  恨

華 香 乍  熱  聞  佛            音

忍 辱 修  行  成  仙  人

 

參考資料:  姓名  陳玉華

       數字  666444

       國字    忍

宜蘭縣母語推展協會   第一屆  會刊

                                              新世紀丌台灣母語支援教師          陳玉華  撰稿91/11/01

阮是一群新世紀丌台灣母語支援教師

 

阮有曠闊丌腹腸

有疼痛鄉土佮關懷丌精神

願意手牽手 心連心

勇敢起造獨立丌文學風格

而且欲盡阮上大丌喟力

傳承母語教育下一代

 做一個真正丌傳道者

 

蓮蕉花台文雜誌(季刊)第二十七期

    感謝師恩                陳 玉 華 作 92/10/01

多謝老師扑拚

辛苦的教導

乎阮學著真--濟做儂處事的道理


帶乎阮無限的歡喜

亦知影學校以外

多多少少趣味性的代誌

感謝老師

帶乎阮豐富的知識

多謝老師的教示

一日為師,終年為父(母)

我會好好矣珍惜茲份情

感謝父母

用了真濟青春佮金錢晟養阮

教育阮遮濟年

今嘛我已經大漢

閣卡捌代誌

我會更加用心做一個乖囡仔

恁毋免閣為我來操心

祝佳節快樂

蓮蕉花台文雜誌(季刊)第二十八期

閩南語教學甄選                   陳玉華作 94/08/17

教育政策大門開

歡迎社會入門來

三年和氣爽歪歪

培出台灣的人才

局勢變化真感慨

兄弟武裝上舞台

為著美好的將來

即著夯刀來相thai5

武藝精裝眾儂知

觀眾看甲笑咳咳

教評會議費疑猜

啥是得主得金牌

蓮蕉花台文雜誌(季刊)第二十九期       戲上台               陳玉華 94/08/19

 今日是最後一攤大家趕緊過來看

看台仔頂的武旦

比跤畫手喙吐涎

拚會過心情快活

拚無是會凝心肝

三頓清糜土跤僆

從此心情變孤單

蓮蕉花台文雜誌(季刊)第三十七期

                                                                       校慶    陳玉華  92/04/30

弄龍弄獅鼓喧天

賀喜校史壽年年

代代相湠續綿延

老師個個勤自勉

 

九年一貫求發展

教育子弟種福田

付畀愛護出孝賢

回饋社會有貢獻