宜蘭縣教育支援平台 會員登入 會員註冊 我的i教書

呂子傑--------爸爸媽媽的辛苦            撰稿:呂子杰99/03/03

                                                                        修稿:陳玉華


            

 

各位評審、來賓逐家好,我欲演講的題目是:『爸爸媽媽的辛苦』。

    平時阮阿爸阿母,攏真骨力咧扑拚事業,雖然講怹逐工辛苦做生理,對透早無閒到半暝,連假日嘛袂當休睏,更加袂當陪阮耍,毋過阿爸阿母,抑是『歡喜做甘願受』,一點仔叨無怨言,怹講:「辦桌做刀籽的工作辛苦,生意嘛無講會好,咱日日見財,有利潤通好趁,生活著無問題囉,若摸到錢心菲著開,袂艱苦啦」。

       可是阮阿爸的手攏予飯菜湯燙傷,抑是無細貳予刀割傷。伊閣講:「阿爸是一個毋讀冊的青暝牛,旦才來做苦力、粗重、閣燒烘烘的灶跤空課路。乖囝矣,汝佮恁小妹兩個,著愛好好矣認真讀冊知道理喔?」其實我嘛知影阮兄妹真chian7,定定惹禍端,阿母講過:『做人萬項事著謹慎,凡事攏愛三思而後行』,才袂出錯』。

       毋閣有一工,店裡來真濟顧客,我著鬥幫捧飯菜,每桌攏有人客,有的人客較無耐性等,擋袂稠著一直催:『頭家啊,菜旦是煮好矣抑沒?』嘛有人無想欲閣等落,著離開店口行出去。彼工小妹運無好,阿母叫伊向落桌仔跤,提哈密瓜出來切盤。小妹旦起身轉頭,嗆事阿母捧菜湯欲予人客食,兩人煞碰碰做一伙,小妹的面、肩胛、手,攏有予燒湯淋著,阿母看著毋甘呿呿目屎流落,責怪家自無路用,阿爸講:『仙人扑鼓有時錯,跤步踏差啥人無』,緊載小妹送急診治療較好緊。

後來人客攏吃飽轉去,阮才開始收垃圾、擦桌仔、掃塗跤、洗碗盤,本以為袂閣有顧客,真晚矣閣來了一寡人客,最後,無閒的一工總算結束囉,我佮阿母才閣洗碗,洗到翻點才洗完。轉到厝,阿爸阿媽抑是著閣去放水,阿爸去雞籠掠雞仔,我佮小妹準備衫褲洗溫身,準備休睏好好矣睏一醒。看著阿爸阿母辛苦咧做事業照顧阮,等有一我若大漢的時,我欲好好孝順怹,。我的演講講到遮,多謝逐家。    702字)

       100/02/17

                   春天的腳步--------撰稿:     100/02/17

修稿:陳玉華   100/02/17

 

各位評審、來賓逐家好,我今仔日欲演講的題目是:『春天的腳步』,『春天的腳步』。

盼望,期待,春天的腳步,一步仔一步仔,逗逗仔的行出來矣,

大地就親像有了新的生命仝一款,幼幼的草仔枝,偷偷仔對土底鑽出來矣,光溜秀的樹木也長新芽,青翠的山野,使原本一片拋荒的大地重現生機,為大地增添染多采多姿的光彩。

班芝樹、山櫻花、桃花、梨花、杜鵑花,野花遍地,唔管是有學名的抑是無學名的;攏散播置草仔埔頂。春天的花蕊隨風飄動,春風一吹來,著會凍鼻著一陣又閣一陣的花芳味。大細隻的蜜蜂佮蝴蝶,飛過來又閣飛過去,無閒ㄑㄧㄑㄧ置咧採花蜜。

春天一到,家家戶戶的大大細細, 攏像『春天的蜜蜂――閒袂稠』,個個攏精神飽滿,攏出來活動筋骨,各人做各人的代誌。囡仔兄、囡仔姊,一人牽一線,將風吹放上天頂,嘰嘰喳喳的笑聲,鬧熱滾滾。風吹的花樣百百款,置天頂飛來飛去,有時纏置樹仔頂,増加了一份春天的美景。我希望一年四季攏像春天仝一樣,日日春。

人講:「一日之計在於晨,一年之計在於春,一生之計在於勤」。春天,是歲月的起始。我欲用全新的自己,帶著希望的春天,我欲將冬季蘊藏的能量,跤步踏開勇往直前向前行,在新的春天來到的時,來達成家己的目標,我的演講講到遮,多謝逐家。  509字)

 

春天的腳步    撰稿:陳玉華    99/03/02

   演講:陳彥廷

各位評審、來賓逐家好,我欲演講的題目是:『春天的腳步』。

『立春落水透清明,一日落水一日晴』,立春一到,寒死死的冬天,著欲來結束囉,春天若來到,大地的萬物,就親像有了新的生命仝一款,礁鬆的草仔枝,光溜秀的樹木也重新發新芽,青翠的山野,櫻花、杜鵑花、紅花、白花姷閣芳,茲時『春天的蜜蜂――閒袂稠』,飛上飛入置咧採花蜜。蝴蝶佮鳥隻也飛過來又閣飛過去,野鳥啾~~~叫無停。

置宜蘭三星地區的泰雅路段,兩爿的山櫻花一蕊一蕊隨風飄動,落滿了滿樹跤,幼幼的草仔枝,蠔虫也偷偷仔探頭,春天的花季美景,吸引了無數的遊客,隨個精神飽滿,上山頂遊賞百花。阮全家伙仔,趁二二八三工的假期,日頭赤炎炎,『輸人毋輸陣』,嘛上山野活動筋骨,看著春天的花季美景,阮歸身ㄐ|ㄠˇ輕鬆,精神真清爽。山頂的遊客嘰嘰喳喳的笑聲,歡樂的氣氛,鬧熱滾滾。

俗語講:『清明田 穀雨豆』。春天一到,也著是作穡人開始耕作的時候。農民也褪赤跤畢褲跤,投入農業生產,犁田機一駛入去一區一區的水田底,田土一ㄆㄤ,隨會凍看著犁田機的後壁面,綴著一群白鷺鷥,店田底走來走去咧揣食,有時閣會跤縮縮,徛店田底休睏。

茲當陣田園也插滿了青籠籠的水稻,寂靜無聲的田園,三星的蔥仔田,春風一吹發出一陣一陣的蔥仔芳,鼻著蔥仔的芳味,無數的遊客,跤步擋恬,停落來排隊買蔥油餅,大儂佮囡仔儂食甲歸喙箍油濾濾。人講「三星蔥仔姷閣芳,青青長長白蔥蔥,做一冬挺賺三冬,若嫁種蔥吃勿會」。

「春天後母面」春天天氣多變,著像後母的面色,講變著變。一到下半晡隨起風,好加在阮有ㄗㄚ裘仔,勿會冷著。我的演講講到遮,多謝逐家。 660字)

林欣茹99/03/01

爸爸媽媽的辛苦   撰稿:林欣茹 

      修稿:陳玉華

各位評審先生、來賓逐家好,我今仔日欲講的題目是『爸爸媽媽的辛苦』,『爸爸媽媽的辛苦』。

我的阿爸因為欲晟養阮,平時傷過操勞,置舊年致著病症,已經過身矣,無置茲個世間,今嘛,阮厝內底只偆阿母、小弟佮我,三個人相依為命,晟養阮姊弟矣的重擔,著落在阿母伊一個人的肩胛頭。阿母一年通天,讓時無讓日,扑拼咧賺錢做空課,目的著是欲予我佮小弟過閣卡好的日子。

置熱天時,別人的爸母攏會娶囡仔,去海邊矣掠沙馬矣、耍水、抑是足百山做休閒活動。甘那阮阿母為著生活,逐工攏愛屈店置,像火爐的灶跤咧煮飯菜,毋管是透中晝日頭赤炎炎,抑是落雨暝,嘛愛替顧客送便當。

置寒天時,我好朋友的爸母,攏會娶怹去燒水溝泡溫泉、踅夜市,放鬆自己過日子。也只有阮阿母,愛用冰冷的水來幫人洗碗箸賺錢,我問阿母伊,歸年通天咧做咧賺錢甘袂忝,阿母講:『為著腹肚,甘願食苦。咱今日賺錢為生活,無錢著食砂。咱愛將食苦當做食補,卡好過日,咱歡喜做甘願受,毋通歸工怨天怨地』。我知影阿母伊逐工做空課,無閒chhih  chhih蹤出蹤入,真辛苦咧晟養阮。所以阮並無要求伊娶阮姊弟矣去迫迌。

有一擺我感冒又閣吐又閣漏,阮阿母趕緊娶我去病院看診,無暝無日咧照顧我,半夜矣三不五時,起來共我蓋棉被,阮阿母每工除了愛照顧我佮小弟以外,閣愛做空課賺錢真辛苦,予我感覺真痛心。我佮小弟下定決心欲好好矣讀冊,好好矣做人,才袂辜負阿母的向望,阮欲用感恩的心來感謝阮的阿母,給伊講一聲:『阿母感謝汝,有妳置咧真好』。將來大漢了後,阮欲好好矣照顧阿母汝,假使將來阮若有成樣,嘛欲好好矣貢獻社會。

我的演講講到遮,多謝逐家。  

愛護美麗好臺灣            撰稿:何奕儒  99/11/12

                          修稿         :陳玉華 99/11/13

 

第三屆台大校友盃國語相聲暨閩南語說故事講笑話------佳作獎

 

    各位評審先生、來賓逐家好,我今仔日欲講的故事是『愛護美麗好臺灣』,『愛護美麗好臺灣』。

首先我來紹介咱臺灣美麗的寶島,大海闊闊,山明水秀,花芳水甜,冬暖夏涼,四季如春,每一個季節攏有無仝的景象。一年的開始著是對充滿生機的春天講起,春風微微仔吹,春天樹枝pu2新芽,百花齊放滿山坪,鳥仔啾啾啾、蝴蝶快樂滿天飛、還有囡仔歡樂的笑聲,真正是「溫罐破空—鬧熱」。

若是佇熱天,樹阿頂的蟬歸日叫無停,草仔埔各種的蟲仔聲、田蛙仔嘓嘓叫、蜜蜂採花蜜嗡嗡嗡,好親像置咧開音樂會仝款鬧熱滾滾。閣有每一種的水果,是甜甲會生狗蟻,著像「新埔柑—尚好」。

秋天的風著像一個愛耍的囡仔,將楓仔樹的樹葉仔,染甲紅紅紅紅,又閣將樹葉、樹籽掖甲一四界,真正是有夠giat-siau5-e7

冬天的梅花,像十七、八歲的小姑娘,妖嬌閣美麗。白白的霜雪,對天頂飛落來,替怹披上一領雪白的禮服。大人佮囡仔歡喜佇合歡山咧玩雪。

毋過因為有一寡人,毋知啊通珍惜,不但垃圾亂撣,而且看到美麗的花蕊,著隨意將它挽落來。還有一寡人佇山坡地亂種檳榔,也有人過度開發起别墅﹔將釘土的樹根、樹木攏砍掉,被砍掉的樹木,根會拉住土石,落雨的時,水會對土底流落去。無親像現在土石鬆鬆,風颱一到,水無塊流,著對山頂頂頭直接沖落去到山跤,連土石含樹木同齊流落去,造成足帶佇山跤的房屋住戶,被土石淹蓋介危險。像舊年「莫拉克風颱」時,台東的知本溫和南投盧山溫泉,攏是人為過渡開發所造成的,最可憐的是高雄小林村全村被土石流埋兩、三層樓深,到現在嘛無辦法挖,『火燒罟寮全無望,擔沙填海了戇工』,現主時,毋旦看袂著美麗的風景,嘛聽袂著鳥仔啾啾的叫聲,佮囡仔嬉鬧的笑聲。

俗語講:『厝驚無穩,人驚忘本』,咱愛守護祖先的恩賜,好好保護咱的地球,講『樹頭若徛有在,毋驚樹尾做風颱』所以咱愛做好水土保持,佮大自然共同生存,逐家做伙來建造台灣,才袂閣再有靴濟危險的災害發生,予咱囝孫過著幸福的日子。臺灣美麗好所在,四季如春真正讚。水土保持愛做好,山崩地裂袂閣來。糞圾分類毋通放,毋通放,囝孫歡喜又安全,又安全。我的故事講到遮,多謝逐家。                    855字)

                              原稿-------------------何奕儒

 


各位評審先生、女士、老師及來賓大家好,我是抽到第 號的何奕儒,我今天要講的故事是︰愛護美麗好臺灣,愛護美麗好臺灣。

首先我來介紹咱們的臺灣美麗的風景,咱們的臺灣一年四季如春,每一個季節有不同的漂亮。一年的開始就是從充滿生機的春天開始,樹枝發芽,微風微微吹,各種的花朵都相爭要開,鳥兒的叫聲、蝴蝶快樂的跳舞、還有小孩子高興的笑聲,真正是溫罐破空—熱鬧。

那是在熱天,樹阿頂的蟬在叫,草地上各種的蟲兒叫聲,尬著青蛙的聲,親像在開音樂會同樣鬧熱滾滾,每一種的水果是甜嘎會生蚼蟻,就像新埔澎柑—尚好。

秋天的風就像一個愛玩耍的孩子,把楓樹的葉子染得紅通通,又把樹葉子撒得四處都是,真正是有夠頑皮。

寒天的櫻花、桃花和梅花,像十七、八歲的女孩,開嘎妖嬌又美麗。山頂一粒一粒美麗的雪球,從天頂飛下來替它們穿上一件雪白的禮服。大人嘎孩子高興的在玩雪。

不過因為有些人不知珍惜,垃圾隨意丟,看到美麗的花朵就把它拔下來。還有些人在山坡地種水果,有的人種檳榔,也有人起别墅﹔把一些樹根較深土的樹木都砍掉,那些樹木的根會拉住土石,下雨時水會土底流下去。不親像現在沒的流就從上面沖下去,連土石和樹木同齊流下去,造成住著下面的房子都是土石介危險。像去年「莫拉克風颱」時,台東的知本溫泉和南投盧山溫泉都是人為過渡開發所造成,最可憐的是高雄小林村全村被土石流埋在二、三層樓深,到現在嘛沒辦法挖。所以咱們就要做好水土保持,跟大自然共同生存,才不會再有那麼危險的災害發生。

臺灣美麗好所在,四季如春真正漂亮,

水土保持要做好,山崩地裂不再來,

垃圾分類不通忘,不通忘,

子孫高興又安全,又安全。

                       我的故事講到這,多謝大家。

 

 

                                         

樂活宜蘭快樂行    撰稿:黃語柔 /  黃大豐   99/11/20

          翻譯:陳玉華  99/11/20

各位評審、來賓大家好,我欲講的故事是:『樂活宜蘭快樂行 』。

置燠熱假期中,阮全家會計劃『樂活宜蘭快樂行』,體驗一下仔大自然。『無行袂出名』,彼工阮對員山仔出發,置泰山路頂歸排攏是員山魚丸米粉。順著省道斡對員山結頭份大樹跤,看本地歌的起源地,置遮好像抑會凍看著蘭陽先民,置歌仔樹跤,優閒咧唱本地歌仔戲的情景。探訪大樹跤了後,閣前往三星地熱sa7雞蛋食三星卜肉。沿羅東方向行,一下仔著到羅東夜市仔,遮有賣宜蘭糕渣、阿灶柏羊肉湯、紅心粉圓、三星蔥油餅,閣有比面較大個號稱12盎司的大雞排,美味可口食了會suah喙想欲閣食。夜市仔踅煞,順蘇澳省道前往武荖坑,阮倒店草埔仔算天星,聽溪谷天籟之音。當然有時也會置武荖坑搭帳篷睏、睏袂去的時著佮阿兄一直開講,講甲真晚抑毋睏,有時會予大人罵講:『話卡濟過貓毛』,『早睏早起床,才袂頭昏昏,腦頓頓』。可是阮抑感覺真歡喜,真好耍。

天一光,阮著來到人客滿的蘇澳冷泉,聽著小朋友吱吱叫的笑聲,著知影是冰冰涼涼的冷泉水嘖置身軀頂。來冷泉區,當然著愛口林最出名的彈珠汽水,食宜蘭蘭四寶鴨賞、膽肝、蜜餞、羊羮,順煞買海產。『魚趁生,蝦趁跳』,假使若會凍到海產店,食一盤一盤的海鮮料理的話,嘿著閣卡讚囉。沿著蘇澳省道往北行,阮著轉來到宜蘭市。

置宜蘭市,會凍看到東南亞,最大的蘭城新月百貨公司,想欲購買物品,會凍到地下室B2的家樂福去,想欲看冊著店樓頂的誠品冊局,置茲個所在,會凍充分感受到宜蘭的繁榮景象,佮人文步調,宜蘭是一座古城,四界有歷史歲月建築佮文物,毋管是設治文物館,九芎程抑是酒廠,處處攏流露著日本時代留落來的跤跡。

最後來到礁溪鄉,品嚐在地溫泉風情,將跤泡置燒湯內,享受無仝的感受。遮水青山青翠、到半山腰的五峰旗瀑布,更加會凍體會到一種山林環繞的悠閒,漫步置山林間,好像回轉遠古時代,只有樹木佮人置空曠的所在獨自對話。往礁溪閣過去一點仔,著到山含海交界處的外澳囉,置遮汝會凍享受藍天白雲、感受海湧溢來溢去的快感、衝浪沖懸的刺激,坐店沙埔頂遠望龜山、將心靈放空,享受大自然的呼吸

置宜蘭時間是悠閒的、步調是緩慢的,置茲工商業快速繁忙的社會中,宜蘭人試用古早農村的悠閒步調,來實現所謂的「慢活哲學」,這著是宜蘭人的驕傲所在,永遠堅持家己的跤步,置山林海濱的自然環境中,體會先賢所流傳落來的生活哲學,將他傳予後代,代代相傳、生生不息。我的故事講到遮,多謝逐家。

欲按怎培養品德教育     撰稿: 林智傑   99/11/15

     修稿:  陳玉華   99/11/16

  

 阿土自細著無爸無母,伊佮阿媽生活,受阿媽晟養,阿媽一手擔起照顧阿土啊的生活,阿土的阿媽認真、扑拚咧做穡,想講欲予阿土佮人會凍比平,看會凍日後出頭天袂,毋閣阿土啊細漢的時著真頑孽,定定放火燒人的草垺,耍斷人的菜園,置學校 毋聽 老師的教訓,上課吵吵鬧鬧,真無規矩,歸工弄溜燃,到尾仔學校無去,閣毋揣頭路趁食,甘那知影共怹阿媽討錢過日,用錢像咧用水開真雄,無夠用的時著去共人搶錢,若無著是佮人冤家相扑,殺人放火,作惡多端,是一個十惡不赦的人,是社會的一尾毒虫,未滿十六歲,行警察局像咧行灶跤,一直無悔改,路尾著關入監獄內。假使阿土仔細漢的時,若有好的規範,好的規矩,好的人品,今日嘛袂跋落『萬丈深坑,無法自拔』,予人跤煉手煉,『一失足成千古恨』

一個人的品德、人格,著愛對細漢培養,品德的教育是毋是有徹底建立,著愛看咱每一個人,是毋是有徹底來堅持教育佮實行。人的品德、人格教育是非常重要,但是一個人的品德、人格教育欲按怎來培養,每一個人的講法佮看法、做法攏無相仝。人一出世著受著爸母的晟養、教育。序大、長輩是咱頭一位老師,是咱頭一個模仿的對象。俗語講:『大隻狗爬牆,細隻狗看樣』,『上不正,下則歪』。置細漢的時,爸母除了晟養、教育囡仔以外,嘛愛做好模樣予囡仔看,家庭的教育是個人品德教育的基礎,一般來講,啥乜種序大著教出啥乜種子女,『教囝學泅,毋通教囝爬樹』,『嚴官府,出厚賊;嚴父母,出阿里不達

其次就是學校教育,學校的品德教育,老師除了愛以身作則以外,嘛愛有真善美的腹腸,來教育、引導、接受、教化佮輔導一寡較歹教示的囡仔。假使學校若無法度接受靴頑孽的學生,將頑孽的學生撣予社會,茲聲著害溜溜啊。

最後是社會教育。『人無照天理,天無照甲子』天理人道混亂,是非黑白顛倒。台灣茲幾年來社會及教育攏真亂。重重疊疊的犯罪事件,已經毋是用法治,有法度管的,這主要的原因,攏是公眾人物的言行與媒體的操作的動作。置社會徛起,欲予人來尊重,往往人的生活,應該愛有真濟行為的準則,愛有一支道德的尺。人是群居的動物,有家庭、有社會,這是互相對應,品德的教育袂當講一套做一套。社會品德教育是毋是會凍成功,是毋是會凍提升,著愛有耐心去感化,社會的和諧須要大家共同來維護。  我的故事講到遮,多謝大家。

宜蘭人的驕傲 撰稿 :黃詩庭   99/11/18

  修稿:陳玉華   99/11/20

各位評審先生、來賓大家好,我今仔日要講的故事是:『宜蘭人的驕傲 』,『宜蘭人的驕傲』。『阿藝倌真正隋,噶瑪蘭厚雨水』,宜蘭雨水豐富了地下水源,佮地層中厚實的石灰岩,蘇澳冷泉變成天下第一奇泉。

蘇澳冷泉、礁溪溫泉是宜蘭地區的產業特色,冷泉不但清冷,而且閣富含二氧化碳的特殊,彈珠汽水含蘇澳羊羹,都是利用這股清涼泉水製造的。抑若礁溪溫泉的泉水是真特別的鼻袂著ㄍㄥ、鼻的硫磺味而且閣會凍種出溫泉米、飼出溫泉蝦,溫泉蔬菜四寶有溫泉蕹菜(空心菜)、溫泉菜瓜、溫泉茭白筍、溫泉番茄。遮攏是宜蘭人的驕傲

置燠熱(àu-hip)的熱天,蘇澳冷泉總是會擠滿一大堆人,鬧熱滾滾。蘇澳冷泉水,水溫攝氏22水泉透明無色嘛無臭 不時閣會對地底冒出氣泡來,冰冰涼涼的冷泉,吸引著外地人來遮耍水,當然身為宜蘭人的我,只要有時間,阮全家著一定會去靴體驗看看。我一泡入去冷泉池裡面,歸身的體溫攏冷起,冷甲會交懍恂(ka-lún-sún),毋閣一聽著小朋友佮大人,吱吱叫的歡笑聲,著知影一定真爽快嘛真歡喜,彼時著袂感覺冷ㄚ,阮阿母講:『冷泉有很多碳酸水,會凍口林嘛會凍洗浴,閣會凍治療腸胃病,皮膚病含婦人病。所以逐家愛浸泡四、五擺,應該著會真爽快喔!』。我佮阿兄、小妹那泡那耍水,實在有夠讚,泡好了後阮著店出口的外圍,共賣彈珠汽水的阿伯仔買五罐來

口林,後來閣踅過附近的蘇澳漁港,靴有真濟種類的魚仔佮飛虎魚丸,人講:『魚趁生,蝦趁跳』,所以阮阿爸佮阿母,著買真濟鮮魚仔佮飛虎魚丸,本底阮阿母閣想欲買黑暗鑽(黑鮪魚),可惜已經賣了了矣,阮阿爸著講:無要緊啦『無魚,蝦也好』,著秤三斤活跳跳的蝦仔,拄ㄙㄚ好(煮熟)的飛虎魚丸真好食,阮置路哩那行那食。

抑那講著礁溪溫泉強強滾,是真受歡迎e,寒天一到,來來往往的遊覽車客,實在有夠濟,每擺若去礁溪泡溫泉的時攏客滿,連湯仔城燒水溝的外圍,嘛攏予遊客做滿滿咧浸跤,假日的時,阮阿母攏會娶阮去「春風日式泡湯」,靴的溫泉,一開始泡落去非常的燒會燙人,但是泡一段時間了後,著感覺真爽快起來,身軀淋著溫燒的泉水,著感覺歸個人攏tsiau輕鬆起來,有一擺,我佮阮阿母去礁溪溫泉的時,看著外國人!e h外國人攏來遮泡溫泉呢,可見礁溪溫泉是超級有名的呦!   

毋管是外地人或者是外國人,來宜蘭thit-tho(遊玩)的遊客,攏會買寡宜蘭名產轉去做等路喔。我的故事講到遮,多謝逐家。(942字) 

 

 

表演主題:『增加稅收國家建設好』 租稅話劇腳本-------陳玉華  稿99/03/29

                                                                                                  表演者:璇璇、凱凱、瑋瑋、奇奇、則則

                                                                                                  佳作獎       99/05/05

                                           



 場景:太陽、皮草、樹、小椅子、攤檯(璇璇拾圓便利商店)、置物架、捐票箱
(順手捐發票,行善守護老殘窮)。
人物:店家(璇璇)、凱凱、瑋瑋、奇奇、則則。
『第一幕』
旁白(璇璇):星期日早上,凱凱、則則、瑋瑋、奇奇,四個人相約到公園玩。
凱凱:喂-------!則則、瑋瑋、奇奇,快點啦,你們走路怎麼像烏龜一樣那麼慢
        
,再不快呀,太陽就要下山了,就沒得玩了。
瑋瑋:來了,來了,不要一直催。
奇奇:就是嘛,我們兩手空空,什麼都忘了,待會肚子餓、口渴了,怎麼辨?
則則:沒關係,沒關係,我知道前面,有家璇璇拾圓便利商店,我們進去買吃的。
凱凱:好耶(兩手比耶)!
瑋瑋:好耶(兩手比耶)!
奇奇:好耶(兩手比耶)!
店家:歡迎光臨,本店商品只要您們看得到的,全部都是十元,任君挑選。
凱凱:我要買運動飲料和巧克力。
瑋瑋:我要買波卡和水。
奇奇:我要買乖乖和楊桃汁。
則則:我要買舒跑和餅乾。
店家:(遞上統一發票)謝謝光臨。 大家轉身離開便利商店
『第二幕』 推出樹、草皮、太陽。
 
高興唱歌:【走~走!走~~走!我們小手拉小手,走~走!走~~走!一同去郊遊。】
旁白:凱凱、瑋瑋、奇奇、則則從背包拿出小板凳,吃的,擺在地面上。則則,把統       一發票揉成一團丟在地面上。
瑋瑋:(跑過去撿起來,大聲喊!)你怎麼可以把兩佰萬丟掉。
則則:什麼,那只不過是一張長紙條,那值兩佰萬。
奇奇:唉!『人若呆,看面著知』。
凱凱:你可別小看這一張小小的紙條。我們去超市買東西,要主動向店家索取發票,可以增加政府稅收,國家建設就會好,索取統一發票,不但可防止店家逃漏稅,還
可在單月25日對獎中獎金喔!真正是『一兼二顧,摸蜆兼洗褲』。
而且啊,它還是一張收據憑證。如果我們購買的商品有瑕疵,七日內,就可以憑
這張發票向店家換取新物品。
瑋瑋:是啊,我媽上次到家樂福買檯燈,就是不亮,後來憑著那張發票,去跟店家換了一個新檯燈。
奇奇:對呀!我上次買了一包十元口香糖,竟然中了1000元。
則則:那,瑋瑋發票給我,我要拿回去對獎。
那又怎麼說,發票可以增加政府稅收,國家建設就會好呢。
凱凱:店家開立發票,就得繳納營業稅,政府每年向老百姓徵收的稅金,共有17種,如:土地增值稅、房屋稅、地價稅、牌照稅、娛樂稅等。稅金徵收期間要按時
繳納,以免被罰款。
奇奇:政府收取稅金做什麼?
瑋瑋:這些稅金都是用來建設公共設施啊。
則則:哪些公共設施?
凱凱:像學校、公園、圖書館、文化中心啊,都是提供給大家享用,還有十大建設。
則則:那我們小孩要繳稅嗎?
瑋瑋:不用,不過我們老師說過,小學生若要向社會盡心盡力的話,到店家買東西時,記得要索取統一發票,同時也可以捐發票給慈善機構,幫助須要幫助的人。
奇奇:啊!太陽快下山了,我們收拾東西回家吧!
把捐票箱推出
則則:耶!前面有一個捐票箱。
璇璇:小朋友,捐發票做善心。
凱凱:我們一起捐發票做善心(把發票投進票箱)。
瑋瑋:我不要,我不要捐,我要拿回家對獎。
奇奇:瑋瑋,你剛才說,小學生捐發票給慈善機構,可以幫助須要幫助的人。怎麼啦!忘了,口是心非。
璇璇:耶!小朋友,即時捐發票,心動不如行動。
則則:對!各位看官,到店家買東西時,記得索取統一發票,同時在稅金徵收期間要按時繳納,增加稅收國家建設才會好。
齊聲:對!到店家買東西時,記得索取統一發票,同時在稅金徵收期間要按時繳納,增加稅收國家建設才會好。 (向大家敬禮):謝謝大家!

我上佮(kah)意的風景區       演講:楊雅靜

                                   (指導)撰稿:王美珠

                                           修稿:陳玉華

各位老師、各位小朋友,逐家好,逐家平安無煩惱。 我是第     號,我欲講的題目是:我上佮(kah)意的風景區宜蘭人尚幸福,會凍店好山、好水、風景好的好所在,外縣市的人總嘛羨慕咱有這麼好的環境,怹定定利用假日過來宜蘭七迌,暫時將生活壓力匟一邊,心情共伊放乎開,來感受大自然的滋味。

若是講宜蘭的風景區,不是我塊臭彈,講三暝三日嘛講沒煞,毋過我可以介紹我上佮意的風景區給逐家知。宜蘭有一個倚山玩水,空氣新鮮閣可以露營、烤肉、踏腳踏車的好所在,這個所在著是武荖坑,宜蘭俗語講:『武荖坑大石鼓;阿兼m城仔水查某』,聽這句話著知影武荖坑好地理,好風水。

會記得細漢的時,阿爸、阿母時常帶我去武荖坑爽,邊仔有一條新城溪,溪仔水冰閣涼,阿爸佮我置溪底抓石擔仔,阿母置樹仔跤墊報紙攢食的;落尾仔卡大漢,學校班親會嘛選武荖坑做活動的所在,大人在溪岸邊烤肉開講,囡仔在溪底玩水抓毛蟹、苦花、溪哥仔,玩甲肚子餓就起來岸食物件,食飽肚著置草埔仔扑球,走相追,暗時仔置武荖坑搭棚仔過晚,躺在草埔仔上看光焱焱的月娘,想到這讓我足懷念細漢無煩無腦的時,這攏是我對在武荖坑甲厝內的人、朋友、同學鬥陣難忘的回憶。

毋是甘那阮愛去武荖坑七迌。親像逐年三、四月仔的「綠色博覽會」佮七月「宜蘭國際蘭雨節」,連宜蘭縣政府嘛愛選置武荖坑辦活動,攏會用無仝款的主題來舉行,宜蘭縣的讀書囝仔,每冬也會去那做校外教學,增加課本以外的知識,順紲趁機會將頭殻放乎空,心情放乎鬆,來這活動筋骨。

因為武荖坑水質好、空氣讚、停車擱方便,只要活動一開始攏會吸引勁多人來武荖坑七迌,一四界全全人,像今年裡面的設施有夠濟,精彩的表演是一个接一个,攤仔位攏是賣宜蘭在地產品,食的、耍的、用的逐項賣。剉冰、壽司、臭豆腐;燒的、冷的攏總有;「三步一崁店」,攏免驚去餓著。抑有臆題遊戲,大家『有食閣有掠』,攏耍kah勁歡喜。有的人玩一天玩不夠,惦宜蘭過夜過轉天繼續玩來鬥,生理人嘴笑目笑,口袋仔裝甲飽飽飽。

    武荖坑真正是一個勁讚的風景區,不管是家庭旅行還是大型活動,攏可以讓人去過了後,擱想要去的一個好所在。希望大家鬥宣傳,讓擱卡多的人可以來武荖坑七迌。

 我的演講說到這,最後祝福大家,身體健康,萬事如意,多謝!

我上欣賞(尊敬)的人          演講:楊雅靜

                                     (指導)撰稿:王美珠

                                             修稿:陳玉華

 

       各位老師、各位小朋友,逐家好,逐家平安無煩惱。我是第     號,我欲講的題目是:我上欣賞的人,我上欣賞的人。逐工透早雞未啼狗未吠,厝內面的鬧鐘仔聲就會彈,噹---------,有時準我嘛會雄雄被吵驚醒睡不去,想說到廚房喝寡滾水,了後看擔bo仔書,看到大廳好親像有一個人影在勒叮動,目睭金金斟酌甲相,原來是阮阿嬤啦,她正置咧甩手、踩腳,阿嬤七早八早著起床足百起來咧做運動,阿嬤今年已經滿80歲年歲有卡老,毋閣啊,伊是[老骨硬康康,老皮袂過風],身體抑擱勁勇健,外表看起來是老古錐啊老古錐,因為阮阿嬤平時仔是有在保養,她常常講身體若勇健,無tap  tap 滴滴, 會行閣會走,序細啊就好命,嘛因為按呢,我對阮阿嬤是勁欣賞,她樂暢而且啊事事項項攏會替人設想的。

           阿嬤知樣我今嘛正在大當爻食,放學若轉來了後攏會餓甲大腸告小腸,她就自己做一寡點心,親像卜酥餃、滾石花、做芋圓、煎菜頭粿、滾粉圓、紅豆仔湯,哦,講甲我嘴涎強要津落來,阮阿嬤會先攢寡點心來給我吃,阮厝說這是阿嬤牌的點心,外面是有錢嘛買無著e,阮有這呢貼心的阿嬤,擱這爻變東變西創予阮吃,真正是半暝啊點燈仔火嘛無當找。

我阿嬤真骨力擱勤儉,伊定定ka 阮講:「人愛『勤儉即有底』,咱莊跤人無什麼手藝,感謝天公伯仔對咱有看顧,予咱有一塊仔田地通好種作,古早人講:百般手藝,毋值得鋤頭落地。這世人攏靠這塊田地飼咱這口灶,恁阿爸、阿伯、阿姑的教育ka 才情,嘛是全靠跤底這塊土地的栽培 ka晟養。雖然做穡人看天食飯,種作無快活、真艱苦,毋過咱著愛知足常樂,俗語講:「做雞著筅,做人著反」,『甘願做牛,毋驚無犁通拖』只要咱肯拍拼骨力耕作,天公伯仔一定會kah 咱照顧。」

          之前在日本有一個超級阿嬤,在阮厝嘛有一個超級阿嬤,這句話是要按那講ㄌㄟ?會記得有一擺,我阿媽叫我去橘仔店糴(tiah3斤的米,我將米mok轉到厝時阿嬤開嘴講:我拿看買,我煞嘴講:不免啦!阿嬤,我來拿就好。阿嬤講:『憨阿孫,阿嬤是買拿看買頭家是有搶稱頭無』。我煞目睛金金,嘴仔開開看阿嬤抱那包米大聲喊講:「這不可能啦!這包米一定沒到3斤,你這包米是對都位買帶我來去,我去甲頭家說生利人不可按呢」。看著阿嬤氣pu pu去找頭家理論,我心內嘛感覺怪怪,阿嬤攏還沒用磅仔稱看,就走去找人輸贏,甘有影是生利人搶稱頭,還是阿嬤差著半公分在甲人計較,我跟去看,一到位阿嬤就說:頭家,阮孫都假來甲你糴(tiah3斤米,好親像沒到3斤喔,頭家馬上磅看,真正差半斤那重,跟阮回甲賠還多送阮半斤米。我看一下心肝頭高興一下,對我阿嬤又擱欣賞又擱尊敬,不知都一天我才會得到我阿嬤的真傳。

我的演講到遮,多謝逐家,祝逐家像阿嬤仝款,身體健康,老骨硬康康,老皮袂過風,多謝逐家。

『礁溪二龍船競渡』演稿       說故事者:林冠瑋

湠根母語文刊     第七期91/04/3 作者:陳玉華    

各位評審先生逐家好:我欲講的故事是『礁溪二龍船競渡』。

阮『礁溪二龍船』佮一般的龍船無相仝,它有船身無龍頭,所以愛店船首丌所在點一對目睭。

比賽丌辦法真特殊,無記分,無發令,嘛無裁判,干礁由雙方鳴鑼做決定。比賽丌時所有丌隊員,以跪咧丌姿勢扒,輸贏是由觀眾佮隊員來認定丌。

茲種民俗活動流傳二百外冬矣,是文化上最介寶貴丌資產。『二龍扒龍船』,是起源佇二百外冬前,噶瑪蘭平埔族丌一種活動。早期丌噶瑪蘭平埔族,佇二龍河『淇武蘭』定居,後來河沙堆積丌結果,佇下游就有『洲仔尾』,漢人遷入地丌時,噶瑪蘭平埔族,早著佮上游『番割田』丌族人,做定期扒龍船比賽。

最早期丌比賽是用駁仔船佮紅頭船仔。噶瑪蘭平埔族扒船比賽丌目的,要運動佮消遣。因為『淇武蘭』丌港水漸漸消徹,比賽丌地點袛好徒對下游去,原先『番割田』佮『淇武蘭』平埔族之間丌龍船競賽,著演變成『淇武蘭』佮『洲仔尾』仝庄頭之間丌比賽囉。
     
過去二百外冬,天公伯仔賜予居民生機,嘛奪走怹丌生命。因為日常生活,淇武蘭丌居民佮二龍河關係密切,唯生活飲水開始佫甲洗衫、掠魚、交通、灌溉等,攏含二龍河撥袂離。定定有發生查某儂佮囡仔跋落水,著安呢引起居民不安,村民攏認為港中有歹物仔老大公咧作怪。因此村民造龍船來超渡,所用丌船隻,長有十外尺,寬二公尺外,而且佇船隻丌船首、船尾、船柸等所在,攏畫了太極圖案,船首特別畫一對麒麟,以達佫鎮壓、避邪,求平安丌目的。
       
逐年舊曆四月,道由村長出面邀請庄內丌長老、紳士商議參賽丌代誌,佮平安旗丌製作,清理河道頂丌竹枝雜物丌空課。佫了五日節丌三五工前,即由主事丌鄰長,敲著大銅鑼,召集庄內漢草卡粗勇丌壯丁。選擇良辰吉日,燒香、燃炮,由庄裡丌壯丁對龍船厝共龍船請出來,扛店佇大稻程,然後用藤條將一枝圓木龍骨,縛佇船身中心綑予稠,完成擦油漆、縛骨、綑繩、架舵、插旗等空課了後,佇祭典會場,進行祭典儀式,折香淨舟點目睭。佇村民丌么喝聲中,鳴鑼扑鼓、獻紙錢、鳴炮,並且仝齊共龍船扛向港邊落水,茲時,家家戶戶嘛用長椅條,虔誠備牲禮,店河邊祭拜『老大公』,經過一番丌過程了後,村人即會認為『龍神爺』真-----正附佇船頂。茲種風氣已經相傳二百外冬矣,是咱台灣最介有鄉土文化丌民俗活動。

我佇遮誠懇邀請逐家,相招來阮『淇武蘭』看龍船比賽。

我故事講到遮,多謝逐家。

林智傑----礁溪 環境保護            林智傑 撰稿   

                                宜蘭縣國立台灣大學校友會第二屆 閩南語說故事優勝

                                                                                       陳玉華修稿

各位評審先生,各位同學逐家好:我今天要演說的故事是(環境保護),(環境保護),自古以來,地球原本是非常的美麗,佮非常清氣的,但是經過數千多年的變化,人為著欲開墾佮利用了後,予咱的生活更加便利,也予咱所住的地球環境,已經改變了真濟,真濟.

咱定定會凍看見新聞報導,現在溫度比較熱所以地球暖化,空氣污染,河川污染的消息,這攏是人為著生活上的方便,所必須付出的代價.過去,廢水無經過處理,便直接排入河川;垃圾無做分類回收,便直接撣掉;山坡地的亂開發,更加是定定看見,結果河川變臭,魚類大量死亡,可用的能源,無形中大量浪費,以及每逢颱風過境後,著會傳出土石流佮淹水的災情,像茲擺台灣88水災,山崩地裂,人財兩失,損失慘重,其他更卡濟的災情,攏是人對大自然的迫害,致使大自然做出無言的抗議,現在,愛護地球正是咱應該重視的議題,

咱政府已經開始推動環境保護,隨身做環保,愛護地球是汝我的責任,學校也教導咱資源分類回收,置阮兜我的父母也會叫阮減少開冷氣的機會,我也會隨手關電火佮關電腦的好習慣,唯小動作開始做起,環保是無時無刻汝我攏應該做的,因為地球只有一個,假使人人若會凍種一欉樹仔,若按呢,著會凍減緩地球的軟化,種樹仔也可以幫助二氧化碳的減量,樹若死著吸袂著碳,樹仔若種無活,著像蠓仔叮牛角----無采工,每一欉樹仔攏是一個小小的自然生態,有樹仔著有鳥仔,蟲仔佮各式各樣的生命,種樹仔不但會凍保護環境,嘛會凍替社會創作產值謀福利,也有光景好遊賞,咱愛好好保護咱的地球,種一欉樹仔置咱的土地,是一種希望,一人閣再種一樹,土地即袂光溜溜,光景美麗好遊賞,日後著免來優愁,

毋知影汝今嘛有置咧做環保麼?環境保護應該是全球運動,期待透過逐家的努力,咱會凍留給下一代更卡好的生活環境,予青山常在,讓綠水長流,讓口號不再口號,我的演講到此為止,謝謝大家.

 

 

原稿林智傑----礁溪 環境保護 林智傑 撰稿

 

各位評審先生,各位同學大家好:我今天要演說的故事是(環境保護),(環境保護)

自古以來,地球是非常美麗,原本是非常乾淨的,經過數千多年的變化,人為的開墾,及利用,讓我們的生活更加便利,也讓我們所住的地球環境已經改變了許多,許多.

常常看見新聞報導現在溫度比較熱,空氣污染,河川污染的消息,這些都是人們為了生活的方便,所必須付出的代價.過去,廢水沒有經過處理,便直入河川;垃圾沒有分類回收,便直接丟棄;山坡地亂開發更是常見,結果河川變臭,魚類大量死亡,可用的能源無形中大量浪費,以及每逢颱風後,就會傳出土石流跟淹水的災情,其他更多的災情都是大自然對人的所作所為,作出無言的抗議,現在,愛護地球正是我們應該重視的議題,

我們政府已經開始推動,隨身作環保,愛護地球是你我的責任,學校也教導我們資源分類回收,在我家我的父母也減少開冷氣的機會,我也會隨手關電燈及關電腦的好習慣,從小動作開始,環保是無時無刻你我都應該做的,因為地球只有一個,也是大家的,我們要好好保護,不要讓地球暖化.

不知道你現在有在做環保嗎?環境保護應該是全球運動,期待透過大家的努力,我們可以留給下一代更好的生活環境,讓青山常在,讓綠水長流,讓口號不再口號,我的演講到此為止,謝謝大家.

礁溪 黃揆援 讀冊的好滋味 黃揆援 撰稿

陳玉華 修稿

 

各位評判先生逐家好我今仔日欲演講的題目是讀冊的好滋味,讀冊的好滋味,古早的好額人,真重視讀冊,置早前攏是有錢的家庭才會凍予囡仔讀冊,所以,會凍讀冊是真幸運真難得,現代人,家家戶戶的囡仔攏會凍讀冊,無錢的人也可以辦助學貸款,因為現代的囡仔,若無接受12年教育是會綴人袂著,所以啊,家庭閣卡散赤的人,序大閣卡艱苦嘛會追錢來予囡仔讀,厝內的長輩攏會講現代的囡仔足幸福,足好命,一本冊捧稠稠,手不動三寶,好命叮噹,無親像古早散赤人,誠細漢仔屁,著愛做長工替人看牛,那按呢講,咱是毋是應該更加珍惜這段學習的黃金時期.

文化中心圖書館內,冊有真濟種,有尪仔冊.民間故事冊.台灣歷史冊,百科全書.....等等,當然對學生來講,最重要的著是學業上的課本,課本是學生主要的物件,其他的冊是輔助的冊本,有一寡人非常討厭讀冊,怹攏講讀冊真麻煩,又閣占時間,怹是[讀冊,讀冊,無讀無慼,愈讀愈慼],有當陣,我嘛有滋種想法,毋閣,阿爸定定苦勸我,[少年若袂曉想,食老會毋成樣],經過我一番的扑拚佮努力了後,考試得著好成績,我著感覺進前的扑拚無白費,有一種[苦盡甘來的感受],甲甜蜜的好滋味,阿母講:[人食到老,學到老],學無止盡,

讀冊是有撇步,我考試考了好是,逐暝事先預習,上課認真聽學,事後複習,將心靈深入冊的世界,好好仔感受,好好仔體會冊底奧妙,毋識的所在先做記號,了後才請教人,時常做筆記,整理從細節做起,冊中有講起:[食得苦中苦,方為人上人],將來人生才有意義,[讀萬卷書,行萬里路],人生除了苦讀,也愛行遍天下,按呢才會凍充實自己的見識,讀冊對我滋個年紀來講,雖然真痛苦,但是我會凍忍受,做一個快樂的讀冊人,勇往直前,一直追求,咱愛食苦當做食補,靴是成功後甜蜜的果實,我的演講到遮,感謝逐家

礁溪揆援 食暗頓的時陣 黃揆援 撰稿

 

陳玉華 修稿

 

各位評譒先生各位來賓逐家好:我今仔日欲演講的題目是[食暗頓的時陣],[食暗頓的時陣]

下課的時陣,阿母開車來到學校載我佮阿姊倒轉去厝裡,阮一踏入門,我看阿公坐店置咧客廳看電視,阮阿公的耳空是愈來愈重,我足大聲給阿公喊講,阿公我轉來囉,阿公講我真乖,真識代誌,茲時我鼻著一陣一陣的芳味,我是枵甲大腸告小腸腹肚咕嚕咕嚕叫,,我走去廚房,看到阿嬤置煮菜,阿母嘛置灶跤鬥相仝,,阿嬤煮的菜實在有夠芳,飯桌頂有足芳的菜,我忍袂稠,喙涎水直直津,我趁逐家攏無看的時,我用手偷偷ㄋ一一塊肉塞入喙空食,~~~~~!實在有夠好食,阮阿姐約越轉頭看到我用手ㄋ一,罵我抑袂洗手著提來食,真無衛生,叫我去洗手,阿嬤講:[囡仔人無規秬,偷食袂瞞得喙齒,先去洗身軀,等恁阿爸倒轉來逐家即鬥陣做伙食],

阮阿嬤甲阮阿母總算把飯菜煮好勢,阿公.阿媽.阿母.阿姊甲我,阮逐家坐店客廳等,,奇怪呢,阮阿爸那抑袂轉來,阿母應講阿爸愛卡晏呢即會倒轉來,袂曉緊,咱逐家先食啦,足可惜,盈暗阮阿爸無佮逐家做伙食,雖然魚肉排甲歸桌頂,毋閣減一個人食飯滋味著是無仝,就置我感覺真失望的當時,我聽著車聲,阿爸倒轉來啊,我趕緊走去車庫,叫一聲阿爸,給阿爸撒嬌,然後揪著阿爸的手,行到灶跤食飯,我飯捧置手裡,三喙做兩喙ㄅㄟ,糊甲歸面全飯粒啊,逐家看到笑哈哈,阿媽講:[碗底若ㄅㄟ無清氣,將來是會嫁貓仔尪],盈暗的肉足好食,我夾幾落塊,阿公講:[食魚食肉也著菜夾],多食菜,食水果,按呢,營養即會平均,幫肋消化,逐家會凍鬥陣做伙食飯,予我感覺真歡喜,我也希望天下間的人,攏會凍甲阮仝款歸家伙鬥陣做伙食飯,按呢也會凍那食那講心事,全家的氣氛抑會卡好,嘛會凍培養全家人的感情,了解逐家的心情,互相鼓勵互相安慰,恁看食暗頓的時陣會凍做即呢仔濟的代誌,毋知逐家是毋是佮我仝款,置暗頓的時刻,享受著天倫之樂,我的演講到遮為止,多謝逐家.