宜蘭縣教育支援平台 會員登入 會員註冊 我的i教書

         我上愛食的物件----------------撰稿呂冠妤  100/12/07校內語文競賽四年級第二名

修稿:陳玉華  100/12/07

 

各位評審、各位同學逐家好,今仔日我欲演講的題目是:『我上愛食的物件』,『我上愛食的物件』。

我上愛食的物件是雞排, 因為啊, 雞排的口味儘芳, 儘好食, 每擺, 只要鼻著雞排的芳味, 喙涎著強欲津落來, 強欲予它吸引過去, 雞排食起來脆脆軟軟, 有當時, 抑會流出一寡湯汁來, 每擺食到雞排,我攏會共它食甲清氣溜溜.

我第一擺食到雞排, 是置宜蘭東門的夜市仔內食到的, 而且閤是儘特別的檸檬雞排, 檸檬雞排食起來酸甘甜仔酸甘甜, 又閣脆脆軟軟的, 不但是按呢, 而且閣比一般的雞排抑閣較好食, 可是今嘛閤再去到宜蘭的東門夜市仔, 攏無閣看到有人咧賣檸檬雞排, 雖然無檸檬雞排的口味, 可是也有一般的雞排通食, 無魚蝦嘛好, 按呢嘛是袂禾黑, 我嘛仝款食甲儘歡喜.

雖然這種phu5的雞排, 毋是儘營養的食物, 有當陣食一半擺矣嘛無敗害的, 毋閣阮阿母講, 嘛袂當講愛食著一直食, 按呢對身體無好, 所以每擺上安親班的時, 若到下課了後, 攏會經過賣雞排的擔頭, 我著會共家己講, 愛忍稠咧, 袂當予雞排的芳味吸引過去, 等到阿母共機車騎過來的時, 我著較放鬆, 吐了一個氣, 乖乖轉去茨食阿母煮的飯菜. 今天的演講說到這謝謝大家.

 

 

 

 

 

 

 

 

原文          我上愛食的物件--------------呂冠妤100/12/07

 

我最愛吃的食物是雞排, 因為雞排的味道很香,每次只要聞到雞排的味道,就會被吸引過去,雞排吃起來脆脆的,有時侯還會流出一些湯汁來,每次只要吃到雞排,我都會把它吃得一乾二淨,.

我第一次吃到雞排是在宜蘭夜市,吃到的,而且還是特別的檸檬雞排,檸檬雞排吃起來酸酸脆脆的,不但這樣還比一般的雞排還要好吃,可是現在再去到宜蘭夜市,都沒有看到有人在賣檸檬雞排雖然沒有檸檬雞排,可是會有一般的雞排,這樣我也吃得很開心.

雖然雞排不是很營養的食物,偶而吃一下這樣也是好啦,但是也是不能常常吃,這樣也會對身體不好,所以每次安親班只要一下課,我都會經過雞排店,我都會告訴自己要忍住不可以被那個雞排的香味吸引過去,等到媽媽把機車從那邊騎過來時,我就會鬆了一口氣,回家去吃飯,今天的演講說到這謝謝大家.

 

 

上愛吃的物件-------------撰稿:林佳霓100/12/08校內語文競賽四年級第三名

修稿:陳玉華100/12/08
               各位評審、各位同學逐家好,今仔日天我要演講的題目是
:『我上愛吃的物件』。

我上愛吃的物件就是冰淇淋,冰淇淋是熱天最好的消暑聖品,它冰冰閣涼涼,冬天食的時,就算講全身冰冷我也感覺儘好食。                                                               
              我第一擺吃著冰淇淋,是置東門夜市仔食的,因為是第一次踮夜市仔食冰淇淋,我感覺儘好食著食儘緊,結果頭儘疼,阿母叫我食卡慢一點仔,毋閣我擔心等一下冰淇淋會溶去,我著繼續共食完,過了一下仔,阿母問我:「頭抑會疼未?」我講袂疼,阿母講:『冰淇淋袂當食傷雄,若無頭會疼,後擺愛食卡慢咧』等到阮踅夜市踅煞,又閣轉來到冰淇淋攤,我著共阿母講:「我想欲閣食一支冰淇淋!」阿母講:「袂當,物件袂當做一擺食。」結果阿母置我苦苦哀求之下,落尾抑是買給我,我著儘歡喜共阿母笑一下。
                  自從我食過一擺冰淇淋了後,阮若到夜市仔,著會叫阿母買冰淇淋給我食,可是毋知對東時開始,我食傷濟冰淇淋,到暗時欲睏的時,著會一直ㄎㄨㄎㄨㄙㄠ ,所以我今嘛,一擺甘那會當食一支冰淇淋,想欲閣再加食一支冰,阿母有時會答應,有時袂答應,答應的時,著表示我儘久攏無閣ㄎㄨ ㄎㄨ ㄙㄠ,若無答應的時,著表示我最近定定ㄎㄨㄎㄨㄙㄠ。
            每擺阿母買冰淇淋轉來,我攏是第一個食的,我一擺最濟會凍食一桶,每擺我食到一半的時,阿母攏會講:「好矣,袂當閣食,若無暗時仔欲睏的時,又閣欲ㄎㄨㄎㄨㄙㄠ囉。」,所以每擺我食傷濟冰淇淋,到甲暗時攏會ㄙㄠ,雖然按呢,我抑是儘愛食冰淇淋,有時會偷偷啊加食一寡,因為冰淇淋有各種的口味,有芒果、巧克力、花生、芋頭......等等,有甜的、酸的抑有鹹的,我攏佮意食。
我今天的演講著到遮多謝逐家

 

 

原文

老師,紅色的字是我翻譯好的!
                     
上愛吃的物件-------------四愛 林佳霓
           
我上愛吃的物件就是------冰淇淋,因為它冰冰涼涼的;所以是夏天最好的消暑聖品,冬天吃的時候,就算是全身冰冷,我也覺得很好吃                                                               
            
我第一次吃到冰淇淋,是在宜蘭的東門夜市裡吃的,因為是第一次吃夜市裡的冰淇淋,我覺得很好吃;所以我就吃得很快很快,結果我就吃到頭很痛,媽媽叫我吃慢一點,但是我擔心等一下冰淇淋就會溶化了;所以我還是繼續把吃完,過了一會兒,媽媽問我:「頭還痛不痛?」我說不痛了,媽媽說冰淇淋不能吃太快,不然頭會痛,下次要吃慢一點!等到我們逛完夜市,又再度回到冰淇淋攤,我就跟媽媽說:「我還要再吃一支冰淇淋!,媽媽就說:「不可以!東西不可以一次吃那麼多。」結果媽媽在我的苦苦哀求下,最後還是買給我吃了,我就開心的笑了。
           
自從我吃了一次冰淇淋以後,我每次一到夜市就會叫媽媽買冰淇淋給我吃,可是不知從何時開始,我吃太多冰淇淋晚上睡覺的時候就會一直咳嗽,因此我一次只能吃一支冰淇淋;想再多吃一支冰,媽媽有時會答應;有時不會答應,答應的時候就表示我很久沒有咳嗽;不答應的時候就表示我最近常咳嗽。
           
每次媽媽買冰淇淋回來,我都是第一個吃的,我一次最多可以吃一桶,每次我吃到一半的時侯媽媽都會說:「好了!不要再吃了,要不然晚上睡覺的時候又要咳嗽了。」,所以每次我吃太多冰淇淋,晚上都會咳嗽,雖然如此,但是我還是很愛吃冰淇淋;有時會偷偷的多吃一些,因為冰淇淋有各種口味,例如:芒果、香草、草莓、巧克力、花生、芋頭......等等,有甜的、酸的還有鹹的、辣的,有各種不種的口味,除了辣的我不敢吃以外;我都很喜歡吃。

 

 

 

落雨暝------------------------撰稿:陳柏翰   100/12/07

                      修稿:陳玉華   100/12/07

各位評審、各位同學逐家好,今仔日天我要演講的題目是:『落雨暝』,『落雨暝』。

                    落雨的時,我的心情儘禾黑

                    落雨的時,我的心情儘差。

落雨的時,就好親像天公伯仔塊哭仝一款,所以每擺落雨的時,我著佮天公伯仔的心情仝一樣。每一個人對雨的感覺攏無仝。

    盈暗,天又落了一場的大雨,每擺落雨的時,阮全家的人攏會踮置家己的房間裡,我佮阿兄是咧看冊,阿母是咧扑電腦,啊若阮阿爸是倒置眠床項咧睏,抑有阿媽攏是置電視機面頭前看電視。落雨的時,阮全家人攏會揣事志做,因為落雨出門較無方便,既然出門無方便,只好乖乖踮厝裡做家己的事志。

    我欲去洗身軀澡的時,雨落置厝尾頂,劈哩啪啦的聲音,予我心驚惶袂當專心洗身軀,身軀洗好了後,我著看一下仔電視節目,了後去房間睏,我直欲睏去的時,阿母雄雄共我喊一聲,害我掣一下,心臟pong-pong-tshainn2,阮趕緊對眠床頂跳落床,走到阿母的房間,看到底是發生了啥乜事志,阿母的房間內面,竟然出現一隻佮手掌差不多大的大隻蜘蛛,阿爸隨去廚仔底,提一罐殺蟲劑來噴蜘蛛,噴了後蜘蛛抑是無死,爸爸著閣去提掃手,來共蜘蛛拍死,蜘蛛予阿爸拍死了後,阮阿母煞無看見人,因為阮阿母已經驚甲半小死,早著走去阮的房間覕起,我佮阿兄強欲予阿母笑死。了後阮著去房間睏,這時,雨越落越細,我的心情也越來越好,盈暗,我過了一個又閣刺激又閣愉快的落雨暝。我今天的演講著到遮多謝逐家。

 

原文              落雨暝--------

 

各位評審、各位同學大家好,天我要演講的題目是:『落雨暝』,『落雨暝』。

                    落雨的時候我的心情低落,

                    落雨的時候我的心情很差。

落雨的時候就好像老天爺在哭泣似的,所以每次下雨的時候就跟老天爺一樣,

每一個人對雨的感覺都不同。

  今天晚上下了一場大雨,每次下雨時我們全家人都會待在自己的房間裡,

我和哥哥是在看書,媽媽是在打電腦,爸爸則是在睡覺,還有阿嬤都在看電視,

下雨的時候我們全家人都會找事情做,因為下雨不能出去只能待在家裡做自己的

事情。

  我要去洗澡的時候,雨下在屋頂上劈哩啪啦的聲音,讓人不能專心,洗完澡了,

我就會看一下電視然後才去睡覺,我要去睡覺的時候,媽媽叫了一聲害我下了一跳,我們就跑到媽媽房間看發生了什麼回事,房間裡面竟然有一隻跟手掌差不多大的蜘蛛,爸爸就立刻去拿殺蟲劑來噴蜘蛛,噴了以後蜘蛛還是沒有死,爸爸就去拿掃把來把蜘蛛打死,打死了,媽媽卻不見了,因為媽媽已經快怕死了就跑到我的房間躲起來,我跟哥哥都被媽媽笑死。

  最後我去睡覺的時候雨越下越小,我的心情也越來越好,今天的晚上,

我過了一個又開心又於月的夜晚。我今天的演講就道這裡謝謝大家

  • 落雨暝------------- 撰稿:謝  嘉  芳    12/06校內語文競賽五年級第三名

修稿:陳玉華100/12/06

 

各位評審、各位同學逐家好,今仔日我欲演講的題目是:『落雨暝』,『落雨暝』。

新竹風蘭陽雨,宜蘭以秋冬厚雨出名,三工兩工著落大雨,置11月16日彼工的透早,我是被雨搧對壁肚頂的聲音吵精神,醒來了後,做完我應該做的事志了後,換好衫仔褲我著出門去矣。我行到學校大門口的時陣,雨嗶嗶piak-piak的聲,愈落愈大,我的褲腳攏澹lok-lok,雨抑是繼續落落袂停。第一節上音樂課的時,彼當陣外面的雨水已經淹到教室內底面,害阮逐家攏著脫鞋仔行路,閣提掃手、糞斗、水桶,共教室內面的水hoo3-hak-kai,到了欲放學的時陣,老師叫阮愛共鞋仔穿起來,但是歸雙鞋仔抑閣是濕濕澹湖糊的,叫阮欲按怎穿咧,毋閣老師抑是叫阮共鞋仔穿起來,雖然講,我無啥情願,但是我抑是乖乖矣共鞋仔穿起來。

 

到甲下晡時,雨仝款落袂離,電視氣象台也無報停課的消息,著按呢到了暗時,雨嘩嘩叫超恐怖的,雨量愈來愈厚,阮兜頭前的一大片土地,攏已經積水矣,雨抑是落袂煞,我儘驚雨水淹到我兜內面,雖然阮攏有做好防備,毋閣我抑是感覺驚驚,到了暗時9點我儘thiam儘想欲睏,可是雨搧對壁肚頂的聲攪吵著我,害我睏袂落眠。

 

雖然彼工發生儘濟事志,予我又閣驚怕又閣毋願,毋過這也是一個可怕的經驗,經過這次的風雨,予我知影下一擺,如果遇到這種事志,下一步應該愛按怎做,按怎行,我心內大概仔知影,因為這次的風雨予我永遠記在腦海內。我今仔日的演講到遮多謝逐家。

 

原文                           落雨暝--------     謝  嘉  芳    12/06

 

今天是11月16日,早上起床時雨打到壁的聲音把我吵醒了,我醒來後,做完我該做的事情之後,我就出門了。我走到校門口的時候雨下的愈來愈大,我的腳已經濕了,

雨還是繼續下,第一節是音樂課與水已經淹到教室裡面,害我們大家都脫掉鞋子走路,到了要放學的 時候 老師叫我們要把鞋子穿起來,但是鞋子還是濕的叫我們要怎麼穿,但是老師還是較把鞋子穿起來,雖然我不甘願,但是我還是穿起來了。

 

下午與還是沒停,氣象也沒報停課的消息,就這樣到了晚上,晚上的時候與下的樣子超恐怖的,雨已經下到我家前面都有一大片積水,雨還是沒停,我好怕雨水淹到我家裡面,雖然我們都有做好防備,但是我還是依樣好怕的,到了9點,我就去睡了,

雨打到牆的聲音有讓我睡不著。

 

雖然今天發生很多事情,讓我又怕又不甘願,不過這也是依個經驗,經過這次的風雨讓我知道下次如果又遇到這種事情下一步可以怎麼做,怎麼走,因為這次的風雨讓我永遠記在腦海裡面。

  • 我上食的物件----------演講:吳佳儀  校內語文競賽五年級第二名

撰稿:林欣茹100/12/06

                  修稿:陳玉華100/12/06

 

各位評審、各位同學逐家好,今仔日我欲演講的題目是:『我上愛食的物件』,『我上愛食的物件』。

汝上愛食的物件是啥乜咧?我想每一個人攏有一項家己愛食的物件,我上愛食的物件是珍珠奶茶,燒燒的奶茶配上軟軟QQ的粉圓,食起來是甜甜的,儘好食。我除了愛食珍珠奶茶,嘛真愛食紅豆餅,紅豆餅一口咬落,滿滿的紅豆,用料實在。我抑會記得我細漢的時陣,只要經過賣紅豆餅的攤仔,著共阿母吵講;【阿母、阿母,我欲買紅豆餅,我欲買紅豆餅】,阿母著會買一包拾箍的紅豆餅給我食,只要食著紅豆餅,我著會感覺儘幸福、儘滿足。

 

         我也儘佮意食豆花,豆花看起來是像嬰仔的皮膚,白泡泡幼綿綿,滑溜滑溜的豆花,食起來儘順口。我會記得我儘細漢的時,有一個阿伯仔,他定定sak著一台腳踏車,沿路行沿路喝講;【賣豆花喔!快來買豆花喔!】只要聽到彼個賣豆花的聲音,我著會儘興喜提著銀角仔,衝過去買一碗豆花,彼個阿伯仔,賣的豆花實在有夠好食的,我到旦抑閣儘數念呢。

         台灣點心百百款,食少有滋味,食濟無趣味。 每一個人愛食的物件攏無仝,每一個人佮意的物件,也攏一定有伊的回憶,只要詳細想看覓,其實家己的回憶著置身邊。我今仔日的演講到遮多謝逐家。

 

 

 

原文      我最喜歡吃的東西     撰稿:林欣茹100/12/06

 

      你最愛吃的東西是什麼呢?我想每一個人都有一項自己愛吃的東西,我上愛吃的東西是珍珠奶茶,燒燒的奶茶配上軟軟QQ的粉圓,吃起來甜甜的,很好吃。

      我除了愛吃珍珠奶茶,麻真愛吃紅豆餅,一口咬下,滿滿的紅豆,用料實在。我還記得我小的時候只要經過賣紅豆餅攤子,就吵著媽媽說;【媽媽、媽媽,我要買紅豆餅!我要買紅豆餅!】媽媽就會買一包十塊的紅豆餅給我吃,只要吃到,我就會覺得很幸福、很滿足。

      我也很喜歡吃豆花,骨溜骨溜的豆花,吃起來很順口。我記得我很小的時候,有一個阿伯常常推著一台腳踏車叫說;【豆花喔!快來買豆花喔!】只要聽到那個聲音我就會很高興的拿著零錢衝過去買,那個阿伯賣的豆花時在有夠好吃,我到現在還忘不了呢。

      台灣點心百百種,每個人愛吃的東西都不盡相同,每個人喜歡的東西都一定有他的回憶,只要仔細找找,其實自己的回憶就在身旁。

  •  我的生日-----------撰稿   林禹彤   100/ 12/03校內語文競賽第一名
  •                         修稿    陳玉華  100/12/04

        各位評審、各位同學逐家好,今仔日我欲演講的題目是:『我的生日』,『我的生日』。

    我的生日是置西方的萬聖節,是一個非常特別的日子,每擺我的生日一到,阮厝內底的人,攏會幫我慶祝生日,生日彼工著熱鬧滾滾,因為啊親戚朋友攏會來鬥鬧熱。

        會記得有一年我生日,彼工,阮全家娶我去羅東食暗頓,嘿是我印像上深刻的一擺, 而且轉去到厝閣有阿媽親手做的雞蛋糕通食,佮逐家送給我的禮物。 食雞蛋糕的感覺是含入喙底隨熔去,彼種甜蜜的幸福是無法形容的,閣有逐家送給我的禮物,我會遮幸福又快樂,這攏是逐家給我祝福。

        現主時,學生囡仔的課業壓力大,有的爸母攏無閒替家己的囡仔過生日,囡仔的生日著愛踮置補習班度過,實在有夠可憐的。我的生日也是阿母的母難日,所以我欲感謝爸母,尊重爸母。今仔日我會當徛置遮,完全愛感謝爸母,當然也愛感謝老師 ,感謝爸母共我照顧,照顧我的健康,俗語講:『食水果拜樹頭,食米飯敬鋤頭』,人愛『飲水思源』,所以等甲有一工,我長大了後也欲來好好友孝怹 ,照顧怹健康食百二,予阿公阿媽,阿爸阿母無憂無愁過日子,因為怹逐日無時無刻陪伴置我身邊,而且我也欲感謝我的好朋友,每當我生日怹攏會送我生日禮物,予我感覺我是世界上最幸福的囡仔,等到同學佮厝內底的人生日的時,我一定欲對怹講一聲生日快樂。我今仔日的演講到遮多謝逐家。
  •  

原文                 我的生日 100/ 12/03

我的生日是在西方的萬聖節 是非常特別的日子 每當我的生日到來 我的家人都會幫我慶祝的非常熱鬧 親戚朋友也會來湊鬧

 

記得有一年,我們全家帶我去羅東吃晚餐,那是我印像最深刻的一次, 而且回家還有阿嬤親手做的蛋糕, 以及大家送給我的禮物。 吃蛋糕時, 那一種入口即化的口感 ,真的事用口感也無法形容的 ,還有大家送給我的禮物,真的很是我既高興又感動壓!

我這麼的幸福又快樂, 家庭也很美滿呢!因為現在的課業壓力大, 所以父母都沒控幫自己的小孩過生日, 最後孩子就要在補習班度過 ,實在有夠可憐的, 但是我的生日也是媽媽的母難日, 所以我們還是要感謝父母, 尊重他們!

今天我站在這裡完全要感謝老師 ,當然也要感謝我的父母, 把我照顧的健康 ,等我長大後也要返回來好好孝順他們 ,讓他們健康吃百二, 無憂無慮過生活, 也不讓他們未我們擔心, 因為他們是我最重要的人!所以我以後長大要好好孝順我的父母,還有我的阿公阿嬤 ,因為只要我生日他們都無時無刻的陪在我身邊 ,而且我也必須感謝我的好朋友們 ,每當我生日他們都會送我生日禮物, 讓我覺得我是世界上最幸福的孩子 ,所以等到同學與家人生日時我一定要對他們說聲生日快樂, 就算們送禮物也沒有人會因此而在意 ,可是至少也該聲生日快樂。

                                    風颱天--------- 撰稿:廖秋瑜   老師   演講:林立楷   閩南語演說第五名          

 指導 : 高鏡清 老師
                                                                                              撰稿:廖秋瑜 老師
                         翻譯:陳玉華

各位評判、來賓逐家好,我今仔日欲演講的題目是:『風颱天』。

夯頭向天,原本一片清朗的雲彩,一時仔久,煞變甲黑陰暗地,氣象局網路,有寫「風颱來襲」的標題,予我驚一趒,趕緊通知厝內的人,這個天大地大的消息。
  為預防風颱所發生的災害,我佮阿爸鬥陣用黏布仔共窗仔黏稠咧,共水溝清清氣,了後全家往超級市場購買物品,賣場內早著人擠人熱鬧滾滾,阮買青菜、水果、餅、泡麵,以備不時的需要。
  暗暝窗門外,風雨聲呼呼叫響無停,房屋好親像鑽入洗車的隧道、予大水用力沖洗仝款;路邊的大欉樹搖上搖落,大滴的雨水拍佇玻璃像瀑布仝款siang3落來,突然間失電,四箍輪轉黑嘛嘛,伸手不見五指(tsainn2),阮真細膩真小心咧點蠟燭火,歸家圍佇微微的火光跤,逐家難得有機會做伙塊開講講笑詼、唱歌撈曲,雖然是一個無燈火的暗暝,阮也共同渡過一個溫暖的時刻。暝半,我聽外面風颱呼呼叫的聲,驚甲歸暝攏袂睏tih,聽見阿爸阿母佇厝內,蹤來蹤去的跤步聲,著暗暗仔祈禱,祈禱風颱趕緊離開,阿姊看著我翻來翻去,輕輕的搭我的kha脊phiann,安慰我毋通擔心煩惱。
  隔轉工透早,台電人員將被拍斷的電火柱仔修理理唉,已經漸漸恢復原本的面貌,風颱也減弱,我對窗門口看,哇!歸塗跤li- li- khok- khok的物件落甲滿街路,有招牌、玻璃碎片,樹椏樹欉、電火柱仔也歸欉予風颱拍斷,搧甲東倒西歪,對面公園也亂七八槽毋成樣真狼狽。風颱過了阮趕緊拍開電視來看,新聞報導各地方的災情,有真濟人因為風颱而來受傷、死亡,嘛有人的家園、田園被土石流埋入,我想,假使每一個人攏會來注意安全,著袂遐呢濟的意外發生。
  看著新聞,予我想著阿公阿媽,怹的狀況毋知啥款,阿爸立刻敲電話共怹問安,阿公講:「人攏真平安,只是厝內有淡薄仔淹水,而且山頂發生了土石流,有一戶農舍予土石流共埋去。」我替怹流凊汗,嘛替怹歡喜平安無事,謝天謝地謝鱟hia佮飯籬le7。
  風颱過境了後,阮全家伙同心協力的同齊清理糞圾、玻璃屑仔、樹椏雜枝,予家恢復原來的面貌,彼種的感覺真正是清爽、四適。厝邊頭尾踏出門,互相關懷問好,做伙協助拚掃社區。人講:『隔壁有事咱著行,厝邊較好咱親情(tsiann5)』。

天災地變是無法避免的,但是咱如果佇平時著做好水土保持的空課,佇風颱來襲進前,便會凍做好萬全的防颱措施,俗語講:『樹頭若徛予在,毋驚樹尾做風颱』。傷害自然著會來降低,除了這以外,咱也應該抱持著感恩惜福的想法,感謝遐必須佇大風大湧的風颱天,恬恬守護佮拍拚的人,予咱會凍平安渡過天災來襲。我今仔日的演講著到遮多謝逐家。 (995字)            

上快樂的代誌-----------------------撰稿: 黃揆媛100/03/02    100年宜蘭縣礁溪鄉賽 閩南語演講第三名

                                                      修稿: 陳玉華 100/07/03  

    

各位評判、來賓逐家好,我今仔日欲演講的題目是:『上快樂的代誌』,   『上快樂的代誌』。

我上蓋快樂的代誌,著是佇學校的台語教室學台語,學台語界輕鬆,會凍自由發言問問題,會凍解開心內的疑問,學台語像貓鼠洗身軀~~趣味,學台語介心適,有囡仔歌,有臆謎猜,有liat  khiat  a 話,閣有台灣俗諺語等等,逐擺學台語了後,轉去到厝閣會凍聽阿公,阿媽講古早古早蕃薯食到飽,蕃薯屁放袂離,聽阿公,阿媽講古練痟話,e5 e恁毋通認為蕃薯屁放袂離是無水準哦,我感覺這台灣話是上有人情味的話哦。

上台語課的時,老師攏叫阮『身軀愛坐乎正正才會得人庝』,我有坐正正認真聽。但是我若像『鴨仔聽雷聽攏無』。阮阿母甘那是外省囡仔,一句台灣話攏袂曉講,阿爸顧賺錢攏無陪阮講台語,我著無法度陪阿公阿媽開講,真可惜。我讀小學三年的時,阮導師派我參加台語訓練班,學台語通好對外台語演講比賽。所以我著利用睏眠的時間,走去練台語演講, 阮台語老師有講過,只要有心學自然著學會。頂暫仔阮導師講欲撿一個查埔學生,佮一個查某女生,看啥較爻唸台語,我竟然輸給彼位同學,我真毋願,後擺比賽一定欲贏伊。過了一暫仔,導師又閣講我唸的有懸有低,阮兩個是平手!而且阮班的同學,抑會教導師唸台語。今嘛的少年囡仔,攏無咧講台語,所以我放學轉去,攏會教阿母念台語,伊有時也會問我這句欲按怎講,阮阿母的台語能力,今嘛佮我差不多矣,有真濟人感覺講台語真困難,閣粗俗song5壁壁。若是有彼種觀念的人攏錯了!學台語其實真簡單,若像『貓鼠無洗身軀-----趣味』。台語有七音八調,只要慣勢講,『捷講喙會順,捷做手袂鈍』,愈講愈順口,『做人著認真,做事著頂真』,免外久汝著會曉講會曉寫,到時佮我仝款,有機會來參加台語演講比賽,抑是教爸母講台語,煩勢未來嘛是一位真出名的台語老師,抑是台語評審委員呢?

  我學會曉講台語,佮阿公阿媽較有話講,我會曉講台語,攏是阿媽佮台語老師的功勞,我會凍店遮參加台語演講比賽,攏是受怹的教導,怹予我了解講台語蓋趣味、蓋心適、蓋文雅、蓋高尚。怹共我講,台灣俗諺語、佮歇語攏是教導世間人,做人處事的要領。假使將來有機會,我欲做一位台語老師,抑是一位台語評審委員,學台語,講台語是上快樂的代誌,我今仔日的演講著到遮多謝逐家,感謝逐家,勞力。(909字)

 

 

原稿

 

學台語、講台語,很多人都覺得非常困難、非常無趣,但你們都錯了!講台語其實很簡單也很趣味,只要習慣每天講,不用幾天說不定你就學會了,到時候你也能去參加比賽,或者是教你們的父母,到時候你應該是個出名的台語老師或是評審委員呢!!

   我就是因為學會台語,所以我和我的奶奶更有話聊,我之所以會講台語都是我奶奶 和台語 老師的功勞,我能在這裡參加比賽都是他們的教導,他們讓我了解台語是多有趣,他們告訴我,我要把這些告訴你們,讓你們都知道,我在 班上 老師提出要男生挑一個,女生挑一個比誰念得最好,可是我然輸給了他,我很不甘心,所以我就下定決心下一次比賽一定要贏他,過了一俥子,老師又說我念的有高低起伏,所以是平手!而且我們班的學生還 能教 老師怎麼念,我覺得線在年輕人都沒有在念台語,所以我回家都會交媽媽念,他有時候也會來問我,我媽媽現在台語和我差不多了呢!!至於我爸爸根本沒什麼說話,只有罵我們最多話。

   如果有機會我真想做一位台語老師或一位評審委員,但在小學就先讀好書把台語唸的更好就好了,我相信將來一定會有更多人了解台語真的很有趣。

   我上愛的人                                            撰稿: 黃揆媛100/07/03

                                                                              修稿: 陳玉華 100/07/03

    各位評判、來賓逐家好,我今仔日欲演講的題目是:『我上愛的人』,   『我上愛的人』。

    逐家攏塊問我,我上愛的人到底是啥?我也當塊思考,但是真明確的,會凍看會出來,彼當然著是阮厝內的每一個的人。咱逐家攏也有上心愛的人啦!也毋知影欲按怎來回報怹hooh。

怹定定佇我的身軀邊,恬恬矣咧付出,乎我的生活過甲變得五彩繽紛,生活甲非常的快樂,我若有毋捌的功課ka7怹問,袂曉的代誌請怹教導我,怹攏會寬寬仔ka7我講ka7我教,我若有啥乜心事,啥乜代誌著會ka7阮阿姐講,阮阿姊攏會來ka7我安慰,若想欲煮食的時,阮阿母著會來教我,物件若歹去矣,阮阿爸會幫我修理,予我會凍重新閣來用,台語課本若是袂曉唸的時,阿公阿媽著會教我唸教我講。阿公講:『花開在春天,求學在少年』,『讀書須用心,一字值千金』汝愛好好認真來讀冊,將來才會出頭天。

生活中上介趣味的所在,著佇阮的身軀邊,我今仔日會凍成長甲靴呢矣快樂,攏是因為有厝內底的人咧陪伴,會凍去讀書、學才藝、學跳舞,攏是阿爸佮阿母載上載落,拚生命咧賺錢乎我學習,我今仔日會凍徛惦遮,tse攏是有怹的支持佮鼓勵,等我大漢有能力的時,一定袂將怹放忘記得,現在的我欲更加認真、拍拚來學習,以後長大成人的時,有了好的成就,第一個著時欲來感謝厝內底所有的人,包括阿公、阿媽、阿爸、阿母、抑有阿姊伊,到甲彼個時陣換我來照顧怹,回報怹。

我塊想,假使我的人生,那無厝內底的人,給我的溫暖佮鼓勵,煩勢我今嘛當咧哮,當咧哭,哭講啥乜攏袂曉,著會造成我無信心,毋知影愛努力求進步,著毋捌世事,無飯通食、無衫通穿,失去了怹的愛,我著永遠攏無法度成功,

阿媽講過一句話:人若是『少年毋拍拼,食老著會老歹命』。所以現在的我欲愛ke學習獨立,認真來拍拚,袂凍事事項項攏依靠怹,我『毋驚少年苦,只驚老來窮(khing5) 』 ,我欲成長予厝內底的人看,欲予怹會凍看見我日日咧進步,予怹會凍看見我日日咧成長。我欲予阿爸阿母會凍放心,予阿公阿媽來歡喜,予怹知影我已經漸漸咧捌代誌,袂閣是像卡早彼個做代誌懵懵懂懂毋捌世事的查某囡仔,我更加希望怹會凍保持身體健康,食百二長歲壽,怹攏是我上心愛的人。我今仔日的演講著到遮多謝逐家,感謝逐家,勞力。(875字)

原稿----------------

                      黃揆媛 ----------------  我上愛的人

大家攏地問我,我上愛的人到底是誰?我也當地思考,但是很明確的,可以看的出來,那就是我的家人。

 

,大家也有上心愛的人吧!也不知道怎麼回報他們,他們常常在我身邊默默付出,呼我的生活變得五彩繽紛,不懂的功課問他們,不會的事情他們教導我,那有心事就會呷姐姐講,想要煮吃媽媽會教我,東西壞了爸爸幫我修理,台語不會念阿公阿嬤會教我講。

 

生活中尚趣味的地方,就在我們身邊,能成長的那麼快樂,因為有他們陪伴,可以去讀書、學才藝、學跳舞,攏是爸爸呷媽媽載前載下賺錢呼我學習,我可以站在這裡,就是有他們的支持呷鼓勵,等我有能力時,一定不會忘記他們,現在我要更加認真學習,以後長大成人有了成就,第一個要感謝就是他們,換我來照顧他們。

 

我在想,如果我的人生,沒家人給我的溫暖呷鼓勵,說不定我正在哭,會造成我沒信心,不知道要努力,不懂世事,沒飯倘吃、沒衣服倘穿,失去他們我永遠不成功,現在的我要學習獨立,不能事事項項依靠他們,我要成長呼家裡面的人,能看見我的成長,呼爸爸媽媽能够放心,呼阿公阿嬤歡喜,更加希望他們保持身體健康,長命吃百二,他們就是我上心愛的人。(464字)

風颱天------------------------------       撰稿: 黃揆媛100/07/03

                                                             修稿: 陳玉華 100/07/03   

各位評判、來賓逐家好,我今仔日欲演講的題目是:『風颱天』,『風颱天』         

風颱常常是發生佇熱天時,『夏至風颱就出世』,『大暑熱無透,大水風颱到』,這俗諺是提醒做穡人愛特別注意風颱佮水災的來襲(si̍p),以免影響到農作物的收成。

只要新聞氣象局一報導風颱形成囉,風颱警報,『紅雲日出生,勸君莫出行』,著變成逐個民眾討論的焦點,老師佮同學會討論,風颱天也是小朋友上界驚惶的一工。

風颱天對我來講,我細漢的時陣,非常驚嘛非常討厭風颱,阮厝是徛倚佇近山邊,風吹咧唀唀叫非常驚惶,加上陳雷公佮sin2 nann3,彼種閃電陳雷公吹狗螺恐怖的聲音,予我面仔驚甲青恂恂,尤其是造成停電了後,暗時失電厝內無冷氣無電風通吹,熱甲流歸身軀汗,予我無法度通落眠,這時阿母著會提著葵扇,擛風乎我入眠,唯一的好處是會凍kut惦厝內毋免補習、上課,頭殼底放乎鬆鬆鬆,空空空。

頂年仔的莫拉克風颱,彼一擺是上恐怖的一遍,但是阮真幸運,我兜無淹水,看到新聞報導,別的地區,別的所在,攏受到風颱的影響,由其是高雄的小林村,歸個庄頭攏予山崩的土石流埋去,死了真濟人,災情慘重,『風吹斷了線,傢伙去一半』,百姓叫苦連天,『叫天天袂應,叫地地不靈』,有的所在是,歸條道路攏予大水沖斷,沖崩去、歸棟的樓仔厝攏倒落去,人民因為受災而來喪命,新聞一報導,也有真濟英勇的阿兵哥,赤手空拳挖屍體,發揮大愛,咱台灣頂頂下下,愛心賑災募款有錢出錢、有力出力,逐個無分汝我鬥陣做好重建工作,莫拉克水災救援重建行動,予我真感心。如果我若有能力,一定欲佮怹仝款來救災,我生做才細粒籽,毋知我是毋是會凍佮怹仝款,即有氣力即有英勇咧,希望是有氣力來幫讚別人。

莫拉克風颱彼一工,拄好是父親節,予我感覺到十分的生驚,莫拉克88水災是我見過的上大風颱,彼擺風颱真正是,令我印象深刻,做阿爸的怹們,應該攏真失望又閣傷心,因為彼工是爸爸節慶祝的日子,但是想袂到會發生靴大的災情,『欲哮無目屎,欲哭無路來』。

風颱予人產生怖恐驚惶感,風颱的災情損失真令人懊惱,這一年好像也會有四到五個風颱呢!!天氣變化不定,防颱準備真正真重要,人講:「九月颱,無人知」,農曆九月毋是風颱季節,毋過逐家抑是愛有防颱的心理,若準講彼時陣風颱會來,我都會ka7nr阿母鬥做好防颱的準備,窗仔門鎖鎖咧,水空清清咧,閣拜託阿母買寡礁乾糧,一有颱風欲來,我頭一個想到的著是糧食,抑恁呢? 我今仔日的演講著到遮多謝逐家,感謝逐家,勞力。

 

(981字)

原稿    

                     颱風天--------------- 黃揆媛

這件事情通常發生在夏天,只要颱風成形了就會扮成大家的焦點,新聞會報導,老師和同學會討論,也是小朋友最害怕的一天。

 

 

颱風天對我來說,小時候非常害怕和討厭,厝靠近山邊,風吹咧唀唀叫非常驚嚇,加上陳雷公那種恐怖的聲音,讓我臉啊青損損,尤其是造成停電後,暗時厝內沒冷氣或者是電風倘吹,熱呷流汗讓我沒法度睡,媽媽就會拿著搧子,搧風呼我入暝,唯一的好處是可以窩在家裡不用補習、上課,頭殼底放呷空空空。

 

 

有一次莫拉克颱風,那一次是最恐怖的,但是很信運我家沒有淹水,看到別的地區死了好多人,也有很多英勇的人民,因為就災而喪命,如果我有能力一定要和他們一樣,不知道我有沒有他們那種勇氣,而那天又是父親節,讓我感到十分訝異,又是我見過最大的颱風,那次真是令我印象生刻,爸爸們應該都很失望又傷心,因為當天適值得慶祝的日子。

 

 

颱風,讓人產生恐懼感,不懂的人,是最好,還是最壞,真令人懊惱,這一年好像會有四到五個呢!!天氣起伏不定,又多了一個麻煩,防颱準備真的很重要,那時候我都會拜託媽媽買餅乾,一有颱風要來,我第一個想到的就是糧食,你們呢?(422字)

我上愛的人        撰稿 : 何奕儒100/07/03

                             修稿:陳玉華100/07/03

 

      各位評判老師、來賓逐家好,我今日欲演講的題目是:「我上愛的人」,「我上愛的人」

我上愛的人就是我的父母,俗語講:「天下最憨的就是父母」,「天下無不是的父母」。毋管我爸母按怎教示我,我攏會謹記在心,因為怹對囝兒序細所付出是無計較的,只有付出無回收,天下的爸媽攏一樣,怹認為對囝有好的幫助,甘願犧牲自己,嘛攏會盡量予囝滿足。我的父母也是按呢,所以我尚愛的人就是我的阿爸佮阿母。

       自從我出世了後,著因為胃傷淺,又免用奶罐仔吸牛奶;每一擺若到喝牛奶的時間,阮阿母著愛用湯匙一湯匙一湯匙慢慢仔io2,一湯匙一湯匙逗逗仔飼,逗逗仔灌,這時阮阿爸著愛準備一條桌布惦邊仔聽候,阮阿爸準備桌布是欲做啥乜呢?因為我每擺若食了後,著會吐甲滿四界攏是,這條桌布著是欲擦塗跤耶,除了飼奶佮擦塗跤以外,又閣愛注意我有噎tioh無,這著是我的父母辛苦的所在。

       一直到甲我讀幼稚園的時,我的父母發現我的眼睛有問題,著馬上娶我去眼科病院檢查,怹兩人又閣驚醫生檢查了無準,著閣娶我去到別間眼科病院閣做卡詳細的檢查;好哉在,因為怹有閣娶我去到別間病院檢查,原來有一間眼科病院,檢查含別間眼科病院檢查的結果攏無仝,所以我的眼睛無惡化,這著是我的父母對我的照顧佮苦心。

       佇我做毋對的時,我的父母會ka7我教,若是我閣無聽話的時,一直做毋對,這時阮阿爸的面tshiunn著捋起,著請我食竹筍炒肉絲,予我一頓粗飽粗飽,身軀sio2 kua2仔做記號愛我謹記在心。阿母會講: 仙人拍鼓有時錯,跤步踏差啥人無。阮阿爸做黑面阿母做做白面,不而過當我遇到挫折的時,阿爸會甲ka7我安慰鼓勵我,叫我mai2失志,繼續拍拚向前行啥乜攏毋驚,佇叨位跋倒,著愛閣佇跋倒的所在足百倒起來。雖然阮這久抑細漢抑閣少歲,做人處事的道理抑懵懵懂懂,可是我的父母攏會利用機會ka7我教。放假的時,阮阿爸著會娶阮出去四界行行走走咧、踅踅看看咧;毋管是公園抑是博物館、夜市攏有阮身影的存在過,凡行過的所在,必留下痕跡,若是有社團活動,只要方便,我的父母攏會予阮參加。

     雖然到這當陣,我抑真皮真giat又閣愛創治小弟,假使我若佮小弟冤家相搶物件,阿母著講:相讓食有偆,相搶食無份。我的父母對阮的愛從來毋捌減少過,毋管對誰都袂偏心,怹攏會用上公平的方式對待阮,這著是我的父母對阮的用心佮栽培。所以我上愛的人,著是我的父母。

       今嘛我抑細漢,沒法度做啥乜來回報爸母對阮的恩情,阮只有用功讀冊,mai3佮阿兄、小弟冤家量債,聽阮父母的話,著是對父母上友孝的步數囉。                                  我的演講講到遮多謝逐家。 (997字)

 

 

原稿---------------------           何奕儒           我尚愛的人

   我尚愛的人就是我的父母,俗語說:「天下最憨的就是父母」。因為他們對兒女是小的付出是不計較的,認為對他們好的,攏盡量給他們。我的父母也是這樣,所以我尚愛的人就是他們。

    自從我出世後,就因為胃淺,又不要用奶瓶吸牛奶;每一次到喝牛奶的時間,我阿母就要用湯匙一湯匙、一湯匙慢慢餵,我阿爸就要準備一條抹布,是要做什麼呢?因為我會吐的四處都是,這一條抹布就是要擦土地耶,又要注意我有噎住沒,這就是我的父母辛苦的所在。

    一直到我讀幼稚園時,發現我的眼睛有問題,我的父母就馬上帶我去檢查,他們又害怕醫生檢查不準,又帶我去別間醫院檢查;好家在,因為他們有帶我去別間醫院檢查,原來有一間醫院檢查和別人攏不同,所以我的眼睛沒有惡化,這就是我的父母對我的照顧。

    在我做不對時,我的父母會給我教,若是我又不聽話時,一直做不對時,我阿爸就會板起臉孔,請我吃竹筍炒肉絲,給我一頓粗飽。不過在我遇到挫折時,他會嘎我安慰,叫我不要失志,繼續努力,在那裡跌倒,就要從那裡爬起來。雖然我們現在還小,做人處事的道理還不懂,可是我的父母都會利用機會嘎我教。放假時,我阿爸就會帶我們出去四處走走、逛逛;不管是公園或是博物館、夜市攏有我們身影存在過。若是有社團活動,只要方便,我的父母都會給我們參加。

    到現在,雖然我很頑皮又愛跟弟弟吵架,我的父母對我們的愛從來未減少過,不管對誰都不會偏心,用最公平的方式對待我們,這就是我的父母對我們的用心栽培。所以我尚愛的人就是我的父母。

    現在我還細漢,沒法度做什麼事,只有用功讀冊,不要跟阿兄、小弟吵架,聽我的父母的話,最是最孝順。                                   (657字)

風颱天(Hong-thai Thinn)撰稿 : 何奕儒100/07/03

                               修稿:陳玉華100/07/03

 

     各位評判老師、來賓逐家好,我今日欲演講的題目是風颱天。

     夏至風颱就出世,大暑熱無透,大水風颱到,這俗諺是提醒做穡人愛特別注意風颱佮水災的來襲(si̍p),以免影響到農作物的收成。

每一次,若是聽到新聞氣象台報導,又閣有風颱形成,而且有可能影響到台灣,由其是對阮宜蘭地區有直接影響的時,阮阿母著會趕快到市場,準備一大堆的菜,佮停電的時欲用的手電仔火、蠟燭,一寡li-li-khok-khok的物件,suah落來著是ka7水溝仔、排水空清清通通咧,較免風大雨粗的時造成大淹水。這個時陣不知天地的我、卻是上歡喜的,因為我又閣加一工假通好歇。

     tng當外面的風雨,著像用倒eh仝款的時,窗門外的風呼呼叫,耳空邊又閣傳來png2piang2叫的聲音,就親像虎姑婆大喙開開,欲來掠無聽話的囡仔仝一款,予我心驚膽hiann2,趕緊走對阮父母的身邊藏起來。

若是拄著停電的時,整間厝攏暗so-so,阮阿爸著會ka7手電仔火佮蠟燭拿出來點,阮三兄弟著開始用影子做各種動物來耍,完全無管外面的災情啥款。這個時陣,若是聽到救護車佮消防車,喔咿~喔咿~的聲,著予人心肝蹦蹦跳,毋知影是啥乜所在,又閣發生車禍,抑是有人用蠟燭無細貳火燒厝,真正是無細字。

    一直到甲風雨漸漸小,風颱也漸漸離開,逐家出來外口巡巡看看咧,一四界攏是予風颱拍斷的樹枝佮掃落的樹葉仔,抑有無知對叨位飛來的帆布佮招牌、花khann,好哉在遮雜物攏無摃著人,難怪阮阿母攏ka7阮講,風颱來的時毋通四界亂蹤亂走,較袂危險。

    當風颱過境了後,阿母攏會拍開電視機看,看新聞氣象的報導各地,予風颱颱過的災情。像頂兩年的莫拉克風颱,就造成50年來最嚴重的災情,看到南投的盧山溫泉,溪水整個沖落去,歸條道路攏崩去、歸棟的樓仔厝攏倒落去,『風吹斷了線,傢伙去一半』,予人看著風颱大水的恐怖。無外久,又閣聽著高雄的小林村,一時仔久,歸個庄頭攏被山崩的土石流埋去,『滾水潑老鼠』,死傷慘重,二、三百人的性命就無去,經過真久的一段時間抑是無法度通挖,天災地變的殘酷,想著心肝真疼眼淚攏滴落來,我袂凍閣像較早,彼種歡喜風颱歇假的心態,我應該愛珍惜現有的物,現有的情。

     人講:「九月颱,無人知」,農曆九月毋是風颱季節,毋過逐家抑是愛有防颱的心理,雖然講風颱來的時,會帶來真濟的雨水,造形真濟的危險,毋過也因為雨水厚,才袂欠水,只要咱做好預防措施,佇風颱的季節,隨時注意風颱警報;佇風颱來的時,毋通去海邊佮水邊耍水、也毋通去爬山,按呢著袂造成危險,所以提醒逐家抑是要有危機意識,將風颱可能造成的傷害降到上低。」 我的演講講到遮多謝逐家。(1004字)

原稿  

 風颱天

    各位評審、老師和來賓大家好,我今日要演講的題目是風颱天、風颱天。

    每一次,若是聽到新聞報導又有風颱形成,而且有可能對我們有影響時,我阿母就會趕快到菜市場準備一大堆菜和停電時要用的手電筒和蠟燭,接下來就是把水溝、排水坑清清咧,以免雨大時造成淹水。這時候的我卻是最歡喜的,因為我又多了一天假可以放。

    當外面的雨就像用倒的一樣時,窗戶外的風呼-呼-的響,耳邊又傳來碰-碰-的聲音,就親像虎姑婆要來捉不聽話的孩子一樣,讓我心驚慌,趕緊走去我父母的身邊藏。

    當風颱來時,我阿母攏會把電視機打開聽新聞氣象的報導,看各地的災情是怎麼樣。像前兩年的莫拉克風颱,就造成50年來最嚴重的災情,看到南投的盧山溫泉,溪水整個沖過去,整條馬路都崩去、樓房整棟倒下去,讓人看到大水的恐怖。沒多久,又聽到高雄的小林村被山崩的土石流一下子都淹去,二、三百人的性命就沒去,到現在也沒法子挖,想著眼淚快要滴落下來。

    若是停電時,整間厝攏暗suo suo,我阿爸就會把手電筒和蠟燭拿出來,我們三兄弟就開始用影子做各種動物來玩,完全不管外面的情勢是甚麼。這時陣,若是聽到救護車和消防車的喔咿-喔咿-聲,就讓人心肝蹦蹦跳,不知道是什麼所在又發生車禍或是有人用蠟燭不小心火燒厝,真正是不細字。

    一直到風雨漸漸小,風颱也漸漸離開,大家出來外面巡巡、看看;一四處都是折斷的樹枝和樹葉,還有不知從那裡飛來的帆布和招牌,幸好沒有砸到人,難怪我阿母攏告訴我們風颱來時,不要四處亂跑,以免危險。

    最後要嘎大家講:「風颱來時,會帶來很多的雨水,雖然會造形很多的危險,不過也因為雨水多,才不欠水,只要我們做好預防措施,在風颱的季節時,隨時注意風颱警報;在風颱來時,不通去海邊和水邊玩水、也不通去爬山,這樣就不會造形危險。」(716字)


上快樂的代誌(Siōng Khuài-lo̍k ê Tāi-tsì)       撰稿 : 何奕儒100/07/03

                            修稿:陳玉華100/07/0

 

      各位評判老師、來賓逐家好,我今日欲演講的題目是上快樂的代誌,上快樂的代誌。

每一擺,若到學校的上尾擺考試的時,著是我跋入地獄的時陣。毋過,紲落來也是我尚期待又閣上快樂的時間,he著是放寒假、放暑假的時,這個時陣的我,著親像對土跤底的地獄,足百上天堂,歡喜到,獅尾夯半天懸,予我更加快樂。恁是毋是知影為啥乜,放寒、暑假的時間是天堂呢?各位看官,逐家詳細聽我講來,恁著會知影我的幸福,又閣快樂的滋味是啥乜?

      因為歇假的時,我的父母攏會娶阮一四界遊山玩水,抑是替我安排各種無仝的活動,像參加宜蘭國中的數學魔術營,老師會教阮利用數學的原理,做真濟迫迌物仔來耍,阮爸母又閣會娶阮去發電廠北部展示區,瞭解核能發電的原理,紲落來閣去野柳地質公園,看大自然的鬼斧神工,佮滴水穿石的厲害。原來咱的生活四周圍攏和數學、物理有相關,毋是甘那佇課本上的數字而已。真正是貓鼠毋洗身軀-趣味。

若是佇咧學扯鈴的時,雖然定定失敗,毋過佇我完成一個技巧時,我著佇關老爺面前弄大刀,

真囂俳真嗅屁ka7我的父母展。阿爸講:汝哦,臭彈,免納稅。破雨傘──興展。阿母講:家己褒才

袂臭tsho。學籃球的時,教練會一個步數一個步數逗逗仔ka7我教,當我佇投球的時,我著ka7家己當

作是拍籃球高手櫻木花道仝款厲害。學直排輪的時,我上愛佮風做比賽,這時陣的我著親像三太子爺

李哪吒跤踏風火輪,咻~~直直溜。

      不只是按呢,佇宜蘭佮台北的風景區、博物館也攏有我的身影。尤其是特殊的展覽,更加是毋免講。給我印象最深的是,青康藏的絲路之展中的樓蘭美女,伊的頭髮、身軀,甚至是指甲攏保留甲真完整。

      過年時,我的父母佇二九暗,會娶阮去參加跨年活動,毋管是傳統的民俗表演抑是魔術表演,我攏會目睭金金看,看到神神神。毋過,最予人期待的是逐家倒數時間,五花十色的煙火施放的時,我著會凍領到有紀念性的生相紅包。這嘛是我最快樂的代誌。

      tng當別人擺佇補習班渡過每一工的時,我卻是參加各種無仝的活動,學著課本內和學校內,攏無教的物件,用遊戲的方式學習著無仝的知識,這著是我最快樂的代誌,也是最幸福的日子。

                                              我的演講講到遮多謝逐家。(854字)

原稿     

             

何奕儒             尚快樂的代誌

    各位評判、老師和來賓大家好,我今日要演講的題目是尚快樂的代誌,尚快樂的代誌。

    每一次,到學校的期末考試時,攏是我跌入地獄的時陣。不過,接下來也是我尚期待又快樂的時間-那就是放寒、放熱時,這時陣的我親像從地獄爬上去天堂,讓我更加快樂。你們是否知道為什麼放寒、放熱的時間是天堂呢?各位看官,大家仔細聽我講,你們就會知道幸福又快樂的滋味是什麼。

    因為,我的父母攏會替我安排各種不同的活動,像宜蘭國中的數學魔術營,老師會教我們利用數學的原理做很多玩具,又帶我們去發電廠北部展示區,瞭解核能發電的原理,接下來又去野柳地質公園看大自然的鬼斧神工和滴水穿石的厲害。原來咱的生活四周圍攏和數學、物理有息息相關,不是只有在課本上的數字而已。真正是貓鼠不洗身軀-趣味。

    若是在學扯鈴時,雖然常常失敗,不過在我完成一個技巧時,我都會向我的父母炫耀。學籃球時,教練會一個步驟一個步驟教,當我在投球時,我就把自己當作是櫻木花道一樣厲害。學直排輪時,我最愛和風比賽,這時陣的我就親像李哪吒騎風火輪。

    不只這樣,在宜蘭和台北的風景區和博物館也都有我的身影。尤其是特殊的展覽,更加是不用講。給我印象最深的是青康藏的絲路之展中的樓蘭美女,她的頭髮、身軀,甚至是指甲都保留的很完整。

    來到過年時,我的父母在二九晚時會帶我們去參加跨年活動,不管是傳統的民俗表演或是魔術表演,我都會看到目瞪口呆。不過,最讓人期待的是大家的倒數時間,五花十色的煙火施放時,我就可以領到有紀念性的生肖紅包。這嘛是我最快樂的代誌。

    當別人都在補習班渡過每一天時,我卻是參加各種不同的活動,學著課本內和學校攏不教的東西,用遊戲的方式學習著不同的知識,這就是我最快樂的代誌,也是最幸福的日子。

    我的演講講到這,多謝大家。                                           (720字)


百姓安居閣樂業      國家建設有經費    撰稿:陳玉華

宜蘭縣政府地方稅務局     國中、小學生認識租稅說唱比賽       第5名: 何奕儒             (礁溪國小)

各位評審、各位來賓逐家好:我今仔日欲演講的題目是『國家建設有經費,百姓安居閣樂業』,『國家建設有經費,百姓安居閣樂業』。

納稅是國民應盡兮義務。逐家應該遵守法律,照起工來繳稅。咱的政府佇每年度的五月份,攏會對食頭路儂,置茲一年度內,所賺的薪水內底,抽一點仔錢作為國家的稅金,做為協助國家建設的經費。

政府置每年度,攏會利用咱納稅兮收入,用佇咱的國防、外交、教育、衛生、經濟建設佮社會福利等等------,等於講,用佇咱每一個國民兮身上。卡輸若有儂毋納稅,政府著無錢通好鋪橋造路、建設學校,國家就會衰退。建設公共設施,需要一筆足大足大的經費,抑遮經費若干礁靠咱的政府來支出,是無夠看的,大多數的經費,攏嘛是靠咱遮老實的老百姓,所繳的所得稅、房屋稅、地價稅,牌照稅,營業稅等等。

像頂年台灣莫拉克颱風88水災,是自然界必然發生的事情。造成50年來最嚴重的水患,台灣上百座橋梁斷裂,山崩地裂,造成土石流,『風吹斷了線,傢伙﹙財產﹚去了一半。『滾水潑老鼠死傷慘重,百姓叫苦連天,咱政府派出國軍,救災佮重建,赤手空拳挖屍體,發揮大愛,咱台灣頂頂下下的人,愛心賑災募款,有錢唉出錢、有力唉出力,全數的錢款,攏用置災民重建的工作,為了台灣國家建設好,咱老百姓盡一份心力,全國百姓一條心,做伙救台灣 ,共同來創作未來。0年來最嚴重的水患

     茲久咱攏知影,政府所收的稅,攏是『取之於民,用之於民』,所以咱更加需要盡這份義務,儂儂依照法定來納稅。國家即有資金通好建設,為百姓謀福利,每一個人攏守法納稅。按呢,咱的國家社會才會進步、繁華,人民的生活水準,嘛才會提昇。

  我茲故是一個小學生,毋免納稅,無閣置學校、電視台攏有咧做宣傳,我嘛欲唯細漢開始,來養成納稅的觀念,若是去超級市場買物件,我著欲養成拿發票兮習慣,提發票毋旦會凍防止廠商逃稅,保障消費者權益,而且閣會凍中獎金哦!『一兼二顧,摸蜆仔兼洗褲』。我欲共逐家講,老老實實納稅金才是好國民。毋通勿會記得。我的演講,講到遮多謝逐家。

台語蓋趣味            撰稿:黃揆媛 99/03/02

                                                                  修稿:陳玉華99/03/02

 

各位評判、來賓逐家好,我欲演講的題目是:『台語蓋趣味』。

台語課的時,老師攏叫阮『身軀坐正正才會得人庝』,我有坐正正認真聽。但是我若像『鴨仔聽雷聽攏無』。阮阿母是外省囡仔,阿爸顧賺錢攏無陪阮講台語,我著無法度陪阿公阿媽開講,真可惜。我讀小學三年的時,阮導師派我參加台語訓練班,學台語通好對外台語演講比賽。所以我著利用睏眠的時間,走去練台語演講,阮台語老師有講過,只要有心學自然著學會。

頂暫仔阮導師講欲撿一個查埔學生,佮一個查某女生,看啥較爻念台語,我竟然輸給彼位同學,我真毋願,後擺比賽一定欲贏伊。過了一暫仔,導師又閣講我念的有懸有低,阮兩個是平手!而且阮班的同學,抑會教導師念台語。今嘛的少年囡仔,攏無咧講台語,所以我放學轉去,攏會教阿母念台語,伊有時也會問我茲句欲按怎講,阮阿母的台語能力,今嘛佮我差不多矣!

有真濟人感覺講台語真困難,閣粗俗ㄙㄨㄥ壁壁。若是有彼種觀念的人攏錯了!學台語其實真簡單,若像『貓鼠無洗身軀-----趣味』。台語有七音八調,只要慣勢講,『捷講喙會順,捷做手袂鈍』,愈講愈順口,『做人著認真,做事著頂真免外久汝著會曉講會曉寫,到時佮我仝款,有機會來參加台語演講比賽,抑是教爸母講台語,煩勢未來嘛是一位真出名的台語老師,抑是台語評審委員呢!

我學會曉講台語,佮阿公阿媽較有話講,我會曉講台語,攏是阿媽佮台語老師的功勞,我會凍店遮參加台語演講比賽,攏是受怹的教導,怹予我了解講台語蓋趣味、蓋心適、蓋文雅、蓋高尚。怹共我講,台灣俗諺語、佮歇後語攏是教導世間人,做人處事的要領。假使將來有機會,我欲做一位台語老師,抑是一位台語評審委員。我的演講到遮多謝逐家。681字)