宜蘭縣教育支援平台 會員登入 會員註冊 我的i教書

« 上一篇 | 下一篇 »

 
 
 

莊文龍台語詩韻表

按下載→ 龍台語韻典1.pdf

費盡苦心十年工,

免錢寫詩真輕鬆,

自用好勢通送人,

推廣請恁鬥幫忙!

蘭陽相褒表演團 莊文龍 版權所有

歡迎免錢自行下載、列印多多使用!

歡迎助印:工本費50 箍 隨緣贊助
 
莊文龍 礁溪郵局帳號
0111149-0417191

Email:
Win3798@gmail.com

連絡手機:0911217668

龍韻表2006/11/17
22:33 完工
11/24 10:48修訂
歡喜相褒學台語---教學網站
http://blog.ilc.edu.tw/
blog/blog/3860

 

 

相褒歌曲臺灣寶,
出喙成歌來相褒,
欲揣這款世界無,
逐家來學真正好。
現代褒歌真時行,
唱出你我的心聲,
認真打拚做好囝,
疼惜臺灣同齊行。
蘭陽相褒表演團,
創新變化欲流傳,
需要逐家來運轉,
予咱流行通臺灣。
講著褒歌人人愛,
巧妙七字好安排,
唱出你我的氣慨,
心聲講出通人知。
台灣的人真善良,
生做好看好面容,
腹腸真闊有肚量,
人人親像一尾龍。
欲予台灣閣較好,
請恁綴阮按呢做,
好空逐家鬥相報,
將咱的愛來傳播。
關心社區齊振動,
服務他人毋輸人,
愛心付出鬥相
出錢出力來幫忙。
科技時代欲創新,
腦筋靈活行動緊,
提昇能力愛認真,
若想成功著愛勤。
逐家趕緊做伙來,
爭取冠軍提金牌,
提到頭名人人愛,
逐家歡喜笑咍咍。
台語芬芳好氣味,
運用奇巧激腦智,
轉化美麗媠sui2歌詩,
傳唱千年佮萬年。

 

 

 

台灣的人真善良,
生做好看好面容,
腹腸真闊有肚量,
人人親像一尾龍。
台灣團結氣力強,
欲好欲歹靠大眾,
為咱國家來盡忠,
鬥陣打拚向前衝。
愛靠地方佮中央,
資源逐家公家用,
好好來講莫相傷,
互相相伨相褒獎。
好的建議著聽從,
若有缺點小原諒,
好的物件同分享,
分工合作鬥參詳。
眾人意見定尊重,
建設言論齊呼籲,
經濟發展逐家暢,
逐家講咱真正勇。
仝款所在佇成長,
人有百款百百種,
毋通分化共中傷,
同胞相害受災殃。
咱有智慧有思想,
互相鼓勵互欣賞,
維護台灣好形象,
建設台灣若仙宮。
蓬萊仙島太平洋,
中原中國在大陸,
本是同根相接續,
飄洋過海姑不將。
落地生根是正常,
分分合合愛包容,
歹面相看相對相,
互相相害變自傷。
飛彈威脅相對向,
SARS危害會滾躘,
逼使台灣重思想,
跤步在踏著思量。
跤踏雙船愛斟酌,
互不侵犯訂條約,
未來希望靠教育,
雙贏兩利求吉祥。
共存共榮加接觸,
互助發展真興隆,
世界和平有作用,
歷史留名作英雄。
疼惜台灣好所在,
好山好水逐家愛,
徛踮世界的舞台,
展出你我好氣慨。
有夢上媠來圓夢,
希望相隨有向望,
關心台灣齊振動,
做著正港台灣人。




創用授權(CC)-姓名標示-非商業性-相同方式分享 2.5 台灣版
 
 
用LINE傳送

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)