宜蘭縣教育支援平台 會員登入 會員註冊 我的i教書

« 上一篇 | 下一篇 »

~~胡非糝做~~
目睭擘金行動緊,台語社友蓋認真,
懲處亂紀昭公信,公平正義有精神。

昨昏,我佇台中市。全國語文競賽(臺語國小學生組)轉播室,評審講評兮時間,我聽著規厝間兮笑聲。照我兮判斷,應該是逐家老師、家長,對評審講評的內容感覺真趣味!高貴兮評審大人用予我聽無啥有兮臺語來講評。臺語的文化太深囉,凡勢…除了我所知影兮…泉、漳、廈門以外,猶擱有我所毋捌兮腔口。伊彼款特殊兮腔口真正無仝款,聽起來毋是普通兮食力!路尾…伊也真好心,歸氣講寡"華語"『然後…』喔!這戇兮我,到今才知…原來…評審大人伊臺語講袂輾轉啦!lâng伊講了真有道理:入聲字愛注意(雖然,伊攏講袂好勢)。合唇音愛會記得喙愛合。(啊!歹勢,我綴逐家顧咧笑,煞無注意聽看妳家己敢有合好勢)評審講一項代誌尚實在:逐个囡仔攏是第一名!評審大人…若和【祢】比,我實在揣袂出會當排佇【祢】後壁兮囡仔,逐家攏講了,比【祢】較好、較標準呢!請問…【祢】敢會…走了毋著間教室做評審?我知影,我和我兮囡仔攏猶有不足和進步兮空間,想袂到全國賽兮評審大人,會當進步兮空間,竟然是如此曠闊,實在是令我眼界為之大開,故著文一篇,以示感謝之意!

· · · 取消追蹤 · 12月2日 11:41