宜蘭縣教育支援平台 會員登入 會員註冊 我的i教書

« 上一篇 | 下一篇 »

林阿溥唱/吳施美雲唱

⋯⋯ 1.水錦開花白猜猜,月桃開花頕落來,
招我相褒我上愛,早起無食專工來。
水錦開花白泱泱,杜筆仔開花滿山坪,
佮哥相褒愛有影,毋通予我落空行。

2.手攑鋤頭巡田水,巡到小妹大竹圍,
看著我娘十分媠,兩人相好分袂開。
手攑鋤頭欲掘岸,愛欲日頭緊落山,
轉來佮君通作伴,兩个相好仝心肝。

3.挽茶查某上艱苦,面肉白白曝甲烏,
跤骿曝日面向土,天光挽甲透暗烏。
挽茶一字毋通學,吹風曝日變老婆,
轉來想欲佮君好,毋通變心看咱無。

4.雙跤踏到戶橂外,來到山頂愛唱歌,
朋友姐妹莫笑我,毋是唱歌欲虛華。
茶仔那挽那晡枝,阿娘那老那退時,
欲是早前二一二,欲唸歌仔免停時。

5.紅菜開花紅和和,樹梅開花人看無,
阮今歌仔若唱好,吩咐逐家來thitㄊㄧˋㄉ迌。
我今唸歌欲捻斷,歌仔屎無愛拖遐長,
聽我唸歌欲來轉,轉去逐家買田佮蓄園。

2011/12/7莊文龍整理編輯



 
 
 
用LINE傳送

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)