宜蘭縣教育支援平台 會員登入 會員註冊 我的i教書

« 上一篇 | 下一篇 »

此文章由系統產生,用來作為參加宜蘭縣 2010 教網部落格大賽個人組入選隊伍,請勿刪除。並且請以編輯文章方式來變更本篇文章標題、內容與相關設定。

宜蘭縣員山鄉是歌仔戲的故鄉,歌仔戲是咱台灣的國寶。七字仔的相褒歌謠,這會當講是台灣世界級的寶貝,出喙成歌、每句押韻的四句聯仔、應對現場的情景,現場編歌,即時回應、是難度足懸的對唱方式。伊更加是本地歌仔、歌仔戲的前身。取材生活化,兼顧趣味性!

    七字仔是相當簡捷精練的文字,經由簡單語詞替換訓練,會予囡仔閣較精光、聰明。也因為每句押韻,真好背、記,相關語詞,仝韻連繫,觸類旁通、舉一反三、融會貫通,運用生活化、趣味化、實用的白話七字仔,套歌嘛予學生仔印象閣較深,記智閣較好。尤其會使透過傳統歌仔戲優美的曲調的吟唱、欣賞佮運用!予台灣的國寶-傳統的歌仔戲,會當繼續流傳。只要曲調適合,攏會用得套用,並且配合囡仔歌、現代的流行歌曲、傳統歌謠、藝術歌曲、各國的歌仔調、貝多芬等世界名曲的吟唱方式、參用RAP 的唸法,足濟款,新奇變化的表現,毋但發揮推行歌仔戲的效益,進一步提昇台語的運用成效!

    一項文化欲發揚光大,必須對細漢開始,積極培養,一步一跤印,實驗研究,傳承創新。寄望全校親、師、生,也會當經由認識歌仔戲的精髓,透過輕鬆學習台語來提昇效益,予本土文化生湠發展!希望逐家共同來推動,予伊變成台灣之光,予台灣文學釘根學校、深耕社區、行向世界!建立台灣人對本土文化的信心,佇台灣徛起,展望世界,創作欣賞逐家來,希望轟動全世界!

   

台語芬芳好氣味,巧妙運用激腦智,

轉化美麗歌詩,傳唱千年佮萬年。

                        莊文龍  敬上

 

宜蘭相褒歌

宜蘭地區古早傳唱的歌謠,

相(ㄒㄧㄛ),是互相的意思。

褒(ㄅㄛ),是褒獎、呵咾的意思。

 

詞目 相褒歌
音讀 sio-po-kua 
釋義 以前臺灣人在日常生活或工作場合,互相酬唱應和的民間歌謠。歌詞為七字一句,四句一段,常逐句押韻,內容多表現男女之間相互歡愛的情緒。
近義詞 褒歌

 

 

詞目 褒歌
音讀 po-kua 
釋義 流行於閩南及臺灣的一種說唱類民歌,內容多半是男女相互諧謔的情話,歌詞大部分是七字一句,四句一段,亦屬「七字仔歌」(tshit-jī-á kua)。
近義詞 相褒歌
 

 


1.  礁溪出名關帝君,海口出有火薰船,
佮恁一人蹛一崙,為著來遮才仝群。游阿謹褒
 
2.  礁溪出名帝君廟,宜蘭有溪佮造橋,
朋友感情就寶惜,雙手捧金滿廟燒。游阿謹褒

	
	
	
	
	
	

 
 
3.  礁溪出名帝君廟,柴城有溪佮造橋,
趁有錢銀就寶惜,雙手捧金滿廟燒。黃陳採褒
 
4.  礁溪出名關帝君,海口出有火薰船,
佮恁一人蹛一崙,今日來遮才仝群。陸貴香褒

 
詞目 火薰
音讀 hué-hun/hé-hun 
釋義 煙塵。火燃燒後所產生的煙。
異用字 火熏、火煙















 

詞目 部首:足 157-11-18
音讀 tuà 
釋義 1.居住。例:你蹛佗位?Lí tuà tó-uī? (你住在哪裡?) 
2.在。表示位置。例:物件囥蹛桌頂就好。Mi̍h-kiānn khǹg tuà toh-tíng tō hó. (東西放在桌上就好。) 
3.過夜。例:蹛飯店 tuà pn̄g-tiàm(在飯店過夜)。
4.任職。例:我蹛這間公司五年矣。Guá tuà tsit king kong-si gōo nî--ah. (我任職於這家公司五年了。) 
異用字 帶、滯

 

 

詞目 山崙
音讀 suann-lūn 
釋義 指地勢較一般平原為高的小山丘。
近義詞 崙仔

 




創用授權(CC)-姓名標示-非商業性-相同方式分享 2.5 台灣版
 
 
用LINE傳送

  1. 莊文龍 Re: 宜蘭相褒歌

    感謝!
    您喜歡在地的相褒歌,

    您的好意我心領了!
    希望有時間多呈現它的好!

    [回覆] 莊文龍 迴響於 22 十月, 2010 11:12

  2. 阿翔 Re: 宜蘭相褒歌

    好喜歡這種充滿在地味道的互動

    [回覆] 阿翔 迴響於 22 十月, 2010 09:49

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)