宜蘭縣教育支援平台 會員登入 會員註冊 我的i教書

« 上一篇 | 下一篇 »

台語講義   莊文龍 編
1.笑微微
透早起來真歡喜,看著逐家笑微微,
逐工讀冊真趣味,予咱健康食百二。
2.樂學
上愛日出天漸光,歡喜踏入學校門,
學著智識頭腦轉,快樂學習佇校園。
3.尊師
老師緣投人緣好,教冊厲害人呵咾,
學校規矩教得好,學生健康閣活寶。
其餘歌詞參考FB留言

台語講義 莊文龍 編
1.笑微微
透早起來真歡喜,看著逐家笑微微,
逐工讀冊真趣味,予咱健康食百二。
2.樂學
上愛日出天漸光,歡喜踏入學校門,
學著智識頭腦轉,快樂學習佇校園。
3.尊師
老師緣投人緣好,教冊厲害人呵咾,
學校規矩教得好,學生健康閣活寶。
4.學透透
現代學生真正gau5,多元學習學透透,
人活到老學到老,毋通枉費少年頭。
5.相褒
相褒歌曲台灣寶,出喙成歌來相褒,
逐家來學真正好,欲揣這款世界無。
6.做好囝
現代褒歌真時行,唱出你我的心聲,
認真拍拚做好囝,疼惜台灣同齊行。
7.美麗島
台灣風景真正好,四界真
sui2好thit迌,
熱情通人攏呵咾,攏講台灣美麗島。
8.愛台灣
疼惜台灣好所在,好山好水逐家愛,
徛踮世界的舞台,展出你我好氣慨。
9.歌詩
台語芬芳好氣味,轉化美麗媠歌詩,
巧妙運用激腦智,傳唱千年佮萬年。
10.團結
你我有緣閣有心,互相學習感情深,
團結合作負責任,日後成功歌詩吟。
11.惜時
珍惜光陰愛惜時,時間親像若金錢,
小無注意飛過去,反悔袂當倒轉去。
12.生命
咱的生命真寶貴,千萬毋通想袂開,
重新拍拚靠智慧,彩色人生有夠媠。
13.人生路
人生的路真開闊,按怎來過較快活,
整好精神頭鬃捋,相準目標跤步伐。
14.乖囡仔
宜蘭囡仔有夠巧,逐項代誌攏會曉,
拍球畫圖舞gau5跳,寫字真媠不得了。
15. 改過
看清家己的缺點,盡量改進愛顧謙,
誠心誠意來道歉,知錯能改人袂嫌。
16. 講好話
闔家平安真順序,健康快樂食百二,
學業進步笑微微,事業發展趁大錢。
17. 緊行動
跤踏實地緊行動,知影隨做才應當,
積沙成塔愛用功,樂觀奮鬥萬事通。
18. 顧社區
關心社區齊振動,服務他人毋輸人,
愛心付出鬥相共,出錢出力來幫忙。
19. 創新
科技時代重創新,腦筋靈活行動緊,
提昇能力上認真,若欲成功著愛勤。
20.鬥相報
欲予台灣閣較好,請恁綴我按呢做,
好空逐家鬥相報,將咱的愛來傳播。
21.台灣人
台灣的人誠善良,生做好看好面容,
腹腸真闊有肚量,人人親像一尾龍。
莊文龍 編
22.學台語
學生朋友學台語,大聲開喙上歡喜,
會曉讀冊唸歌詩,這款快樂無地比。
23.勤讀冊
算計畫勤讀冊,
命認真莫留白,
久體會寶貝提,
中好空在你踅。
24. 有禮貌
做人謙虛有禮貌,看人就笑愛頕頭,
朋友弟兄好慷交,金銀財寶到咱兜。
25.守規矩
上課做人守規矩,跤手緊快聽教示,
訓練家己好腦智,創新應變得先機。
26. 愛清氣
穿插好看愛清氣,指甲捷修照順序,
身軀定洗真四序,環境清幽樂安居。
27.公德
行善積德無所求,公共道德好理由,
知足常樂免憂愁,貢獻社會有成就。
28. 友愛
你我攏是好朋友,鬥陣讀冊手牽手,
做伙運動佮拍球,好聽的歌同齊唱。
29. 尊重
互相尊重佮支持,遵守規矩聽教示,
注意公平愛講理,乖巧聰明捌代誌。
30. 守法
駛車守法愛小心,互相相讓著愛忍,
燒酒千萬毋通啉,若無一定會相唚。
31.負責
我是負責好學生,上課袂吵蓋安靜,
專心用功上正經,考試攏考第一等。
32. 孝順
身體健康食百二,萬事如意真歡喜,
逐工快樂笑嘻嘻,我會永遠有孝你。
33. 好學生
龍潭(力行)學生真正好,讀冊認真人呵咾,
上課規矩通人褒,健康可愛閣活寶。
34. 老實
台灣的人上蓋好,認真骨力拍拚做,
古意老實真可靠,樸實勤儉袂駱駝。
35.向上心
逐家趕緊做伙來,爭取冠軍提金牌,
提著頭名人人愛,眾人歡喜笑咍咍。
36.勇敢
拄著問題愛開喙,請人幫贊想較開,
勇敢拍拚靠智慧,咱一世人袂枉費。
37. 立志
若欲成功愛立志,跤踏實地有志氣,
計畫周全用計智,堅心完成心若鐵。
38.惜福
感恩愛物閣惜福,互相疼惜袂孤獨,
好的相傳莫作惡,將心比心真快樂。
39. 專心
專心聽課真輕鬆,一心兩用雙頭空,
拍拚讀冊有希望,實現理想來圓夢。
40. 原諒
仙人拍鼓有時錯,跤步踏差啥人無,
人非聖賢誰無過,當作修行莫煩惱。
41. 讀冊
講著讀冊真趣味,一二三四A B C,
ㄅㄆㄇㄈDoReMi,鹹汫苦澀酸甘甜。
42. 美麗人生
美麗人生愛有夢,孤會曉講攏毋動,
繁華美夢總是空,免想艱難像山崩。

gau5




 
 
 
用LINE傳送

  1. 莊文龍 Re: 每週一歌

    24.語詞替換謙虛:龍潭二愛聽話、真好、好禮、規矩、真乖、真巧、真gau5、好耍、

    [回覆] 莊文龍 迴響於 12 五月, 2015 09:58

  2. 莊文龍 Re: 每週一歌

    台語講義 莊文龍 編
    1.笑微微
    透早起來真歡喜,看著逐家笑微微,
    逐工讀冊真趣味,予咱健康食百二。
    2.樂學
    上愛日出天漸光,歡喜踏入學校門,
    學著智識頭腦轉,快樂學習佇校園。
    3.尊師
    老師緣投人緣好,教冊厲害人呵咾,
    學校規矩教得好,學生健康閣活寶。
    4.學透透
    現代學生真正

    [回覆] 莊文龍 迴響於 26 三月, 2013 08:02

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)