宜蘭縣教育支援平台 會員登入 會員註冊 我的i教書

« 上一篇 | 下一篇 »

感恩的必要             2009/6/21主日講章

哥林多前書1:1-9   40373、因你與我同行   啟應文38

 

1      對上帝的旨意,受召做耶穌基督的使徒保羅,及兄弟所提尼,

2      批寄互上帝的教會佇哥林多的,就是佇基督耶穌成聖、受召做聖徒,以及見若逐所在求叫咱的主耶穌基督的名的。主是的,也是咱的。

3      願恁對咱的父上帝及主耶穌基督得著恩典、平安

4      我常常替恁感謝我的上帝,是為著上帝的恩典佇耶穌基督曾賞賜恁的;

5      因為恁惦佇伊逐項代誌富足,口才、智識無呣齊備

6      親像基督的干證,得著堅固佇恁的中間,

7      致到恁佇諸個恩賜無一項無夠額,來聽候咱的主耶穌基督的顯現。

8      伊也欲堅固恁到路尾,佇咱的主耶穌基督的日無通嫌

9      上帝是信實,恁對伊受召,來及伊的子──咱的主耶穌基督結聯

 

    每一個基督徒攏有一個職分,一個使命,減採一寡人的角色受人注目,但是對佇上帝的教會及全世界的計畫,每一個人攏是重要的。每一個基督徒聚集的所在,攏是上帝教會的一部分。現今用地方的名稱去稱呼教會,用宗派的名稱去稱呼教會,互咱彼此陷落山頭分裂狀態。

 

    基督徒藉著耶穌基督的獻祭,這個特別的途徑成聖歸屬佇上帝。如果一個人他是被分別出來,作上帝所有,作上帝所用,那按呢他佇品德上及生活上得要表明他是合佇上帝所用的人。猶太人描寫因是聖潔的百姓,及其他人民佇完全不同的國度。那種不同的表現不是欲逃避日常的生活,乃是將家己的恩賜運用佇上帝的事工,只要你知樣主的呼召,你就愛盡心盡力去完成伊。

 

    個別的邀請會互被邀請的對象感覺被重視及受歡迎。咱攏是“受召作聖徒”的,上帝個別邀請咱成做伊永遠國度的百姓。上帝的獨生子耶穌基督是唯一會凍帶領咱進入此個榮耀國度的,因為只有伊會凍除去咱的罪。接受上帝的子兒耶穌基督,並且相信伊佇十字架頂成就的救恩,這就是接受上帝的邀請。

 

    受召進入基督的團體,超越咱生活的小圈仔,對咱有極大的好處,就是佇逐所在求叫耶穌的名者,基督是因的主,也是咱的主。眾人攏會使作夥分享耶穌基督完全的愛。咱攏知影一個接受基督的人,伊會經歷到一件擱一件的奇事發生。咱無法度用辯論的方法互人相信,只會凍對伊講:試看麥,你就會看見代誌發生。

 

    恩典、平安佇世間厄找,佇基督內底隨時伸手通得,你得到啊嗎?恩典就是上帝佇基督內底白白賞賜互咱的救恩,領受恩典就帶來平安。佇一個吵鬧、混亂、充滿壓力的社會中,人卓想欲得著平安。但是真多人認為平安是無法度找著,就放棄搜尋。平安毋是勿遇到代誌,是指通過相信耶穌基督,咱佇靈性上有真實的平安,整個人生變得豐盛

 

    當咱欲糾正別人的錯誤的時,若是先肯定上帝為伊所成就的事,就會更加有效。哥林多教會既然逐項代誌富足,口才、智識無呣齊備,就應該顯出基督徒的生命,對抗異端及世俗的敗壞。這也是之所以要感恩的理由,咱有口才傳講真理,有智識明白真理

 

    但是因只顧著爭論啥米是最大的恩賜,卻沒好好運用這些恩賜。信仰上所講的恩賜,毋是人力所會凍得到,也毋是伊配受的,是上帝白白互人的。佇保羅來看,第一方面就是救恩;第二方面是特別的裝備

 

    保羅向哥林多教會的信徒保證,當基督擱來的時,因會凍佇上帝面前“毋通嫌”。這並不是倚靠家己的成就或是出色的表現,乃是因為耶穌基督已經為因死去及復活。凡若信主耶穌的人,當耶穌擱來的時攏被當作“毋通嫌”的。卡舒你相信基督,就算信心真小,也會凍得到拯救。

 

    一個人一生中任何特別的恩賜是所受的裝備。有的人是講話或醫治,音樂或藝術,手工或生產,這一切的恩賜攏是從上帝來的嗎?卡舒咱有這款的領悟,對佇咱的人生,的確會帶來新的特色及新的氣氛。因為你毋是倚靠家己的意思用伊,咱順趁上帝的意思來發揮。

 

    佇主耶穌基督臨到審判的日子,世間無任何代誌被隱藏無顯露出來,凡若屬佇基督的人欲堅固到路尾毋搖動,齊備的恩賜互因站會穩,免驚惶來與主結聯。




 
 
 
用LINE傳送

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)