宜蘭縣教育支援平台 會員登入 會員註冊 我的i教書

« 上一篇 | 下一篇 »

上帝佇遮                   2011.7.24主日講章

305、新560、新400   啟應文46

創世記28:10-19

10     雅各離開別是巴,向哈蘭去;

11     到一所在,因為日落,就佇遐歇暝,對許個石頭的中間提一塊做枕頭,佇遐睏,

12     夢見有梯徛佇地裡,梯頂抵天,有上帝的使者佇梯裡上落。

13     耶和華徛佇梯頂,講:「我是耶和華──你的祖亞伯拉罕的上帝,亦是以撒的上帝;我欲將你現在所睏的地賞賜你及你的後裔

14     你的後裔欲親像地上的土沙,你欲對東西南北來發展;地上萬族欲因為你及你的後裔得著福氣。

15     我亦及你佇你無論去叨落,我欲保護你,亦欲導你倒來此所在,攏無放拺你,到我成對你所講的。」

16     雅各睏醒,講:「耶和華真正佇遮,我竟然呣知!

17     就驚講:「此所在到即通驚!呣是別項,這是上帝的厝,這是天的門。

18     雅各早早起來,將伊做枕頭的石徛做柱,倒油佇頂面。

19     就名彼所在叫伯特利;此個城本名路斯。

 

 

馬太福音13:36-43

36     彼時,耶穌互眾人四散,才入厝。伊的學生就近伊,講:「園的稗仔的譬喻給阮解明。」

37     伊應講:「撒好種子的是人子;

38     園就是世間;好種子的就是天國的子;稗就是歹者的子;

39     撒稗的仇讎就是魔鬼;收割的時是世界的路尾;割的就是天使。

40     所以親像拾稗仔來用火燒,佇世界的路尾亦欲按呢

41     人子欲差伊的天使對伊的國內收拾見若互人著觸的及做不法的,

42     穴因佇火爐;佇遐欲有啼哭咬牙切齒。

43     彼時,義人欲發出光親像日,佇的父的國。有耳孔的,著聽!」

 

 

    上帝創造萬物攏互因有謀生的能力。羊要吃草,互牠有反芻的胃。青蛙吃蟲,互牠有黏性的舌。蚊子吸血,互牠有根吸管的嘴。只剩兩對奇怪的目睭,一對日時暝時攏看會著,一對只有暝時看會著,貓及貓頭鷹還未選好。

 

    這兩對目睭好壞差真多。上帝互因一人一擔穀子,晒互乾千萬無通發芽!

 

    貓頭鷹埋怨別人毋免做代誌就分著物件,阮著愛做工,實在不公平。講完,就轉去房間睏。貓去勸牠,牠不聽。貓沒辦法,只好兩擔攏搬出去晒。不久天下雨,去喊貓頭鷹逗收穀子,叫不行。第三天,上帝來看見穀子發芽,貓頭鷹講:貓貪睏,互穀子淋溼了。上帝笑笑講:貓處處為你設想,你反轉陷害牠。你甘騙我會過?就將那對暝間才看會著的目睭互牠,因為你日時毋需要。

 

    好心的貓得到一對好目睭,日時暝時攏會使將物件看嘎清清楚楚。

 

     雖然上帝創造萬物,沒絕對的好及壞,但是上帝賞賜咱智慧去分別好及壞。我用上帝佇遮作題,互咱作伙來思考上帝的祝福、同在及判斷。

 

一、上帝的祝福

    雅各雖然會凍得到上帝及亞伯拉罕及以撒立約的應允,但是只有作亞伯拉罕的子孫是不夠額的,伊必須親自及上帝建立關係。父母是基督徒,因的子兒不是自然就是上帝的子兒,每一個人攏要親身體驗家己的信仰

 

    雅各豈不是及上帝喊斤減兩,或是將家己的前途交託互上帝?伊求上帝保佑伊平安倒轉老爸的家,伊就欲承認耶和華是我的上帝,閣欲給你起聖殿,我欲將你賜互我的十分之一獻互你。伊真敢討嘛真敢拼。

 

    伊離開驚惶之地,上帝將伊取轉來。上帝決意支持已經強欲無自信的雅各,堅定保證欲互伊的產業未落空。雅各深深受這個經歷所感動。上帝頭一擺直接對伊講話,不是對伊的老爸的嘴代傳。頂一擺伊假裝阿兄以掃對老爸講:因為你的上帝互我嘟著好機會。現在上帝是伊的上帝,不過伊不是那麼容易順服的人,如果上帝先盡伊的那份,我才盡我的這份。

 

 

二、上帝的同在

    伯特利是亞伯拉罕進入迦南地後,尚代先向上帝獻祭的所在,後來卻變作拜偶像的中心。咱的人生有啥米所在,是會凍互咱更新對上帝的忠實,找回對上帝的信心?是誰將禮拜堂設佇二樓?互行動不便的人無法度作禮拜,豈是按呢?這是無想欲禮拜所想出來的藉口之一。多多宗教建築攏有多層的塔,每一層攏有樓梯連接,遠遠看天地相連,簡若有一條通路,神的幫助對遐落來,並且接受人的崇拜。雅各醒來講:呣是別項,這是上帝的厝,這是天的門。

 

    雅各有他家己的伯特利,咱的伯特利佇叨?人及上帝面對面聽伊的教示,開咱的目睭看見所失去的物件,覺醒過來,來過更加有意義價值的人生。咱對故鄉思念及對祖先信仰的思念意思是接近的,雅各的流亡互咱想起家己離開天父溫暖起的所在。聖經並無掩蓋雅各是一個半信兄,他的信有附帶條件,但是上帝揀選他並無其他條件。上帝佇遮毋是欲互咱轉來討一個公道,乃是轉作一個懇求伊引導的祈禱。承認咱的不配,無伊的手扶持,咱根本無法度轉來上帝面前。

 

    咱的伯特利毋是判刑定罪的所在,是清楚知影咱是得救的罪人。咱看耶穌對拿但業我實在給恁講,恁欲看見天開,上帝的使者上去下來佇人子身上耶穌就是雅各所看見,豎立佇天地之間的梯。減采雅各找到家己會通到上帝遐的私密管道,但是耶穌才是上帝及人類之間唯一實在的希望及祝福。

 

 

三、上帝的判斷

    世界的路尾,天使欲將邪惡及良善分別出來。今日的教會內嘛有真實及虛假的信徒,但是咱要謹慎不通家己審判,因為只有基督有最後審判的資格。批評別人也會互其他的人掃到風颱尾,就親像你欲噴除草劑,嘛會傷到農作物,甚至汙染水源及土地。

 

    咱攏會講一寡論調:無通只有聽一個醫生的檢查及判斷,多試幾個才來決定。雖然拜上帝卡好,其他宗教信仰嘛有因的優點。人本來叨無完全,一點仔壞習慣也無要緊。容允咱的生命中有麥子嘛有稗子共存,咱毋那個意志將因分開,致到不好的贏過好的。

 

    這不是一個單純想像的故事,確實有人將稗子撒在別人的田裡。這世間有一個敵對的力量,尋找及等候欲毀滅好的種子,兩種作用攏佇影響咱的生活,咱必須儆醒持守。分辨嘛有它的困難,咱毋知影實情,就無通太快將人貼標籤。你知影別人生活的一部分,勿使判斷他整個人生

 

    毋通親像雅各耶和華真正佇遮,我竟然呣知!」早知影叨卡早來信主的遺憾。上帝佇遮就是最後善惡好壞還是要分別出來。只有上帝才會看到咱的全貌,才有權利判斷咱的一生。

 




 
 
 
用LINE傳送

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)