宜蘭縣教育支援平台 會員登入 會員註冊 我的i教書

« 上一篇 | 下一篇 »

上帝互我歡喜笑              2011.6.19主日講章

24、新173、新315   啟應文14

創世記21:1-7

1      耶和華照伊前的話眷顧撒拉,對按呢耶和華照伊所講的給撒拉做成。

2      亞伯拉罕年老的時,撒拉懷孕;到上帝對伊講的日期,就給伊生一個子。

3      亞伯拉罕給撒拉所生的子號名叫以撒。

4      以撒出世八日,亞伯拉罕照上帝所吩咐的,給伊的子行割禮。

5      伊的子以撒出世的時,亞伯拉罕一百歲。

6      撒拉講:「上帝互我歡喜笑,見若聽見者欲及我同歡喜笑」;

7      閣講:「是誰會代先給亞伯拉罕講『撒拉欲互嬰仔吸奶』?因為佇伊年老的時,我給伊生一個子。」

 

羅馬書5:1-8

1      所以咱已經對信稱做義,就對咱的主耶穌基督有及上帝和。

2      也倚靠伊,對信來入佇現今所帶的恩典,閣向望上帝的榮光來歡歡喜喜

3      呣若按呢,就佇患難也歡歡喜喜;因為知患難生出吞潤,

4      吞潤生出老練,老練生出向望;

5      也向望無致到見誚,因為上帝的疼對所賞賜咱的聖神來灌沃咱的心

6      因為咱猶久軟弱的時,基督到期替有罪的人死。

7      因為替義人死的,得有;替好人死的,豈採有人敢。

8      若是上帝顯明伊本身疼咱的疼痛,因為咱猶久做罪人的時,基督替咱死。

    一開始撒拉一定抓準講上帝及她滾酸笑,所以她嘛用笑來回應,不偌久她就笑給流眼淚,上帝的憐憫互伊一世人厄得忍受的悲傷一盡消除。一看到以撒就想到上帝互我笑會出來。接受上帝恩典的人有理由歡喜笑,伊總是有互咱意料毋到的作為。

 

 

    誰會相信亞伯拉罕到一百歲,喲有法度生因仔?但是做無可能的事是上帝每天的例行工作。當咱面對重大問題的時,只要互上帝來處理就變嘎卡容易。

 

 

    上帝閣一擺申明伊的應允,撒拉帶著歡喜迢跳的心生下以撒。她曾因為懷疑、掛慮、驚惶來失去佇上帝奇妙應允中的平安。欲互憂愁變作平安喜樂,唯一的方法就是專注佇上帝的應允上,相信伊的確會成就。

 

 

    不過咱嘛毋是魁儡夯仔,叫你哭著哭,叫你笑著笑。當咱行過流目屎的山谷,上帝恩典的揀選及保護,互咱成作佇全人類中有力的見證,佇伊毋有厄成的事。

 

 

    憑著這款信心來及上帝閣和,就是及伊恢復和諧的關係,毋有罪的阻礙,彼此毋閣有距離。咱佇黏物件,兩面攏抹一些強力糊,過一段時間將兩面合倚,叫做膠合作用。耶穌基督就親像咱及上帝和好的膠。一方面,咱愛完全接受基督救贖的寶血,未駛排斥;另外一方面,咱愛佇基督內底成長,越來越親像主耶穌。偌毋,那片薄薄的膠,有一工嘛是會退膠,到時兩邊就分離。所以咱愛努力的是欲按怎互這個喜樂久久長長?

 

 

    咱相時享受及上帝和好的喜樂,嘛愛面對成長帶來的多多艱難,愛記得學習倚靠基督的能力,互聖神住佇咱的內心,這就是喜樂的泉源及秘訣。保羅想欲講的是基督徒生活的核心信、望、愛。咱及上帝的關係是對信開始,對信來入佇現今的恩典,現今你有啥米恩典,豈毋是因為基督的死所帶來咱生命的釋放嘛!當咱知影上帝為咱所做的,咱就對將來閣卡有向望。相時,上帝的疼充滿咱,互咱有能力去幫助別人。今咱嘛扮演一個介紹及引進的人,將人帶到上帝的面前避難,互伊打開心內的門窗看見基督的恩典。

 

 

    對初代信徒來講忍受苦難是真平常,咱嘛時常愛講古早的日子哇艱苦,吃甘薯籤飯攪豬油。保羅給咱講,信徒必須經歷多多的困難,壓力互人成長。佇患難中歡喜並毋是咱愛艱苦,是咱知影上帝透過各種困難及撒但的攻擊來建立咱的品格,培養堅定的心志,互咱更加剛強信靠上帝。

 

 

    你可能日日吆閣愛忍受毋相款的考驗,這就是你成長的機會。吞忍毋是無所作為,是積極去克服戰贏這些難題。掛慮會改變人生的色彩,不過我揀選家己的色彩。若是你的向望是佇上帝的疼內底,它就毋互人失望。

 

 

    上帝酌疼咱,所以差遣伊的子兒來,為咱起造一條通向上帝的道路;閣差聖神用疼充滿咱,互咱有能力為主來活。

    啥米時陣咱會軟弱?多數的人會講破病的時會軟弱。保羅的體會是咱猶久做罪人的時,表示咱犯罪的時尚介軟弱,咱抓準講黑道份子真雄,人毋匿目,毋知啥米是軟弱,其實那款人尚無助、尚驚死、尚軟弱。

 

 

    何等奇妙!上帝叫耶穌基督替咱死,毋是因為咱真好真可取,是因為伊酌疼咱。若是你對上帝的疼吆毋把握,請會記得佇你前吆未歸向伊的時,伊已經疼你,伊一直攏酌疼你,伊愛你歡歡喜喜。




 
 
 
用LINE傳送

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)