宜蘭縣教育支援平台 會員登入 會員註冊 我的i教書

« 上一篇 | 下一篇 »

上帝建立能力            2011.5.29主日講章

281、新198、新398  啟應文5

詩篇8

1      耶和華──阮的主啊,你的名佇全地到即高大!你將你的榮光排設佇天裡。

2      你因為你的對敵的緣故,對嬰仔及食奶者的嘴,建立能力,欲互對敵及報冤者靜靜。

3      我看你的天你的手所造的,及你所排列的月及星,

4      世間人是甚麼,你數念伊?人的子是甚麼,你眷顧伊?

5      你互伊比天使厘仔卡輸,閣賞賜伊榮光尊貴做冕旒。

6      設立伊管理你的手所造的,下萬物佇伊的腳下,

7      就是一切的羊及牛,山野的走獸,

8      天中的鳥、海內的魚,及見若經過海裡的路的,攏下佇伊的腳下。

9      耶和華──阮的主啊,你的名佇全地到許高大!

 

哥林多後書13:11-13

11     兄弟啊,結尾來講:著歡喜。著完全;著受安慰;著同心;著和睦。就賞賜仁愛及平安的上帝欲及恁佇

12     著用聖的相唚,來相請安。

13     諸個聖徒攏請安恁。

 

 

    有一個課輔班男孩,所有親人的疼及資源攏佇伊的身上,卻講別的孩子沒家教,罵家己的姊妹是垃圾,其實是看因真飯桶。

 

 

    誰能漠視,誰能看輕細子的能力呢?若是上帝欲佇細子身上建立能力,你會凍阻擋嗎?聖經常講咱要回轉親像細子,到底細子有什麼特性是咱該學習的呢?細子會凍攏不懷疑攏不保留去信靠及謳咾上帝,但是年紀愈大,就愈厄做到。所以伊會講:我感覺啄幼稚!咱著除去那些互咱無法度及上帝親近同行的阻擋,求上帝互咱親像細子真單純來信靠謳咾伊。

 

 

    真特別詩篇的作者已經佇問人是什麼?你嘛會凍試回答看麥,譬喻講人會墮落,人是罪人…。人性不只是指統治權,或有較高的理性,人是整體的靈魂體,嘛知影人有上帝的形象。但是這個形象必須佇基督的內底去了解,咱講耶穌基督是無法度看見上帝的形象,佇伊的內面咱發現真實的人性。聖經所看到的人是上帝所關心的人,聖經對人的描寫雖然是多樣性,但是絕對無將人分作內在及外在,或是分作肉體較低的價值及靈性較高的價值。

 

 

    當咱敬重上帝的威嚴的時,就必定佇伊偉大的光照下面看見家己;當咱斟酌上帝偉大的創造,就會發覺家己是何等渺小。謙卑就是正確佇敬畏上帝,不是看輕家己的價值。

 

 

    當咱看見上帝創造的奇妙,就會奇怪伊為什麼眷顧常常互伊失望的咱。咱看家己只有比天使卑微一點,這種看法實在些許自誇,人當作伊所知影的,比上帝的話閣卡多!其實這是欲提醒人肯定家己並且明白上帝的心意。當咱懷疑家己的價值或是感覺自卑的時,會記得伊看你是有極高價值的。人極尊貴,是因為咱有造物主的形象,對按呢確立全人類的價值。上帝已經宣告咱對伊是何等有價值,所以著破除無路用的自卑感。

 

 

    上帝互人極大的權柄管理整個世界管理更好的意思是照顧調和、保持最好的運作狀態。但是重大的權柄也帶來重大的責任。假使咱有子女,就愛有作父母的權柄叫因行正路。咱更加有責任去關心因的生活、建康、成長、學業等等。你怎樣去對待上帝所創造的萬物?要運用你的資源及智慧,為家己的忠心向上帝交帳。

 

 

    不若按呢,教會嘛愛有這款的權柄。保羅希望教會的人攏來關心教會的問題,若沒這款素質,就的確會發生問題。掩飾、否認、抱怨及衝突,攏無法度互教會同心合意,彼此和睦。只有將教會的困難看作是家己的問題,這款好的素質才會出現,而且漸漸累積出來。保羅及哥林多教會信徒為著教會和睦不斷奮鬥,時常尋求上帝的話來解決問題,不偌是聽聽就算了。

 

 

    保羅會凍選擇離開是非圈,互哥林多教會家己處理問題。但是伊並無置身事外,伊實在疼因。疼,有時要求咱責備所關心的人;對陷於罪中的人,咱須說權威性的話,也愛講關懷的話。有時咱採取錯誤的處理方法,一再責備破壞及人的關係,卻不是醫治。咱也可能用律法的姿態譴責人,迫使人離開;或是佇人背後講歹話,抹黑閣孤立別人。

 

 

    咱著應當學習保羅,用閣卡好的方式來重建關係,就是及兄姊分享、交談、關心因。這是真費心思及氣力的方法,不過卡合佇基督的心意,因為基督嘛是按呢面對人的罪。

 

 

    咱受上帝呼召是欲用疼及仁慈照顧一切受造的物。所以,當咱的耳孔聽這篇偉大信心的詩了後,會對造物主用一款歡喜及滿足的感受喊出來。我希望兄姊的人生是向前的,朝向完全的地步。你是欲去經驗上帝的大能,毋是站著不欲叮動。美軍黑鷹部隊成員說我就是為了上戰場才來的!走,來去將咱的工作做互好,協助咱的兄弟平安轉來。咱敬拜的是賜和平的上帝,咱若是相怨恨,就無法度真心疼上帝

 

 

    我深信上帝會建立新的能力,醫治伊的教會,互咱的命運向著新存在的目標邁進,咱有被回復成作完整的人的可能性。現在我唯一會凍作的就是為恁祈禱。




 
 
 
用LINE傳送

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)