宜蘭縣教育支援平台 會員登入 會員註冊 我的i教書

« 上一篇 | 下一篇 »

恁著重頭生            2011.4.10主日講章

啟應文33  台新341親像鹿欣慕溪水、新597、新402

 

詩篇116:1-4,12-19

1      我疼耶和華,因為伊聽我的聲,我的懇求。

2   伊已經俯耳孔聽我,所以我一世人欲求叫伊

3      死無的索纏著我;陰間的痛苦擒著我;我抵著患難憂苦。

4      我就求叫耶和華的名,講:耶和華啊,今求你救我的生命

12     耶和華賞賜我一切的大恩我欲用甚麼報答伊?

13     我欲捧起救恩的杯,求叫耶和華的名。

14     我欲佇伊眾百姓的面前對耶和華謝我的願。

15     耶和華看伊聖的百姓的死做真寶貝

16     耶和華啊,我實在是你的奴僕;我是你的奴僕,是你女婢的子。你已經解開捆縛我的索

17     我欲用感謝的祭獻互你,閣欲求叫耶和華的名。

18     我欲佇伊眾百姓的面前,對耶和華謝我的願,

19     佇耶和華厝的院內,佇你耶路撒冷的中間。恁著謳咾耶和華!

 

彼得前書1:17-23

17     無用外貌取人、是照逐人的行做來審判的,恁若求叫伊做父,就著存驚畏來經過恁寄腳佇世間的時陣,

18     因為知恁受贖,脫出對祖公所流傳空空的行做,呣是用會敗壞的物,或是銀抑是金,

19     是用寶血,親像無瑕疵、無污穢的羊仔的就是基督的血

20     伊佇未創造世間的時是所代先知的,就佇諸個時的路尾為著恁著現的

21     恁對伊來信上帝,就是互伊對死人中復活的、也互伊榮光,致到恁的信及向望向佇上帝

22     恁對順趁真理,已經清氣恁的神魂,致到疼兄弟無假,就著對心切切相疼

23     恁已經重頭生,呣是對會敗壞的種,是對敗壞的種,對上帝的道理是活是久長佇

 

 

    當人意識到沒向望的時刻,更加噯求叫上帝的名。毋通因為信心所剩無偌多,就不閣欲求。咱彌細的信心勿會互上帝困擾,因為咱知上帝猶原重視咱的懇求。

 

 

    上帝是聽人祈禱的上帝,伊會彎下腰來聽咱的聲音,所以咱會通找到上帝。詩篇的作者有上帝回答伊祈禱的經驗,雖然死無的索纏著我;陰間的痛苦擒著我;互我抵著患難憂苦。伊對上帝的疼有增加沒減少。上帝隨時攏細意佇聽每一個人的祈禱,並且按照上帝最好的意思做出答覆。

 

    人嘛因為上帝恩典謝伊的願,中文講還願、感恩佇咱的文化內底,咱有咯杯的習俗(互乾啦),欲祝賀大家健康。有人拒絕飲,就繼續活佇罪的苦楚中。佇最後晚餐,主耶穌將杯傳互門徒,因就拿來飲。接納上帝恩典的杯就是懷抱生命及喜樂。如果咱欲報答上帝,只要舉起救恩的杯,這個杯是賜互所有的信徒。咱有時要強忍著壓力及痛苦飲下殉道的苦杯,飲的時謳咾並且哭喊上帝的名。

 

 

    上帝嘛會感受到及伊立約的百姓死失的代誌,咱嘛經驗過病痛、陰間、死亡、地獄般的驚惶,那就親像互八爪章魚的觸角纏住,扼佇掙脫。當咱受苦的時,上帝嘛受苦。好家在上帝贏過這些歹的權勢,咱欲佇伊眾百姓的面前作見證說:是上帝救了咱,咱無法救家己。所以咱才會有一款信仰及哀傷的人同哀傷

 

 

    上帝日日佇咱身邊,甚至佇咱欲死的時。當咱所疼的人欲離開的時,咱會感覺受上帝棄撒。但是聖徒對上帝來講是寶貴的,伊細意選擇互咱來見主的時間。當咱失去所疼的人的時,就互這個真理來安慰咱吧!每一個生命對上帝來講攏真寶貴。馬太10:29就恁的頭毛亦攏過算。所以,恁莫的驚,恁比多多雀鳥仔卡貴氣!

 

 

    日本核災發生之後,各國才佇檢討伊的核災應變能力,但是咱攏知就算有萬全的準備,也無法度處理好適,因為代價太大了。相款人犯罪的贖價非常高,得要犧牲上帝的兒子。耶穌作贖罪的羊羔,並不是上帝佇世界失去控制了後作出的補救措施。伊佇世界受造代先就已經安排這個救贖計劃。

 

 

    上帝並不是用金錢將咱對罪贖回,乃是用伊所疼的子的寶血將咱贖回。羅馬書6:6知咱舊的人及伊同釘,互罪的體會廢去,致到咱無閣做罪惡的奴才。哥林多前書6:20因為是用價錢買的。所以,著佇恁的身軀榮光上帝。希伯來書9:12伊亦毋是用羊及牛仔的血,就是用家己的血,入聖所一擺就夠額,得著永遠的贖回。因此,咱不法度靠家己脫離罪惡,只有靠上帝的兒子的生命才會通得著釋放,重獲自由

 

 

    重頭生的人將與眾不同,他常去的所在不同,有聲有色的教堂;他看日子不同,守安息日赴聚會;他及人不同,是上帝所揀選的子兒。他會孕育出一種敬虔的心態:

 

(1)    寄腳佇世間,不拿身崎叨位來煩惱,拿身往叨位來歡喜。

 

 

(2)伊的人生是向著上帝,過虔誠的生活。

    敬畏並不是奴僕對殘暴主人的恐懼,乃是信徒對上帝的尊崇,我實在是你的奴僕。上帝是全地的審判者,咱勿使藐視伊,咱勿使凊采隨便。毋通抓準講咱是上帝的子兒就會使亂輸來。咱毋通作互人寵壞的孩子,要作互上帝歡喜的兒女,對天父存敬畏的心。

 

 

(3)疼兄姊無假

    真誠的疼包含無私的付出,自私自利的人不可能真正去疼。上帝的疼及寬容,互咱無閣只有注目家己,亦關心別人的需要。基督藉著犧牲家己的生命,表明對咱的真愛。咱嘛會使效法主,犧牲家己去疼別人。

 

 

    從今以後,生命有更崇高的價值,勿使絲毫浪費,勿使自暴自棄。這就是互基督所充滿的生活,在基督裡重頭生的人。

 

    更進一步來講,重頭生不是人為的,完全是上帝的工作;這等人不是對血氣生的,不是對情慾生的,不是對人的意思生的,是對上帝生的。道的種子進入伊內底,互伊重新再造。當人若問你你有重頭生毋?是佇問上帝的生命有佇你內底毋?若有,你的生命就會有與眾不同的特質,上帝的疼嘛佇彼中間,互你燦爛無比。




 
 
用LINE傳送

發表迴響

 暱稱 (必填)

 悄悄話

 標題

 個人網頁

 電子郵件

authimage 
 認證碼 (必填)