12 十二月, 2011 01:32
]
教育部臺語常用詞辭典聽伊的發音，第八調讀法是毋是佮第2調傷接近，足歹分?
http://blog.ilc.edu.tw/blog/blog/3860/post/18853/156524
宜蘭腔入聲變調我個人感覺應該是
ah4→ah2，ah8→ah3，
ap4→ap2，ap8→ap3，
at4 →at2， at8→at3，
ak4 →ak2，ak8→ak3。
恁有人佮我仝款無？
臺語常用詞辭典聽伊的發音，第八調讀法是變做第2入聲調音位，
我的看法：伊是第四調變調後變做第2入聲調的音位。
應該是舊教材中的，無正確觀念所產生得結果!
(無正確觀念---是p、t、k「4調變8調,8調變4調」的變調表面對稱結構。)
今猶有老師用錯誤觀念&教法教唸的原因。
或是特殊腔口誤讀造成；
因為照此唸法h入聲的第八調跟第2調傷接近；有的會亂操操。
我尊重腔口差異!
\我的重點是教育部的臺語常用詞辭典
的語音檔照此唸法h入聲所有的第八調佮第2調傷仝音
例如：
1.石的(姓石的人)tsioh8--e5 & 少的tsio2--e5 2.「拍石」佮「拍少」
3.tsin3/tsin eh8(真狹) & tsin3/tsin e2(真矮)
4.踅過se̍h-kuè ＆ 洗過 sé-kuè 5.去踅 & 去洗
6.大舌&大姊
7.借石=變調過兩音攏唸同音，聽較袂明音意!8.......
應該台語語言設計有伊區隔
８入聲調佮變調３入聲調，攏屬小可仔平音隨束喉音調。
４入聲調佮變調２入聲調，攏屬立降束喉音。
借石 二字攏有束喉，而且無唸仝音分足明!前字高降(510)，後字小可平音隨低降(4-0)。
照臺語常用詞辭典這種唸法台語音8調本調石(510)佮4調借的變調成２入聲調(510)仝款。
減一音8入聲調本調(4-0)的區隔；
8入聲調本調(4-0)接近7調(3-)，比伊較懸，無2入聲調(510)遐懸!佇這兩音中間。
毋過h開喙束喉音無明顯，就像咱攏會共
eh8狹路的變調簡化寫做e3(實際上是eh3)
eh4厄運的變調簡化寫做e2(實際上是eh2)
真感謝回批指導!我想 舉例: (借石)二字。
所謂下港人-h8猶真明顯的發音，會發成二字仝音的第二入聲調音位
ㄐㄧㄛˋㄏ ㄐㄧㄛˋㄏ
前字借變調成2入聲(510)，
後字石本來所謂下港人-h8(510)猶真明顯的發音就是2入聲調(510)。
才是我講的問題所在!
我感覺我所講的音，規律一致。所有ptkh入聲字8調變調成3入聲調，
ptkh入聲字4聲變調成2入聲調。如附檔變調圖。
下港人-h8(51)猶真明顯的發音是猶未變調8調本調(510)就唸變調後2入聲調(510)的音位。
我的8入聲調本調(4-0)接近7調(3-)比伊較懸，無2入聲調(510)遐懸!佇這兩音中間!
借石 二字攏有束喉，而且無唸仝音分足明!前字高降(510)，後字小可平音低降(4-10)。
我的8入聲調本調(4-0)慢慢仔唸，有小可平音再閣下降束喉的感覺。遮就是比7調(3-)較懸閣再下降束喉的差別。佮2、4入聲調隨降音無仝。
這種腔口的唸法所有的-h入聲調(510)的第八調跟第2調(510)傷仝音，您會當試聽看覓是毋是傷仝音!不只我所舉的例，是所有的h入聲調的第八調佮第2調傷仝音，尤其當唸仝款長度的短音時，閣較歹分！這是這種唸法的重大缺失，所以用來作辭典用音是毋是需要重新考量?
敬請 教授明察 提供文龍質疑解答！
我的腔口，收 -h 尾的第八調就會佮第七調無仝音。親像： 著 tioh8 趙 tio7
挃 tih8 箸 ti7 /// 獵 lah8 抐 la7
這三組的音嘛攏有分。
十五音八音呼法真清楚有差別，毋過像您所講差別毋是真大!
這種腔口的唸法所有的h入聲的第八調跟第2調傷仝音，
入聲h例字
您會當試聽看覓是毋是傷仝音!不只我所舉的例，是所有的h入聲的第八調佮第2調傷仝音，遮是這種唸法的重大缺失，所以用來作辭典用音是毋是需要重新考量?
敬請 教授明察 提供文龍質疑解答！
詞目 狹 部首：犬 094-07-10 408 begin_of_the_skype_highlighting 094-07-10 408 end_of_the_skype_highlighting 音讀 e̍h 釋義
細小，不寬鬆。例：這條山路真狹。Tsit tiâu suann-lōo tsin e̍h. (這條山路很狹小。)
又見音 hia̍p 反義詞 闊
詞目 矮 部首：矢 111-08-13 405 音讀 é/ué 釋義
短小、不高。例：伊生做矮矮，袂講蓋懸。I senn-tsò é-é, bē kóng kài kuân. (他長得矮矮的，不會很高。)
反義詞 躼
詞目 踅 部首：足 157-07-14 224 音讀 se̍h 釋義
1.轉動。例：彼粒干樂當咧踅。Hit lia̍p kan-lo̍k tng-teh se̍h. (那顆陀螺正在轉動。)；踅振動 se̍h tín-tāng(轉動)。
2.來回走動、繞行、盤旋或是散步。例：我已經踅三點鐘矣。Guá í-king se̍h sann tiám-tsing--ah. (我已經逛三個小時了。)
詞目 洗 部首：水 085-06-09 260 音讀 sé/sué 釋義
1.洗滌、清淨。例：洗跤 sé kha(洗腳)、洗衫 sé sann(洗衣服)。
2.淘洗、沖洗。例：洗相片 sé siòng-phìnn(洗照片)、洗金仔 sé-kim-á(淘洗金沙)。
詞目 橛 部首：木 075-12-16 音讀 kue̍h 釋義 用來計算橫截後物品的段數。例：一橛甘蔗 tsi̍t kue̍h kam-tsià(一截甘蔗)。
詞目 粿 部首：米 119-08-14 068 音讀 kué/ké 釋義 糕的總稱，指用糯米或粳米等做成的食品。因所加的原料不同而有不同的稱法。例：甜粿 tinn-kué(甜糕)、菜頭粿 tshài-thâu-kué(蘿蔔糕)。
所有的開喙入聲h入聲的第八調佮第2調攏會混淆不清，有的可能會以長短唸法、入聲差異，說明兩者差異！
但我認為語言設計不可能兩個的音調如此接近！
p t k入聲時因為有去掉m n ng發音後，只有停留p t k發音位置的差異，故而較難發現錯誤。
敬請學者專家教授、抑是有這款發音的老師，再次確認所有的開口入聲:h入聲的第八調佮第2調唸起來傷仝款的錯誤，有傷濟字會亂操操的問題。
敬請 先進 提供文龍質疑解答！！
參見
台語第8入聲調字的發音訣竅
2011/3/23 (三) 11:56:18 PM感謝回應!
我尊重腔口差異!
\我的重點是教育部的臺語常用詞辭典
的語音檔照此唸法h入聲的第八調佮第2調傷仝音
例如：
1.石的(姓石的人)tsioh8--e5 & 少的tsio2--e5
２.tsin3/tsin eh8(真狹) & tsin3/tsin e2(真矮)
３.踅過se̍h-kuè ＆ 洗過 sé-kuè
這種腔口的唸法所有的h入聲的第八調跟第2調傷仝音，您會當試聽看覓是毋是傷仝音!不只我所舉的例，是所有的h入聲的第八調佮第2調傷仝音，遮是這種唸法的重大缺失，所以用來作辭典用音是毋是需要重新考量?
敬請 教授明察 提供文龍質疑解答！
2011/3/24 (四) 12:31:18 AM
您好!
我聽「拍石」佮「拍少」兩詞, 在通常講話兩詞比較，加聽幾遍嘛真歹分會出來
!
刁工講長音佮短音才分會清楚，若是仝款長度時就有困難!
雖然我知影石音真短, 是束喉音, 促聲, 少是長音, 是舒聲,
毋過h開喙束喉音無明顯，就像咱攏會共
eh8狹路的變調簡化寫做e3(實際上是eh3)
eh4厄運的變調簡化寫做e2(實際上是eh2)
比論下跤三例，音傷成足歹分：
1.石的(姓石的人)tsioh8--e5 & 少的tsio2--e5
２.tsin3/tsin eh8(真狹) & tsin3/tsin e2(真矮)
３.踅過se̍h-kuè ＆ 洗過 sé-kuè
所以我主張:
這種腔口的唸法所有的h入聲的第八調跟第2調傷仝音，您會當試聽看覓是毋是傷仝音!不只我所舉的例，是所有的h入聲的第八調佮第2調傷仝音，遮是這種唸法的重大缺失，所以用來作辭典用音是毋是需要重新考量?
敬請 教授明察 提供文龍質疑解答！
4/3/2011新編文
入聲的短聲，是收尾音時束喉急收。
咱講塗跤真滑ㄍㄨ------ㄉˋ，前段ㄍㄨ-----可拖長音，才可清楚警告別人，尾音ㄨㄉˋ才束喉急收
。
遮是大枝骨ㄍㄨˋ--------ㄉ，前段ㄍㄨˋ----隨降音，有時強調時也可拖長音，尾音ㄉ才束喉急收
。
咱講真少，有時唸真短，有時強調時也可拖長音。所以長短音並非判斷的良方!
照臺語常用詞辭典這種唸法台語音8聲本調石(51)佮4聲借的變調成２入聲調(51)仝款。就無辦法拉長音
唸，因為變調２聲入聲(51)的前字，音拖傷長也就無成語詞。....
短te2 & teh8佮較歹分....
入聲的短聲，是收尾音時束喉急收。通常咱攏唸較短，毋過
咱講塗跤真滑ㄍㄨ------ㄉˋ，前段ㄍㄨ-----可拖長音，才可清楚警告別人，尾音ㄨㄉˋ才束喉急收。
遮是大枝骨ㄍㄨˋ--------ㄉ，前段ㄍㄨˋ----隨降音，有時強調時，也會拖長音，尾音ㄉ才束喉急收。
咱講真少，伊雖然毋是入聲，有時嘛會唸甲真短，有時強調時也會拖長音，親像真少--------、有夠少---------。
所以長短音並非判斷聲調的唯一良方!
真濟時陣，攏愛用相對的聲調比較，入聲其實用慢慢唸，拖長音的方式共學生敎，著會真清楚，８入聲調佮變調的３入聲調，攏屬小可仔平音隨束喉音調。
第八調本調是普通時仔唸做「高短微降」調值(4-30)，
咱講塗跤真滑ㄍㄨ------ㄉˋ，這時唸做「高平尾降」調值(4-0)
前段調值(4-)kuㄍㄨ-----可拖長音「高平」，才可清楚警告別人，尾音utㄨㄉˋ「尾順降」上尾仔才束喉急收調值(-0)。有時音袂降到1遐下，看唸的人的唸法。
佇唸語詞時，３入聲調(1-0)通常佇唸，嘛袂拖長音唸，因為佇唸語詞時，音拖傷長也就無成語詞，聽袂清楚!
８入聲調的本調(4-0)佮變調的３入聲調(1-0)，調性接近，攏屬於小可仔平音隨束喉的音調，精差懸下音值無仝。攏屬小可仔平音(4-) (1-)(-表示小可仔平音)隨順降束喉音調。
出門待續..... 4/10/2011/08:40編修
我的8入聲調本調(4-0)接近7聲(3-)，比伊較懸，無2入聲調(540*510)遐懸!佇這兩音中央。佇呼第一到八調連呼的時陣，狹(eh8)會呼較懸的接近第1入調聲音位(eh1挨ㄝ。束喉音5-0)，佮2入聲調(eh2)上大差別，2入聲調(510)是隨降音(eh2矮ㄝˋ。束喉音510)，我的狹(eh8ㄝ。˙束喉音)小可平音(4-0),上尾仔束喉收束，較會清楚分出佮第7調明顯的差別。佇口語中，真濟人尾字-h8誠捷佮第7入聲調音位(eh7會ㄝ├束喉音3-0)濫做伙。-m-n-ng變調做-p、-t、-k較無問題，直直、文學準講變做7入聲調，嘛較袂變做**直陣**文項。
傷暗待續.....
第八調唸法有：1入聲調(550)、2入聲調(510)、7 入聲調(330)、6入聲調(324)、8入聲調(440)的唸法！。
評判先生對無仝腔口，袂使扣分，嘛袂使用家己腔口講別人毋著！
莊文龍 宜蘭腔佮大多數腔口、電視腔攏是7入聲(330)是無？
分辨方式用8入聲調，唸1至8調所有的音位， 判斷伊是佇第幾音位調？
Dyer Tung 唸1至8聲所有的音位的意思是欲叫咱若是讀傑字的時, 用kiat, kiát, kiàt, kiat, kiât, kiát, kiāt, kia̍t 八調的方式來看家己的傑是佇佗一个位置.
2011/8/14/1：10編修
相關學習敬請閱讀:
台語喉八聲 -h8
潘科元寫於 2011年2月18日 12:19
http://www.facebook.com/note.php?note_id=164027286979514
潘科元
-p/-t/-k 第四聲變調了後，會變「高短調」。假使汝个腔口（親像南部高屏、台南），第八聲本調嘛是「高短調」，按呢才會用得講 ptk第四聲會變做佮第八聲本調共款調值[tiāu-ti̍t]。若準汝个腔口，第八聲本調毋是高短調，即種講法著無成立。
閣 來，-p/-t/-k 第八聲變調了後，會變出一種比台灣多數儂个第四聲本調，閣卡低一階个調值。親像「綠竹 li̍k-tik」个前字 li̍k，絕對比 tik 个調卡低（講「中短調」tik卡輕鬆，講 li̍k 个變調卡食力，因為愛特別出力去控制聲帶共聲調揤予低），閣像「墨汁 ba̍k-tsiap] 嘛是共款情形。但是因為即種「低短調」，並無佇一般儂个八音本調內底出現，所以通俗个台語教學冊，將第八聲个變調解說做是親像第四聲本調共款。其實是有明 顯个差別。
我咧教，會共學生講即種通俗見解，嘛會共學生講，其實 -p/-t/-k 第八聲變調了後，是親像第三聲本調遐低，但是卡短，猶原有保留入聲。抑哪 -h 第八聲个變調，著佮第三聲本調攏共款啦（電子儀器來測，猶是差分分--仔，總是，咱台語儂个耳仔無分）
即種音理，佇台語文界，老實講，有袂少友志無蓋明白。
約 2 週前 · 收回讚 · · 取消訂閱
你和蔡桂珠、 Judy Hung 、簡秋榮及其他 4 人都說讚。
Ông Tsì-liông 歹勢...插一個仔花仔--个，原來 即tsām仔 四常看著个「踹共」，意思 著是「出來講」！
真正是笑倒儂！4月8日 12:27 · 讚
Kurt Tan Facebook
完全同意...
kurt4月8日 12:28 傳自 · 收回讚 · 1 人
莊文龍
應該台語語言設計有伊區隔
８入聲調佮變調３入聲調，攏屬小可仔平音隨束喉音調。
４入聲調佮變調２入聲調，攏屬立降束喉音。
借石 二字攏有束喉，而且無唸仝音分足明!前字高降(51)，後字小可平音隨低降(4-1)。
照臺語常用詞辭典這種唸法台語音8調本調石(51)佮4調借的變調成２入聲調(51)仝款。
減一音8入聲調本調(4-1)的區隔；
8入聲調本調(4-1)接近7調(3-)，比伊較懸，無2入聲調(51)遐懸!佇這兩音中間。
毋過h開喙束喉音無明顯，就像咱攏會共
eh8狹路的變調簡化寫做e3(實際上是eh3)
eh4厄運的變調簡化寫做e2(實際上是eh2)4月8日 12:35 · 讚 · 1 人
莊文龍 潘老師:您講:抑哪 -h 第八聲个變調，著佮第三聲本調攏共款啦（電子儀器來測，猶是差分分--仔，總是，咱台語儂个耳仔無分）。我進前有佮您討論過這个問題我感覺按照臺語常用詞辭典這種唸法台語音8調本調石(51)佮4聲借的變調成２入聲調(51)仝款佮第二聲仝款是差分分--仔爾。我雖然清楚分會出來，束喉聲佮舒聲的差別。借您的話反向推論轉去:總是，咱台語儂个耳仔無分），所以我感覺照臺語常用詞辭典這種唸法台語音8調本調石(51)佮4調借的變調成２入聲調
(51)仝款。
減一音8入聲調本調(4-1)的區隔； 是毋是逐家重新省視一下!感謝您真用心!無私分享，真客氣!網站應該是排佇我的頭前，您也家己調整在後，衷心敬佩!逐家共同成人之美，我想咱這个台語社，會真無仝款!我也正佇聽入恁的講法，，重新省視一下!有閒加寫一寡您的看法4月8日 13:06 · 讚
洪錦田 語言用佇生活頂,講hoo自然,mai3 siunn走精離經安呢著好,我想一般人無像學術頂,分kah hiah幼ti7 teh破讀,..先=个teh講遮資料攏有參考个價值....akt
4月8日 13:23 · 讚
潘科元
政府公告出來，欲做示範作用个呼音，到底愛採用啥乜腔口，確實是大學問。阮訪問過个老儂，無分南北（親像新竹个老儂，台北縣个老儂），猶原有袂少儂第八聲本調是高短調。但是即種呼音，到中、青年輩，有變少个趨勢，即馬少年儂會唸高短調第八聲本調个，主要攏是南部囡仔。
因為第八聲本調，是台語腔口變化差別上大个。有个所在分真明，有个所在分無啥明，有个所在根本佮第四聲本調攏無分。咱即種有分个，欲要求怹無分个儂來分，怹會足不滿（這是事實，毋是我咧臆个）。有分个儂，分个方式又閣無共款，無論採用佗一種，⋯⋯更多4月8日 13:56 · 讚 · 1 人
Pochung Pektiong Chen 我認為教學會當有『台語普通腔』。
4月8日 14:02 · 讚
潘科元 有各種因素，造成現此時个台語教學，主要攏採用南部腔，其實已經形成一種教學用个台語普通腔。這若徛佇快速推捒台語，跤步和齊來對抗華語霸權个立場，敢哪是袂bái。但是若徛佇尊重地方文化差異个立場來看，著無好。
4月8日 14:19 · 讚 · 1 人
Pochung Pektiong Chen 有普通腔無表示欲刣死地方腔。普通腔嘛無原全是南部腔。有標準化ê語言一般會用優勢腔+人為ê修訂，制訂『標準腔』抑是『普通腔』.
4月8日 14:22 · 讚 · 2 人
Pochung Pektiong Chen 比論講要求 4/8 愛分。o/oo愛分等等.
4月8日 14:22 · 讚 · 2 人
潘科元 有理^^
4月8日 14:25 · 讚
潘科元 我有去聽過教育部閩南語常用辭典，「少、石」「洗、踅」「矮、狹」即幾字，伊這著是南部腔。在阮聽來，伊唸了「有準」。即種腔，在中北部儂來聽，往往會感 覺「傷仝音」，而且在阮南部來講，確實亦有愈來愈濟儂分袂清，將 -h8 拖，總是，教育部辭典个錄音，猶原是「準確个南部腔」，伊是有分个。
即種分法，外地儂有影卡歹掌握。總是，「少」伊唸真長，而且閣降到真低，但是「石」伊唸真短，而且並無降遐低，這著是南部腔个正確分法。 可比台灣漳州腔第四佮第八本調个分法來講，對恁在地儂來講，是真明顯个差別，但是迄種分法，對南部儂來講，聽起來攏共款。攏感覺是佇第四聲本調个範圍內。4月4日 18:09 · 收回讚 · 3 人
潘科元 雖然講「台灣漳州腔第四佮第八本調个分法，對恁在地儂來講，是真明顯个差別」，但是這扑算嘛是對中老年儂來講，是按呢。但是對少年儂來講，怹無一定分會清，這無一定講完全著是華語教育个結果。是台語个演化本身，有一種趨勢來牽挽，予漳腔个第四、第八聲本調漸漸混同去，親像台中个漳腔按呢，無論老儂囡仔攏分袂出來矣。
咱嘛會當預測，將來宜蘭嘛會變做第四、第八本調無分。（若準台語無歸个亡--去來講)4月4日 18:14 · 收回讚 · 2 人
莊文龍
入聲的短聲，是收尾音時束喉急收。
咱講塗跤真滑ㄍㄨ------ㄉˋ，前段ㄍㄨ-----可拖長音，才可清楚警告別人，尾音ㄨㄉˋ才束喉急收。
遮是大枝骨ㄍㄨˋ--------ㄉ，前段ㄍㄨˋ----隨降音，有時強調時也可拖長音，尾音ㄉ才束喉急收。
咱講真少，有時唸真短，有時強調時也可拖長音。所以長短音並非判斷的良方!
。....
短te2 & teh8佮較歹分....
傷暗待續.....4月5日 18:20 · 讚
王圓圓 可能是你無捷講的關係.所以你加油一下.就分會清楚啊.如:食tsiah8---食飯.冊tseh4---冊包是轉調問題.真明顯啊!骨是kut4--骨頭.韻尾t--4-8互變.用講的較緊.來電好阿!
4月5日 19:40 · 讚 · 1 人
莊文龍 我講的腔口所有ptkh入聲字8調變調成3入聲調，
ptkh入聲字4調變調成2入聲調。如附檔變調圖。http://blog.ilc.edu.tw/blog/blog/3860/post/18853/1565244月8日 5:43 · 讚
莊文龍 滑倒變調袂變做骨(kut4)倒，所有ptkh入聲字8調變調成3入聲調，請您閣聽較詳細!
4月8日 6:17 · 讚
Jimmycm Lin 傳統上所有ptk入聲字8聲攏變調成入聲字4聲.4聲攏變調成入聲字8聲.只有h入聲字8聲攏變調成第3聲.h入聲字4聲攏變調成第2聲這應該無需要爭論吧！少數無照按呢講可能是地區腔調習慣爾爾‧
16 小時前 · 讚
莊文龍 敬請參考-p/-t/-k 第八調變調了後，是親像第三聲本調遐低 潘科元
在幾秒鐘前 · 讚
Re: 教育部臺語常用詞辭典聽伊的發音，第八調讀法是毋是佮第2調傷接近，足歹分?
教育部臺語常用詞辭典聽伊的發音=「標準个南部音」，第八入聲調讀法是毋是佮第2入聲調仝 款？***分辨方式用入聲toh來唸，唸1至8調所有的音位， 判斷伊是佇第幾調音位？ 唸1至8調所有的音位攏用入聲toh來唸，咱若是讀的時, 用toh1，toh2，toh3，toh4，toh5，toh6，toh7，toh8。八調的方式來看家己的toh是佇佗一个調的位 置。請注意to̍h教育部臺語常用詞辭典聽伊的發音=「標準个南部音」
第八入聲調讀法toh8=toh2第2入聲調讀法。不等於第2調***但是近似等於=第2調。
**因為一般人認為4→2(-h) 8→3(-h) 的 (-h)可省略，分袂出來。
我顛倒是認為應保留(-h)因為近似等於，嘛猶有入聲的特色，無等於仝款。
**反理可證明8(-h)=2(-h)**近似等於=第2調嘛是分袂啥出來。遮是大多數的認知敢毋是?**
例如：
1.石的(姓石的人)tsioh8--e5 & 少的tsio2--e5
2.「拍石」佮「拍少」
3.tsin3/tsin eh8(真狹) & tsin3/tsin e2(真矮)
4.踅過se̍h-kuè ＆ 洗過 sé-kuè
5.去踅 & 去洗
6.大舌&大姊
7.電火(柱)倒矣！Tiān-hué tó--ah.(燈倒了)
電火著矣。Tiān-hué to̍h8--ah. (燈點亮了。)
8.....
用blind test盲測，敢真正一般人分會出伊的差別?我相信我有了解伊的差別，毋過一般人是分袂啥出來。遮是大多數的認知敢毋是?**
遮嘛是我的結論:教育部臺語常用詞辭典聽伊的發音，第八調讀法是毋是佮第2調傷接近，足歹分?
4→8(-p-t-k) 出名 tshut-miâ tshu̍t-miâ
4→2(-h) 鐵馬 thih-bé thí-bé
***{莊文龍註:
教育部臺語常用詞辭典聽伊的發音=「標準个南部音」
第八入聲調讀法8(-p-t-k)=2(-p-t-k)第2入聲調讀法。}****
宜蘭腔有第8調佮第4調變調後的第2入聲調讀法的區隔。
8→4(-p-t-k) 木瓜 bo̍k-kue bok-kue
8→3(-h) 月娘 gue̍h-niû guè-niû
***教育部臺語常用詞辭典8→4(-p-t-k) 是錯誤的!
莊文龍註:應該是8→3(-p-t-k)