宜蘭縣教育支援平台 會員登入 會員註冊 我的i教書
莊文龍 ~共同經營台語社~
莫講社長公家的,逐家出力愛靠這,
營造特色靠全體,鬥想撇步咱同齊。
14 小時前 · · 2

凡若關心、佮意台語、台文的人,攏歡迎光臨!這是一个有問題會當來討論台語的好所在!但請予 ~台語社~ 專為探討台語文的清淨空間!本社毋是予人寫華文議論台灣政治問題的所在,除非是有關台灣語言政策的討論才通寫。

敬請互相尊重、就事論事、理性辯論,毋通人身攻擊、歹喙詈罵。

台語同好 有志一同
請所有台語界好朋友、台語老師加入台語社共同互動

1.發表台語文章
2.訊息分享
3.問題請教
4.三不五時做伙來開講 Facebook "來群聊"功能
5.希望各縣市好朋友!逐家會當同齊做較濟連結,共同邀請您的好友加入!
6.活動推動,發揮閣較大台語界的力量。
7.台語兼差
8.好空鬥相報
逐家共同管理激頭腦來推動!

請各位練習用台文來發表,台語人寫台語文來互相討論台語問題,才是正範[tsiànn-pān]的做法。初學者佇過渡期間,台文寫無路來,暫時先寫華文來發問台語問題,這會用得接受。

若違反台語社社規的貼文,管理義工有權直接刪除。情節嚴重的,會將發文者封鎖出去。敬請包涵。

為著鼓舞逐家來書寫、創作台文,累積台語語料文獻,只要是寫台語文,主題隨意無限。

但是毋通寫【火星文】,可比「哇係呆丸郎」、「婚逃賣卵蛋」這種,應該著改做「我是台灣人」、「薰頭莫亂擲」。

欲寫「全漢」、「全羅」、抑是「漢羅」台文,攏無要緊。

原則上,若欲寫漢字,請用教育部台語推薦用字。若是台文界先進,下工夫研究過,家己有寡較理想的用字,佮教育部有出入,只要有維持台語音義系統性、台語漢字應用一致性,按呢也通使用,予眾人比較評議,適當刺激官方用字進步的速度。

原則上,若欲寫羅馬字,【教羅】佮【台羅】這兩套古今相承相容的系統,攏會用得,佇每一篇發文,請選用其中一種。

以上的規定不止仔 ling,已經有夠額予台文學習者看甲花-kô-kô矣,所以其他實驗性的台語文書寫法,請盡量莫來遮用。
-------

創社管理者:莊文龍
SKYPE:c9889197
電子郵件:
win3798@gmail.com
網址:
http://blog.ilc.edu.tw/blog/blog/19459
相褒歌曲台灣寶,出喙成歌來相褒,
欲揣這款世界無,逐家來學真正好。
http://blog.ilc.edu.tw/blog/blog/3860
標籤:

『Tâi-uân臺員話委員會』《台語組織聯繫組》台語組織聯繫的工課!
台語界的病母:哪會無人做全國台語界的聯繫?請問台語社的社員,有參加台語的啥物組織?組織的任務、成員有幾人?,您會當連絡幾人,幾縣市?
咱有心就愛同齊跳出來,鬥陣攏láng來做『Tâi-uân臺員話委員會』《台語組織聯繫組》台語組織聯繫的工課!
有保密顧慮,請用訊息,抑是win3798@gmail.com,留話予我!

像Bāng Tâi-gí老師早就做真濟這款工課,伊是『Tâi-uân臺員話委員會』《台語組織聯繫組》上好的組長人選!我來做伊的組員,猶閣有人欲加入這組無?
  • 台語社訊@ 粉絲團,應該愛請潘科元老師主筆,整理系統文章,也請逐家共同來投稿!有人欲擔當編輯工課無?通訊聯絡組:美食組:

組長:待認領

任務:負責照顧逐家的胃

  • 場地組:

組長:待認領

任務:場地佈置、報到處佈置、名片展板...

  • 器材組:

組長:待認領

任務:投影機、投影布幕、燈光音響、桌椅...

  • 活動組:

組長:待認領

任務:營造氣氛之活動設計及主持、串場音樂

  • 接待組:

組長:待認領

任務:活動報到事項、外賓邀請、貴賓接待、新聞媒體接待...

  • 攝影組:

組長:待認領

任務:DV攝影、相機攝影、導播機主控...

  • 媒體廣播宣傳組:(像王圓圓老師海洋之聲專訪談灣唸歌團 長葉聞聲.-愛台灣的心無變.敬請指教!)

組長:待認領

任務:利用各種管道宣傳活動、鼓吹參加...

  • 環保組:

組長:待認領

任務:場地清潔、要求垃圾分類...

  • 財務組:組長:待認領

 

 

文白音組:組長待認領

俗語組:組長待認領

 

Bāng Tâi-gí

連青牌仔的政治人都無幾个人敢 出面伨(挺)「台語」,「台語」是欲按怎活?我想愛像HAKKA的手段,對「第1屆全國客家大會」開始,展現族群內聚的實力予政 治人正視,才有法度翻身。lán 欲求政治人真難,(那句話「有誰會理你啊?」)lán 愛改變方向,換 lán 展現實力來主導政治方向。是講若欲來召開「全國台員(台語)人大會」的經費毋知欲佗位來?

 

空思夢想無路用,美夢成真圓夢行,

做好計劃等回應,跤踏實地才會成。

 

課程規劃時間訂,全國台語夏令營,地點選佇宜蘭城,請恁趕緊來報名。