宜蘭縣教育支援平台 會員登入 會員註冊 我的i教書 發表新文章

黃榮泰老師學經歷

http://taiwanese.rocks/cht

學歷:2008年臺南大學語文應用研究所臺語組畢業

經歷:臺南市海東國小、三村國小臺語專任老師

            臺南市國語文競賽臺語朗讀評審

得獎:2008年臺南市推薦教育部97年度推展本土語言傑出貢獻個人獎

            2005年教育部九十三學年度鄉土語言教學績優人員

指導學生比賽得獎:

            2017年臺南市市長盃國小B組臺語朗讀比賽第一名

            2014年臺南市南區國中組臺語演講比賽第二名

            2014年臺南市市長盃國中組臺語演講比賽第一名

            2012年臺南市國小組臺語朗讀比賽第二名

            2009年臺南市綠芽臺語演講比賽國小中年級第一名、高年級第二名

            2009年臺南市國小組閩南語說故事比賽第一名

            2008年全國高中組閩南語演講比賽第三名

            2008年臺南市高中組閩南語演講比賽第一名

            2008年臺南市國小組閩南語朗讀比賽第二名

            2007年臺南市高中組閩南語演講比賽第二名

            2006年臺南市、全國高中組閩南語演講比賽第一名

            2006年臺南市國小組閩南語演講比賽B組第二名

            2005年臺南市國小組閩南語演講比賽B組第一名

            2004年臺南市國中組閩南語演講比賽第二名

            2003年臺南市國中組閩南語演講比賽第二名

            2002年臺南市國中組閩南語演講比賽第一名

            2001年第一屆維他露杯全國閩南語國小組講古比賽第一名

            2000年全國國語文競賽國小組閩南語演講比賽第三名

            2000年臺南市國小組閩南語演講比賽第一名

            1999年全國鄉土語言競賽國小組閩南語口說藝術第二名

三芝國中,教師節答喙鼓 地點司令台,道具,3項果子仔,紅hiam薑仔1 me。海報1張寫賣卵蛋。

女:「過幾工仔,就教師節--矣。你有攢啥物禮物--無?」

男:「這ah8著講,妳看這……」

女:「弓蕉、菝仔、柚仔,你的禮物足奇怪--的-呢」

男:「1點仔就無奇怪。對7年仔讀到9年仔,老師分做這三款形矣!」

女:「7年仔的老師像弓蕉、8年仔像菝仔、9年仔像柚仔,這……按怎講。」

男:「7年仔,咱拄入三芝國中,老師像彎彎的月娘倒--咧,對小學彼頭共咱軟軟仔牽來國中這頭,上課的內容,芳芳、軟軟、QQ,敢無親像弓焦。」

女:「嘿,閣有成。毋過你弓蕉皮食了"賣卵蛋"。」

男:「這是啥?」

女:「叫你弓蕉皮莫亂擲--啦。是講,8年仔哪會像菝仔--咧。」

男:「這無講你都毋知,8年仔的課業就開始加重--矣,內容閣濟,營養是營養,就是愛認真骨力poo7。」

女:「人菝仔足營養的好--無,bitahbin C 素濟--
的好--無,我咧看,老師看8年仔彼時的你,毋才較成菝仔。開始轉骨--矣,"叛逆期"的個性ting7 khok-khok、臭毛毛,足歹教。」

男:「"叛逆期",彼妳毋捌,是轉大人--啦,"叛逆期"是走揣家己的1个過程爾--啦。較歹食的菝仔厚籽、歹查某閣厚言語。兼100度的近視啦!」

女:「100度的近視,彼是啥物意思。」

男:「"沒深度"(華語),無深度--啦。」

女:「遮gau5烏白應,講你"叛逆期"閣有影,串應遐毋著的觀念,這馬咱講話,講了合時、合所在、合人聽,才是要緊,無分啥物查埔、查某--啦。紲落,9年仔的老師親像柚仔,這是按怎講--咧?」

男:「這ah8著講,予咱的工課,壓力閣較大、閣較重--矣,毋過……毋過……,妳敢知這嘛是咱上尾1改,過國中的教師節--矣。」

女:「著--hoonnh,這是咱上尾改,佇國中的教師節--矣,想--起-來,閣親像食柚仔--咧,甜甜閣帶小可仔酸酸呢。」

男:「嘛親像peh柚仔,若無拄好去予柚仔皮的油噴著,目屎閣會一直流。」

女:「上尾改,佇咱學校,過這个節日仔,除了對每1个老師感謝,我有足濟話想講,1時煞毋知欲按怎來講起。」

男:「妳免講遐濟啦,我有1招,赢過你千言萬語的感謝。」

女:「彼免,你離我較遠咧,我的感情豐富自然,你莫用柚仔油共我噴。」

男:「嘿,妳閣知,祝各位老師,教師節快樂,逐工的笑容像弓蕉。」

女:「健康、勇健像菝仔,阮若畢業--去,便來想著阮,會親像食柚仔按呢,酸酸閣甜甜。」

男:「哈囉,妳想著我會酸酸,抑是會甜甜。」

女:「你足想欲知是--無,我遮有1撮hiam薑仔,食--落,保證你現知。」

男:「莫(mai3)--啦,老師,救命喔!」

「羅xx,方xx,祝各位老師教師節平安、快樂。」